WALAWI 1:14 - Biblia Ilagho Jiboie Kwa Wandu Wose

¹⁴ “Ikakaia ifunyo jake kwa BWANA ni kizongona chekora cha nyonyi, uchareda chana cha mbughi angu iringo.

WALAWI 1:14 ပူးပေါင်းရင်းမြစ်များ

KUZOYA 15:9

Nao ukamzera, “Niredie tagho ya ng'ombe, subeni, na bauru, rose ra miaka idadu, chiaimweri na mbughi na tagho ya iringo.”

WALAWI 12:8

Iji usedimagha kupata mwana wa ng'ondi, uchareda vana viwi va mbughi angu va maringo; imu kwa wundu ghwa kizongona chekora, na imu ichakaia kizongona kwa wundu ghwa kaung'a; na mkohani uchabonya mapatano kwa wundu ghwa uo muka, nao uchaeleshwa.”

WALAWI 5:10

Nao uchafunya ija nyonyi ya kawi ikaie kizongona chekora, kunughana na sharia. Mkohani uchabonya mapatano kwa wundu ghwa kaung'a ya uo mundu, nao uchafuilwa wughoma.

WALAWI 5:11

“Na ikakaia ndedimagha kupata mbughi iwi angu maringo awi, niko uchafunya kilo imweri ya mufu ghudendere kwa wundu ghwa iyo kaung'a uibonyere, usedunge mavuda ghangi angu vilungo; kwa kukaia ni ifunyo kwa wundu ghwa kaung'a.

WALAWI 5:7

“Ela ikakaia ndedimagha kupata mwana wa ng'ondi uchareda kwa BWANA vana viwi va mbughi angu maringo awi kukaia kizongona kwa wundu ghwa kaung'a yake; imu ikaie kizongona kwa wundu ghwa kaung'a, na imu kwa wundu ghwa kizongona chekora.

MATHAYO 11:29

Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.

MATHAYO 21:12

Nao Jesu ukangia Hekalunyi, ukawiwinga cha shighadi wandu werekoghe wikiuza na kughua vilambo andenyi ya Hekalu; ukaribingilisha meza ra awo werekoghe wikivunja pesa, na vifumbi va awo werekoghe wikiuza maringo.

LUKA 2:24

na kufunya kizongona cha mbughi iwi, angu vana viwi va maringo, sa iji koni ighorelo sharienyi kwa Bwana.

2 WAKORINTHO 8:12

Ikakaia ngolo efunya eko, icheni mundu uko nacho, nicho cheni chirumirilwagha ni Mlungu; hata si icho usewadie anduangi.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.