WAFILIPI 4:7 - Biblia Ilagho Jiboie Kwa Wandu Wose

⁷ Na sere ya Mlungu ichumbagha kutambua kose, ichamlindia ngolo renyu na nia renyu andenyi ya Kristo Jesu.

WAFILIPI 4:7 ပူးပေါင်းရင်းမြစ်များ

NEHEMIA 8:10

Ghendenyi mzinyi muje manori, munyo divei isingie; na uo usewadie kindo chingi mumdumie vimu angu idime ni ituku jielie kwa BWANA odu; msekaie na wasi; kwa kukaia kuboilwa uko BWANA umnekagha kucham'bonya mkaie na ndighi.”

AYUBU 22:21

“Patana na Mlungu, kukaie na sere; kwa chia iyo kuchapata mecha.

AYUBU 34:29

Mlungu ukakaia kima-lee nani udimagha kumtanya? Ukalangaya noko nani udimagha kumzighana? Ela sena wadawibonyera nguma wandu na mbari ra wandu,

ZABURI 29:11

BWANA ndewineke ndighi wandu wake, BWANA ndewirasimie wandu wake kwa kuwineka sere.

ZABURI 85:8

Naawuyasikiria seji BWANA MLUNGU ughoragha; waawuyadilaghira sere isi wandu wake, iji disewurie kubonya malagho gha wukelu.

MAKATANISHO 2:11

Suku richakulindia, na kutambukilwa kuchakuwika nicha.

MAKATANISHO 4:6

Kusesighe hikima, nayo ichakulindia; kuikunde, nayo ichakuwika banana.

MAKATANISHO 6:22

Kukakaghenda, ghichakulongoza; kukalala, ghichakulindia; iji kwawuka, ghichaghora na oho.

ISAYA 26:12

Kuchaiwika sere ndoenyi kwa wundu ghodu ee BWANA, oho kwamerie kudiboisira kazi redu.

ISAYA 26:3

Uo mundu nia yake uimangishire kwako ee Mlungu, kwadammbika andenyi ya sere ikatie; angu wakurumiria oho.

ISAYA 45:7

Ni ini nibonyagha mwengere, sena ni ini niumbagha kira; ni ini niredagha marasimio na bugha; Ini ne BWANA uo ubonyagha maza rose.

ISAYA 48:18

Na ngera kodesikira memu yapo, kumangu kwakaia na sere ichue sa moda ghwa machi, na hachi yako idikaa-dika sa mivo-mivo ya bahari.

ISAYA 48:22

“Ndekuwadie sere ingi kwa wawiwi,” waghamba BWANA.

JEREMIA 32:16

“Nyuma ya kumneka Baruku mwana wa Neria ija barua eghua mbuwa, neremlombieghe BWANA ngighamba,

JEREMIA 33:6

Olenyi nichaghuredia ughu muzi wuboisi na wubanana, nani nichawiboisa wandu waro na kuwiwonyera wungi ghwa mecha na wulindiri.

MITALO 6:26

BWANA ndemzighane na kumneka sere.

LUKA 1:79

kuwilangalishira awo wiko kidombo kirenyi, na andenyi ya kiju cha kifwa; na kulongoza mighendo edu kwa chia ya sere.”

LUKA 2:14

“Wubaa ghukaie kwa Mlungu aighu na ndighi, na sere andoenyi kwa wandu; awo uboilwagha nawo!”

JOHANE 14:27

“Namsighia sere, sere yapo namneka, simnekagha seji wurumwengu ghubonyagha. Msakeja wasi ngolonyi konyu, hata msakeobua.

JOHANE 16:33

Namghoria malagho agha, mpate kukaia na sere andenyi kwapo; mchakaia na wasi wurumwengunyi, ela kaienyi na ngolo, ini naghusima wurumwengu.”

