WAFILIPI 4:11 - Biblia Ilagho Jiboie Kwa Wandu Wose

¹¹ Si angu wei naawuyakunda kindo chingi anduangi, angu nakufundishire kukatwa ni maza rose seji koni niko.

WAFILIPI 4:11 ပူးပေါင်းရင်းမြစ်များ

KUZOYA 28:20

Jakobo ukabonya ighemi ukighamba, “Mlungu ukakaia andwamweri nani na kunilindia chienyi, unineke mkate ghoja na nguwo rerwa,

KUFUMA 2:21

Niko Musa ukacha ukakaia kwa uo mundu, nao ukamneka mwai wake Zipora ukaie mkake;

LUKA 3:14

Masikari nawo wikacha na kumkotia, “Na isi dibonya wada?” Ukawizera, “Msakemsoka mndungi kilambo chingi kwa ndighi, angu kwa chia ya kumzighiria kwa tee, nenyo mkato ni mishahara enyu.”

2 WAKORINTHO 11:27

Nabonyere kazi kwa wasi, ngisowa dilo nakio mando malazi, kwa njala na kau, ngifunga tumu kalazi koni, kwa mbeo na zuna.

2 WAKORINTHO 6:10

sa wandu diko na wasi, ela diko na kuboilwa matuku ghose; sa wandu wiko wakiwa, ela dawibonya wandu wengi kukaia na mali; sa wandu disene kindo chingi, ela diko na vindo vose.

2 WAKORINTHO 8:9

Inyo mwaichi mvono ghwa Bwana odu Jesu Kristo, seji hata ngera orekoghe na mali, ela orewurieghe mkiwa kwa wundu ghonyu, eri kwa ugho wukiwa ghwake, mpate kukaia na mali.

2 WAKORINTHO 9:8

Na Mlungu wadima kumneka inyo kula irasimio kwa wungi, eri ngelo rose mkaie na kukatwa ni kula kindo, mpate kufunya kwa wungi kwa wundu ghwa kula kazi ndicha.

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

WAEBRANIA 10:34

Angu morekoghe na wughoma na wafungwa, mkarumiria kusokwa mali renyu kwa kuboilwa; kwa kukaia inyo mmbeni moremanyireghe angu moko na mali riboie kuchumba, riduagha.