WALAWI 1:4 - Biblia Ilagho Jiboie Kwa Wandu Wose

⁴ Uo mundu uchawika mkonu ghwake aighu ya chongo cha ija njau ya kizongona chekora, nayo icharumirilwa ikaie kizongona cheinja kaung'a rake.

WALAWI 1:4 ပူးပေါင်းရင်းမြစ်များ

KUFUMA 28:38

Haruni uchakaia ukichirwa icho kibau chamunyi kwake, upate kudwa wuwiwi ghwa wandu; eri Ini BWANA nipate kughirumiria mafunyo ghose gha wueli nichaafunyirwa ni Waisraeli, hata ngera wabonyere kaung'a ngelo efunya agho mafunyo.

KUFUMA 29:10

Kurede njau imbiri ya Hema Ekwania, nao kumzere Haruni na wana wake wiwikirie mikonu yawo aighu ya chongo chake.

KUFUMA 29:15

“Sena kuwade imu ya iro bauru, kumzere Haruni na wana wake wiwikirie mikonu yawo chongonyi kwa iyo bauru.

KUFUMA 29:19

Niko kuiwade iyo bauru ya kawi nao kumzere Haruni na wana wake wiwikirie mikonu yawo aighu ya chongo chake.

KUFUMA 29:33

Wichaja ivo vindo verefunyiroghe kwa wundu ghwa wukomboli, ngelo werewikwagha wakfu kwa iyo kazi ya Wueli. Mndungi mzima usakeja ivo vindo, ela wakohani weni, angu ni vindo va Wueli.

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

EZEKIELI 45:15

Ng'ondi imweri kwa kula chagha cha ng'ondi maghana awi kufuma kwa nyumba ra wandu wa Israeli. Iri richatumilwa kwa wundu ghwa vizongona va viro, na vizongona vekora, na vizongona va mapatano, huwo niko kuchaabonya wukomboli kwa wundu ghwawo, ini Bwana MLUNGU naghamba.

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

WALAWI 16:21

nao uchawikiria mikonu yake aighu ya chongo cha ija mburi, na kurumiria mawiwi ghose gha wandu wa Israeli, na makosa ghawo ghose na kaung'a rawo rose. Na kwa chia iyo, uchawikiria iro kaung'a aighu ya chongo cha ija mburi, na kuighenja noko cha kireti kwa mkonu ghwa mndumu wasaghulwa, nao uchailekeria noko cha kireti.

WALAWI 16:24

Nao uchakuoghosha mumbi ghwake kwa machi andenyi ya Andu kwa Wueli na kurwa nguwo rake reni. Niko uchafuma na kufunya kizongona chake chekora, na kizongona chekora kwa wundu ghwa wandu, upate kubonya mapatano kwa wundu gwake na kwa wundu ghwa wandu.

WALAWI 22:21

Mndungi ukafunya kizongona cha mapatano kwa BWANA, kwa wundu ghwa kukatisha ighemi jake, angu ngera waafunya inosi kwa BWANA kufuma kwa mfugho rake, suti chikaie chisewadie itiko jingi; niko chidimagha kurumirilwa ni BWANA.

WALAWI 22:27

“Ngache ya womi ikavalwa, angu mwana wa ng'ondi, angu ndaghina, suti isigho, ionge mae kwa matuku mfungade; konyuma, wadima kurumirilwa ufunyo kukaia kizongona cha vindo kwa BWANA.

WALAWI 3:13

ukiwikiria mkonu ghwake aighu ya chongo chake; nao uchaibwagha imbiri ya Hema ekwania, na wana wa Haruni wichamichira bagha yake chuwaru rose ra madhabahu.

WALAWI 3:2

Nao uchawikiria mkonu ghwake aighu ya chongo cha iyo nyamandu, na kuibwagha aho mnyangonyi ghwa Hema ekwania; na wana wa Haruni, awo wakohani, wichaimichira madhabahu bagha chia rose.

WALAWI 3:8

ukiwikiria mkonu ghwake aighu ya chongo chake; nao uchaibwagha imbiri ya Hema ekwania, na wana wa Haruni wichamichira bagha yake chuwaru rose ra madhabahu.

WALAWI 4:15

na waghosi wa wandu wichawikiria mikonu yawo aighu ya chongo cha ija njau imbiri ya BWANA, nayo ichabwaghwa.

WALAWI 4:20

Huwo niko uchaabonya na iyo njau; sa iji koni orebonyereghe kwa njau ifunyiro kukaia kizongona kwa wundu ghwa kaung'a; na mkohani uchabonya mapatano kwa wundu ghwa kaung'a rawo; nawo wichafuilwa wughoma.

WALAWI 4:24

nao uchawikiria mkonu ghwake aighu ya iyo fwandi, na kuibwagha imbiri ya BWANA andu aho vizongona vekorwa vibwaghilwaghwa. Ni kizongona kwa wundu ghwa kaung'a.

WALAWI 4:26

Na mavuda ghake ghose uchaghikora aighu ya madhabahu, sa iji koni orebonyereghe kwa vizongona va mapatano. Uchabonya wupatanisho kwa wundu ghwake, nao uchafuilwa wughoma.

WALAWI 4:29

Nao uchawikiria mkonu ghwake aighu ya chongo cha iyo mburi ya kizongona kwa wundu ghwa kaung'a, na kuibwaghia andu vizongona vekora vibwaghilwagha.