WAROMA 1:7

Namuandikia inyo wakundwa wose wa Mlungu muko Roma, muwangilo mkaie waeli. Mvono ndeghukaie konyu na sere ifumagha kwa Mlungu Aba odu na kwa Bwana Jesu Kristo.

WAROMA 14:17

Angu wuzuri ghwa Mlungu si kuja na kunywa anduangi, ela ni hachi, na sere, na kuboilwa andenyi ya Roho Mweli;

WAROMA 15:13

Idana uo Mlungu wa isuwirio, ndemchure inyo kuboilwa kose na sere kwa kurumiria, eri mpate kuchulwa ni ijo isuwirio kwa ndighi ra Roho Mweli.

WAROMA 5:1

Idana angu dameria kutalwa kukaia na hachi kwa irumirio, deko na sere na Mlungu kwa chia ya Bwana odu Jesu Kristo.

WAROMA 8:6

Angu kuririkanya ra mumbi ni kifwa, ela kuririkanya ra Roho ni irangi na sere.

2 WAKORINTHO 10:5

Isi davuchua kula kindo chikujosagha cheni na kubonya nganyi aighu ya kumanya kwa Mlungu, na kujidwa wunyika kula ighesho, jipate kumsikira Kristo.

2 WAKORINTHO 13:11

Kutua wanidu, mkaie mana. Boisenyi chia renyu, munisikire, mmbwadane, mkaie na sere, na uo Mlungu wa lukundo na sere uchakaia andwamweri nenyo.

WAGALATIA 5:22

Ela itunda ja Roho, ni lukundo, kuboilwa, sere, kurumaghia, kutala wandu, ishima, wuloli,

WAEFESO 3:19

na kulumanya lukundo lwa Kristo ulo luchumbie kumanya kose, mpate kuchulwa ni kuchua kose kwa Mlungu.

WAFILIPI 1:1

Ini Paulo na Timotheo, wadumiki wa Kristo Jesu, namuandikia inyo waeli wose wiko andenyi ya Kristo Jesu aho Filipi, chiaimweri na wazighaniri, na watesia wa ikanisa.

WAFILIPI 1:2

Mvono ndeghukaie konyu, na sere rifumagha kwa Mlungu Aba odu na kwa Bwana Jesu Kristo.

WAFILIPI 4:19

Na Mlungu wapo, uchamneka icho chose mchaakunda, karakara na wungi ghwa mali ra wubaa ghwake andenyi ya Kristo Jesu.

WAFILIPI 4:21

Mroghuo kula mweli uko andenyi ya Kristo Jesu. Awa wanidu dikwanye wamroghua.

WAFILIPI 4:9

Iro maza rose mkufundishire, mkariwusa, mkirisikira na kuriwona kwapo, ribonyenyi; na Mlungu wa sere uchakaia andwamweri nenyo.

WAKOLOSAI 3:15

Sere ya Kristo ndeibonye nguma ngolonyi konyu, nayo kwa loli niyo moreiwangiloghe mkaie andenyi ya ugho mumbi ghumweri; nenyo mkaie na chawucha.

2 WATHESALONIKE 3:16

Idana, uo Bwana moni wa sere, ndemneke inyo sere ngelo rose kwa chia rose. Bwana ndekaie nenyo mmbose.

WAEBRANIA 13:20

Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,

JUDA 1:1

Ini Juda mdumiki wa Jesu Kristo mruna Jakobo, nawiandikia awo wandu wiwangilo, wikundo ni Mlungu uja Aba, na kulindilwa kwa wundu ghwa Jesu Kristo.

WUFUNUO 1:4

Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,

WUFUNUO 2:17

Uo uko na kudu, ndesikire agho malagho Roho ughighoriagha agho makanisa. Uo usimagha, nichamneka imu ya mana ivisiro, na kumneka igho ja chokwa jiandikilo irina iwishi aighu yaro, ijo mndungi usejiichi, ela uo mundu moni ujiwusagha.’