WAFILIPI 3:3 - Biblia Ilagho Jiboie Kwa Wandu Wose

³ Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

WAFILIPI 3:3 ပူးပေါင်းရင်းမြစ်များ

ZABURI 105:3

Kukasenyi na BWANA; awo wose wimtasagha ndewiboilo.

ISAYA 45:25

Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

JEREMIA 9:26

Nichawikaba wandu wa Misri, na wa Juda, na wa Edomu, na wana wa Amoni, na wandu wa Moabu, na wandu wose wikaiagha kireti widumbuagha maridia ghawo virodi; wandu awa wose ndewishamishiro, na wandu wa Israeli wori ndewishamishiro ngolonyi kwawo.”

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

WAROMA 1:9

Mlungu, uo nimdumikiagha kwa ngolo yapo yose ngijichila ijo Ilagho Jiboie ja Mwana wake, nuo mshahidi wapo kukaia, nadamkumbuka inyo matuku ghose kwa malombi ghapo;

WAROMA 15:17

Niko huwu, nadima kukukasa kwa wudumiki ghwapo andenyi ya Kristo Jesu kwa wundu ghwa Mlungu.

WAROMA 7:6

Ela idana dafungulo kufuma Sharienyi, angu dafue ichia cha icho cheredibonyereghe kukaia wazumba, eri disedumike aisi ya malaghiro gha maandiko gha kala, ela didumike andenyi ya irangi iwishi ja Roho.

WAROMA 8:15

Kwa kukaia ndemorewusireghe Roho wa wuzumba sena um'bonyagha kuobua, ela morewusireghe Roho um'bonyagha kukaia wana wa Mlungu, udidimishagha kummbanga, “Abba! Aba.”

WAROMA 8:39

hata ndighi ringi zima ra mlungunyi, hata wurumwengu ghwa aighu, hata wurumwengu ghwa aisi, hata kilambo chiumbilo chingi, ndechichaadima kuditanya na lukundo lwa Mlungu, ulo luko andenyi ya Kristo Jesu Bwana odu anduangi.

WAROMA 9:6

Si angu wei ilagho ja Mlungu jeelemwa, ela ni angu awo wose wiko wa kivalwa cha Israeli si wose wiko Waisraeli anduangi;

2 WAKORINTHO 11:18

kwa kukaia wengi wakukasa na maza ra wurumwengu, nani moni wori nichakukasa.)

WAGALATIA 5:25

Dikakaia moyo kwa Roho, ndedighende kwa Roho wori.

WAGALATIA 6:16

Na awo wandu wose wighendagha kwa kunugha chia ihi, sere na wughoma ndevikaie aighu kwawo; na kwa Israeli wa Mlungu.

WAEFESO 6:18

Lombenyi kwa Roho tuli tuli; kwa kulomba na kuvoya kose, mkicheresha aighu ya agho kwa kurumaghia kose, na kuvoya kwa wundu ghwa waeli wose.

WUKUMBUSO 10:16

Kwa huwo, kufuma idana, m'bonyo wawishi ngolonyi konyu, mseduo mghilikie.

WUKUMBUSO 30:6

Sena BWANA Mlungu onyu uchaboisa ngolo renyu na ra wana wenyu, mpate kumkunda BWANA Mlungu onyu kwa ngolo renyu rose, na kwa roho renyu rose, eri mpate kukaia moyo.

WAFILIPI 1:1

Ini Paulo na Timotheo, wadumiki wa Kristo Jesu, namuandikia inyo waeli wose wiko andenyi ya Kristo Jesu aho Filipi, chiaimweri na wazighaniri, na watesia wa ikanisa.

WAFILIPI 3:12

Si angu wei neemeria kupata, angu wei neekata, ela naawuyafunga ndighi kughenda imbiri eri nipate inosi; ijo kwa wundu ghwaro Kristo Jesu oreniwusireghe.

WAFILIPI 3:14

Nafunga ndighi kughenda imbiri, nipate kuvikia andu aho jiko ijo inosi nijiwangilo ni Mlungu, kwa chia ya Kristo Jesu.

WAKOLOSAI 2:11

Andenyi kwake wori, inyo mwashamishiro, kwa kushamishwa kusebonyero ni mikonu anduangi, ela ni kuja kubonywagha ni Kristo moni kwa chia ya kughurua ghuja wundu ghwa mumbi ghwa kaung'a.

JUDA 1:20

Ela inyo wakundwa, mkuaghe mmbeni aighu ya irumirio jenyu jielie kuchumba, mlombe kwa Roho Mweli;