WAFILIPI 3:2 - Biblia Ilagho Jiboie Kwa Wandu Wose

² Mkulindie na iro koshi, mkulindie na awo wibonyagha kiwiwi, mkulindie na awo wikudemaa-dema weni.

WAFILIPI 3:2 ပူးပေါင်းရင်းမြစ်များ

ZABURI 119:115

Injikenyi kwapo inyo wabonyi kiwiwi, nipate kughiwadia malaghiro gha Mlungu wapo.

ZABURI 22:16

Bonjo ya wandu wawiwi yanimaria chia rose, yanikwanyikia na kunisoghodera sa koshi; wadunga mikonu yapo na maghu ghapo.

ZABURI 22:20

Kunikire na lufu, kira irangi japo na ndighi ra koshi.

MAKATANISHO 26:11

Mkelu uwuriagha maza ra wukelu ghwake ooka sa koshi iwuriagha madaiko ghake.

MATHAYO 24:10

Aho wengi wichawuya nyuma, wikifunyana na kuzamiana weni na weni.

MATHAYO 7:15

“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

MATHAYO 7:6

“Mserineke koshi vilambo va wueli, risechemghalukia na kumrashua inyo; hata lulu renyu msakerikumbia nguwe, risecheriwadia na maghu ghawo.

WAROMA 2:28

Angu Myahudi wa loli si uja uwonekagha kwa meso, hata kushamishwa kwa loli si kuja kuwonekagha mesonyi anduangi.

2 WAKORINTHO 11:13

Wandu sa awo ni wadumi wa tee, waawuyabonya kazi kwa mikalo, wikikubonya weni kukaia wadumi wa Kristo.

WAGALATIA 5:13

Angu inyo wanidu morewangiloghe mkaie huru, manyenyi mseghutumie wuhuru ghonyu kwa maza ra mumbi; ela mdumikiane mmbeni na mmbeni kwa lukundo.

WAGALATIA 5:15

Ela mkalumana na kujana mmbeni na mmbeni, manyenyi msetoteshane.

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

WAFILIPI 3:19

Kutua kwawo ni kutota, mlungu ghwawo ni vifu vawo, wakukasa kwa maza iwifwane wiriwonie waya, nawo wiaghesha maza ra ndoenyi.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

1 TIMOTHEO 1:19

kukijimazira ijo irumirio na nia iboie. Wandu wamu waleghie kuisikira iyo nia, wikadima wakunonia irumirio jawo;

TITO 1:16

Waghamba wei wamwichi Mlungu, ela waawuyamkana kwa mabonyo ghawo; ni wandu wizamie, wileghagha, wisefwanagha kwa kazi ingi ndicha.

2 PETRO 2:22

Iakaia kwawo seji ikatanisho jighambagha, Koshi yawuria madaiko ghake, na nguwe ioghoshero, kuwuyaghala-ghala sena mazozonyi.

JUDA 1:4

Angu weko wandu wamu wikungirie kwa kiviso, nawo ni wandu werewikiloghe kokala kwa wundu ghwa kutanywa uku; wandu wisene kuobua kwa Mlungu, awo wighughaluagha ugho mvono ghwa Mlungu odu kukaia wuwiwi, na kumkana uo uko Mzuri ueka, na Bwana odu Jesu Kristo.

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.