WAFILIPI 4:17 - Biblia Ilagho Jiboie Kwa Wandu Wose

¹⁷ Si angu wei naawuyalola agho manosi, ela naawuyalola itunda jichuriagha mtalo ghonyu.

WAFILIPI 4:17 ပူးပေါင်းရင်းမြစ်များ

MAKATANISHO 19:17

Mundu umnekagha mkiwa pesa ni sa kumkopesha BWANA na BWANA uchamlipa.

MIKA 7:1

Ni duu tu; ini neeka sa mundu uko njala; usewonagha itunda jingi jasigharika mudinyi, angu zabibu ingi yasigharika mzabibunyi. Zabibu rose na tini risingie rawalwa putu.

MALAKI 1:10

BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha.

JOHANE 15:16

Inyo ndemorenisaghueghe ini anduangi, ela ni ini neremsaghueghe inyo, na kumduma mwende muve matunda, matunda ghiduagha; eri icho chose mchaalomba kwa Aba kwa irina japo umneke.

JOHANE 15:8

Aba uchakaswa mkava matunda mengi, nenyo mchawoneka kukaia moko wanughi wapo.

WAROMA 15:28

Kwa huwu iji nameria iyo kazi, na kuwineka icho chichangilo, nichaghenda Spania ngiidiria konyu;

2 WAKORINTHO 11:16

Nawuria sena, mndungi usegheshe wei neekela; ela hata ngera mwaghesha huwo, niwusenyi wokoni sa mkelu, eri nanimoni niwonekukasa kutini. (

2 WAKORINTHO 9:5

Niko ngawona ni suti niwishashire awa wanidu wikirie, na kubonya mipango kiimbiri aighu ya ijo inosi mlaghirie; eri jiwiko nicha sa inosi jifunyiro kwa ngolo, hata si kwa kufungishwa ndighi anduangi.

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.

WAFILIPI 4:11

Si angu wei naawuyakunda kindo chingi anduangi, angu nakufundishire kukatwa ni maza rose seji koni niko.

1 WATHESALONIKE 2:5

Angu isi na jingi ndederetumieghe malagho ghesesea-sesea sa iji koni inyo mmanyagha, hata ghefinikira wusu ghungi anduangi; Mlungu nuo mshahidi.

1 TIMOTHEO 3:3

useko mmbongeri, useko mundu wa wuda, ela mmboa; usekaie orasha wandu, hata ulakie na pesa.

1 TIMOTHEO 6:10

Angu kuzoya kwa mawiwi ghose ni kuja kukunda mali; na kwa chia ya bea nyingi wandu wamu walaghaya na kujisigha ijo irumirio, nawo wavavira ngolo rawo kwa luwawo lubaa.

TITO 1:7

Angu mzighaniri wa ikanisa sa mdumiki wa Mlungu, suti ukaie mundu usewadie ikosa jingi; usekaie ukukasire, angu ojokwa ni machu shwa-shwa, angu mmbongeri, angu mundu otumia ndighi, angu iriso ja fwaida isefwanagha.

TITO 3:14

Na wandu wedu wikufundishe kukufunya kwa kubonya kazi ndicha, eri widime kutesia maza rakundika kwa shwa-shwa, wisekaie wisene mabonyo.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

1 PETRO 5:2

Lishenyi chagha cha Mlungu chiko aisi ya wuzighaniri ghonyu. Si kwa kufungishwa ndighi anduangi, ela kwa kukunda; si kwa kulola fwaida isefwane, ela kwa ngolo ielie;

2 PETRO 2:15

Walagharie kwa kusigha chia ya loli; nawo wanughie chia ya Balaamu mwana wa Beori, uo orekundieghe fwaida kwa kubonya kiwiwi;

2 PETRO 2:3

Na kwa lwafuo lwawo wichamkalia, eri wikupatire weni fwaida. Kufuma kala Mtanyi wawo oko aeni, na Mtoteshi wawo ndelalagha anduangi.

JUDA 1:11

Ni bugha kwawo! Angu wadanugha iyo chia Kaini oreinughieghe, na kwa wundu ghwa fwaida, wakulekera weni winughe ikosa ja Balaamu, na kutota seji Kora oreleghieghe, ukatota.