WAFILIPI 3:6 - Biblia Ilagho Jiboie Kwa Wandu Wose

⁶ kwa kufunga ndighi, nerejikorongieghe ikanisa; kunughana na hachi ipatikagha kwa Sharia, serekoghe na ikosa jingi anduangi.

WAFILIPI 3:6 ပူးပေါင်းရင်းမြစ်များ

2 SAMUELI 21:2

Nao mzuri ukawiwanga wandu wa Gibeoni; (awo Wagibeoni ndewerekoghe Waisraeli, ela ni masighariko gha Waamori, werebonyereghe ighemi na Waisraeli kukaia wichawilindia; ela Sauli ukifunga ndighi kwa wundu ghwa Waisraeli na wandu wa Juda, ukakunda kuwitotesha Waamori.)

2 WAZURI 10:16

ukamzera, “Nndoko dighendanye kuwone kumoni seji nikufunyire kwa wundu ghwa BWANA.” Wikaghenda wose hata Samaria.

MCHILI 7:16

Kwa huwo kusekaie mucha kuchumbishe, hata kusekaie na hikima ichumbagha. Kwaki kukubwaghagha kumoni?

WALAWI 13:16

nyama ijokie iam'bonya ukaie useelie, kwa kukaia ni sima. Iyo nyama ijokie ikaghaluka sena na kuwuya ya chokwa, uja mundu uchaghenda sena kwa mkohani,

MATHAYO 23:25

“Ni bugha konyu walimu wa Sharia na Mafarisayo, waji-kuwi! Angu mwadaoghosha vikombe na sahani cha shighadi, ela nandenyi vachua ivo vindo muvipatire kwa kusoka na kukenga.

MATHAYO 5:20

Nani namzera, ngera hachi yenyu isechumbagha iyo ya walimu wa Sharia na Mafarisayo, ndemchaadima jingi kungia kwa Wuzuri ghwa Mlungu anduangi.

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

MABONYO GHA WADUMI 21:20

Nawo iji wasikira wikamkasa Mlungu. Niko wikamzera, “Kwawona mwanidu seji maelfu gha Wayahudi wirumirie; na wose waawuyafunga ndighi kuiwadia Sharia;

MABONYO GHA WADUMI 22:5

Mkohani M'baa na mwandu ghwa waghosi ni washahidi. Awo weni wereninekieghe barua nighende naro kwa Wayahudi wamzedu, nani ngadamba hata Dameshki, niwiwade na kuwifunga awo werekoghe aho, nawo weni niwirede Jerusalemu wipate kutirirwa.

MABONYO GHA WADUMI 26:5

Wamanyire kwa ngelo ndacha, iji wikunde kushuhudia; kukaia, kunughana na mawiko ghikurie gha dini yedu, ini ne Mfarisayo.

MABONYO GHA WADUMI 8:3

Ela Sauli ukatima kujinona Ikanisa na ndighi; nao ukingia nyumba kwa nyumba, ukawikurudua womi na waka na kuwingira jela.

WAROMA 7:9

Ini moni nerekoghe moyo iji Sharia iserekoghe; ela ghuja momu ghuendacha, kaung'a eeruka, nani moni ngaafwa.

1 WAKORINTHO 10:32

Msakereda makuwisho ghangi kwa Wayahudi, angu kwa Wagriki, angu kwa ikanisa ja Mlungu.

1 WAKORINTHO 15:9

Angu ne mtini wa wadumi wose, hata sifwane kuwangwa mdumi anduangi; kwa kukaia nerejikorongieghe ijo ikanisa ja Mlungu.

WAFILIPI 2:15

mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

WAFILIPI 3:9

Nani niwoneke andenyi kwake nisewadie hachi ingi yapo nimoni, ipatikagha kwa chia ya Sharia, ela ija hachi ipatikagha kwa chia ya irumirio jiko andenyi ya Kristo. Ija hachi ifumagha kwa Mlungu, kwa chia ya irumirio;

1 TIMOTHEO 1:13

hata ngera aho imbiri neremsholieghe, ngamkoronga na kumdukana, ela nerefuloghe wughoma, kwa kukaia nerekoghe ngibonya agho nisemanyagha, na kwa kusowa irumirio;

WATANYI 6:30

Wandu wa muzi wikamzera Joashi, “Funya mwana wako upate kubwaghwa, angu wamerie kuichikanya madhabahu ya Baali na kuinja Ashera uja orekoghe na mbai yaro.”