WAFILIPI 4:18 - Biblia Ilagho Jiboie Kwa Wandu Wose

¹⁸ Napatire manosi ghose, hata na kuchumba seji nerekundieghe, ngakatwa; nyuma ya kupata agho nereredeloghe ni Epafrodito. Nagho ni kizongona cha marumba mecha, chirumirikiagha na kum'boia Mlungu.

WAFILIPI 4:18 ပူးပေါင်းရင်းမြစ်များ

KUFUMA 29:18

Niko kuikore yose aighu ya madhabahu, ikaie kizongona chekora. Irumba ja kizongona icho, janiboiagha na ndighi.

MITALO 15:3

nenyo mkakamfunyira BWANA kizongona chekora kufumanya na ng'ombe angu ng'ondi, angu kizongona chekatisha ighemi, angu mafunyo ghafunywa kwa ngolo, angu kufunya kwa ndima riwikilo, mafunyo ghebonya irumba jinuke nicha kwa BWANA,

MITALO 7:62

Bakuli imweri ya dhahabu ya gramu ighana na ikumi ichue marumba;

MABONYO GHA WADUMI 10:4

Nao ukamkuya meso ukiobua na kughamba, “Ni wada Bwana?” Ukamzera, “Malombi ghako na makuwio ghako ghajoka na kukaia lukumbuso imbiri ya Mlungu.

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

2 WAKORINTHO 11:8

Neresokieghe makanisa mazima kwa kuwusa wutesia kufuma kwawo, eri nipate kumdumikia inyo.

2 WAKORINTHO 9:12

angu wudumiki ughu ndeghuwietesia waeli weni wiekeri anduangi, ela ghwawibonya wandu kumfunyira Mlungu chawucha kwa wungi.

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WAFILIPI 4:12

Naichi kupungukilwa, sena naichi kuchua. Nakufundishire chia ekaia na vingi, na kukaia na njala; kukaia na wungi, na kusowa.

2 WATHESALONIKE 1:3

Deko na suti emfunyira Mlungu chawucha matuku ghose kwa wundu ghonyu wanidu, sa iji koni ifwanagha; kwa kukaia irumirio jenyu jaawuyazoghua kwa wungi, na lukundo luko aghadi konyu kwa kula mundu na mmbao lwaawuyachurikia.

WAEBRANIA 13:16

Msakesigha kubonya nicha, na kuwaghiana icho muko nacho; angu vizongona sa ivo vam'boia Mlungu.

1 PETRO 2:5

Nammbeni, sa magho ghiko moyo, muagho kukaia nyumba ya kiroho, wukohani ghwa wueli, ghofunya vizongona va kiroho, virumirikiagha kwa Mlungu kwa chia ya Jesu Kristo.