WALAWI 4:31

Nao uchainja mavuda ghake ghose, sa iji koni mavuda ghiinjwagha kufuma kwa vizongona va mapatano; na kughikora aighu ya madhabahu ghikaie marumba mecha kwa BWANA. Kwa chia ihi, mkohani uchabonya mapatano kwa wundu ghwa kaung'a ra uo mundu, nao uchafuilwa wughoma.

WALAWI 4:33

nao uchawikiria mkonu ghwake aighu ya chongo cha uo mwana wa ng'ondi wa kizongona kwa wundu ghwa kaung'a, na kum'bwagha andu aho wibwaghiagha vizongona vekora.

WALAWI 4:35

Nao uchainja mavuda ghake ghose sa iji koni mavuda gha mwana wa ng'ondi ghiinjwagha kufuma kwa kizongona cha mapatano; na mkohani uchaghikora aighu ya madhabahu kwa BWANA; upate kubonya mapatano kwa wundu ghwa kaung'a rake oreribonyereghe, nao uchafuilwa wughoma.

WALAWI 4:4

Uchaireda iyo njau imbiri ya BWANA mnyangonyi ghwa Hema ekwania, na kuwikiria mkonu ghwake aighu ya chongo cha iyo njau; niko uchaibwagha imbiri ya BWANA.

WALAWI 5:6

nao uchafunya kizongona kwa BWANA kwa wundu ghwa iyo kaung'a oreibonyereghe. Uchafunya kufuma chaghenyi ng'ondi angu mburi ya waka ikaie kizongona kwa wundu ghwa kaung'a; na mkohani uchabonya mapatano kwa wundu ghwa kaung'a yake.

WALAWI 6:7

Na mkohani ucham'bonyera uo mundu mapatano imbiri ya BWANA, nao uchafuilwa wughoma kwa maza iro rose ubonyere na kuwuya mkosi.”

WALAWI 8:14

Niko Musa ukareda njau ikaie kizongona kwa wundu ghwa kaung'a, na Haruni na wana wake wikawikiria mikonu yawo aighu ya chongo cha ija njau ya kizongona kwa wundu ghwa kaung'a.

WALAWI 8:18

Niko ukareda bauru kwa wundu ghwa kizongona chekora, Haruni na wana wake wikawikiria mikonu yawo aighu ya chongo cha bauru.

WALAWI 8:22

Niko Musa ukaireda bauru ya kawi, iyo ewika wakohani wakfu; na Haruni na wana wake wikawikiria mikonu yawo aighu ya chongo cha iyo bauru.

WALAWI 9:7

Ukamzera Haruni, “Ghenda madhabahunyi, kufunye kizongona kwa wundu ghwa kaung'a rako na kaung'a ra wandu wako, na kizongona chekora chebonya mapatano kwa wundu ghwako na kwa wundu ghwa wandu wako; kurede agho mafunyo gha wandu, nao kubonye mapatano kwa wundu ghwawo, sa iji koni BWANA orefunyireghe.”

MITALO 15:25

Na mkohani uchabonya wupatanisho kwa wundu ghwa izungu jose ja wandu wa Israeli, nawo wichafuilwa wughoma kwa kukaia wedechumbwa wikabonya ikosa kuseko kukunda, nawo wareda kizongona chawo chekora na kizongona cha viro kwa BWANA kwa wundu ghwa kaung'a.

MITALO 15:28

Na mkohani uchabonya wupatanisho imbiri ya BWANA kwa wundu ghwa uja mundu wachumbwa ukabonya kaung'a; nao uchafuilwa wughoma.

MITALO 25:13

najo jichakaia kwake na kwa kivalwa chake nyuma yake ja kukaia na wukohani ghwa matuku ghose; kwa kukaia ndererumaghieghe wutasi ghwa milungu mizima, ela Mlungu wake; nao ukabonya wupatanisho kwa wundu ghwa kaung'a ra wandu wa Israeli.”

MITALO 8:10

Hata iji kwawiwika Walawi imbiri ya BWANA, wandu wa Israeli wichawiwikiria mikonu;

MITALO 8:12

Niko Walawi wichawikiria mikonu yawo aighu ya vongo va iro njau, na oho kuchafunya imu ikaie kizongona kwa wundu ghwa kaung'a, na imu ikaie kizongona chekora kwa BWANA, na kubonya wupatanisho kwa wundu gha Walawi.

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

WAROMA 3:25

uo Mlungu ummbikie ukaie kizongona kwa bagha yake moni, upate kuwuswa kwa irumirio, na kwa chia iyo Mlungu uwonyere hachi yake; angu kwa kurumaghia kwake kwa wulungu, ndereritalieghe kaung'a ra imbiri.

WAROMA 5:11

Hata si ijo jeni jiekeri anduangi, ela daboilwa andenyi ya Mlungu wori kwa chia ya Bwana odu Jesu Kristo uo udipatanishire na Mlungu.

WAFILIPI 4:18

Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.

WAEBRANIA 10:4

Angu bagha ya njau na mburi, ndeidimagha kuinja kaung'a anduangi.

1 JOHANE 2:2

nao nuo wushano ghwa kaung'a redu; hata si kwa wundu ghwa kaung'a redu reni riekeri anduangi, ela na ra wurumwengu ghose wori.