WAFILIPI 3:19 - Biblia Ilagho Jiboie Kwa Wandu Wose

¹⁹ Kutua kwawo ni kutota, mlungu ghwawo ni vifu vawo, wakukasa kwa maza iwifwane wiriwonie waya, nawo wiaghesha maza ra ndoenyi.

WAFILIPI 3:19 ပူးပေါင်းရင်းမြစ်များ

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

ZABURI 52:1

Kwaki kukukasagha na wuwiwi ghwako ee mundu kuwadie ndighi, kukighamba wei lukundo lwa Mlungu ni lwa matuku ghose aighu kwako?

JEREMIA 44:17

ela isi dichabonya agho malagho dereghibonyerieghe ighemi; kumfukiria marumba Malkia wa Mlungunyi, nesi dichamdungia vizongona vedu venywa, sa iji koni dibonyagha na sa iji koni weke aba werebonyagha, chiaimweri na wazuri wedu na wabaa wedu, andenyi ya mizi ya Juda na chia ra Jerusalemu; na aho derekoghe na vindo vingi na kuwona nicha, hata ndederewonieghe wuwiwi ghungi anduangi.

EZEKIELI 13:19

Mwamerie kunilusha aghadi ya wandu wapo kwa wundu ghopata shairi ndinieri na vipande va mkate, nenyo mkawibwagha wandu wiserekoghe wefwa, na kuwisigha awo wandu werekoghe wefwa wikaie moyo, kwa chia ya tee renyu kwa wandu wapo, awo wawuyasikira tee renyu.

EZEKIELI 34:3

Mwadaja mavuda, na kukurusha nguwo ra mafuri ghawo; mwadachinja iro ribandie, ela ndemrilishagha ng'ondi anduangi.

HOSEA 4:7

“Sa iji inyo wakohani mwawuyachurikia, ni huwo koni mwawuyachuria kunibonyera kaung'a. Kwa huwo nichaghalusa ishima jenyu jiwuye waya.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MIKA 3:5

Wandu wapo waawuyalaghashwa ni walodi wiwilaghiragha sere ingelo walipwa kindo chimu, na kuwiredia wuda awo wisewinekie kindo chingi. BWANA waghora huwu kwa awo walodi,

MALAKI 1:12

Ela inyo mwaawuyanisowia ishima iji mghoragha wei madhabahu yapo ndeifwane na iji mfunyagha vizongona vilue aighu yaro.

MATHAYO 16:23

Ela Jesu ukaghaluka ukamzera Petro, “Injika noko, Shetani! Kwaawuyanikuwisha. Maghesho ghako si gha Kimlungu anduangi, ela ni gha kidamu.”

MATHAYO 25:41

“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake;

LUKA 12:19

Nani nichajizera irangi japo, Ee irangi, koko na vindo vingi viwikilo va miaka mingi, idana hora, kuje, kunyo, kuboilo’

LUKA 16:19

“Korekoghe na mndumu mzuri urwae nguwo ra zambarau na kitani iboie, ukija manori na maseko matuku ghose.

LUKA 18:4

Nao uja mtanyi ukakaia ukimleghia kwa ngelo ndacha, ela konyuma ukaghora ngolonyi kwake, ‘Hata ngera ini simuobuagha Mlungu, angu kumtala mndungi,

WAROMA 16:18

Angu wandu sa awo ndewimdumikiagha Bwana odu Jesu Kristo, ela wadadumikia vifu vawo veni; na kwa malagho ghidendere ghesesea-sesea, wawikalia wandu wisemanyagha.

WAROMA 6:21

Morepatireghe fwaidaki ngelo iyo, kwa kubonya maza iro mwawuyariwonia waya idana? Angu kutua kwa maza iro ni kifwa.

1 WAKORINTHO 3:3

Hata idana mwaduagha msevidimagha, angu mwaduagha mumbinyi. Ikakaia mduagha na iriso na kurashana, inyo si wa mumbi nndoki; e hoku mwaawuyabonya sa wandu wa wurumwengu!

1 WAKORINTHO 5:2

Nenyo mooka na lubando. Ndeimfwaneghe mlile? Uo mundu ubonyere huwo, ndefunyo aghadi konyu.

1 WAKORINTHO 5:6

Kukukasa konyu ndekuboie. Wele ndemmanyire chachu ndini yadawurusha idonge jose ja mufu?

2 WAKORINTHO 11:12

Ini nichadua ngibonya sa iji koni nawuyabonya, eri niwighirie awo wawuyaghora wikikukasa kwa wudumi ghwawo, wei kedi waawuyabonya sa isi diweni.

2 WAKORINTHO 11:15

Kwa huwo si ilagho jingi ja kighenyi, ikakaia wadumiki wake wori wakubonya kukaia wadumiki wa hachi. Kutua kwawo kuchafwanana na mabonyo ghawo.

WAGALATIA 6:13

Angu hata awo weni wishamishwagha ndewiiwadiagha Sharia kungi; ela wadakunda inyo mshamisho, eri wipate kukukasa kwa kummbona mkikatisha ugho mzango ghwa mumbi.

WAFILIPI 2:21

Wazima wose wiatala maza rawo reni, ndewitalagha iro ra Jesu Kristo anduangi.

WAKOLOSAI 3:2

Ririkanyenyi maza riko aighu iro riko andoenyi mbai.

2 WATHESALONIKE 1:9

Wichapata ikabo ja kutoteshwa kwa kala na kala, na kuwikwa kula na Bwana na ghuja wubaa ghwa kudima kwake,

2 WATHESALONIKE 2:12

eri awo wose wisereirumirieghe ija loli, werekoghe wikiboilwanya na kulegha ija hachi, wipate kutanywa.

2 WATHESALONIKE 2:8

Niko uja Mleghi uchafunukulwa, na Bwana Jesu ucham'bwagha kwa miruke ya momu ghwake na kumtotesha kwa kuwoneka kwake na kucha kwake.

1 TIMOTHEO 6:5

nao warashana na wandu wisene akili, wilagharilo ni iyo loli, wigheshagha wei kuobua kwa Mlungu ni chia reshama.

2 TIMOTHEO 3:4

wa mikalo, wisetalagha, wibandilo ni chongo, wikunde maseko kuchumba kumkunda Mlungu;

JAKOBO 4:16

Ela seji iko, inyo mwaawuyakukasa kwa lung'eto lonyu. Kukukasa kose sa uku, kwazamie.

2 PETRO 2:1

Ela na walodi wa tee wori werewukieghe aghadi ya wandu, sa iji koni kuchaakaia na walimu wa tee aghadi konyu, awo wichaareda kwa kiviso mafundisho gha tee ghenona, hata kumkana uo Bwana orewighueghe; nawo wichakuredia weni kutota kwa shwa-shwa.

2 PETRO 2:13

na kupata matiriro kwa wundu ghwa mabonyo ghawo ghizamie. Wadaboilwa ni kubonya karamu ra lwafuo nadime. Wachua maboli na makosa, nawo wareda maza ra waya iji warangana nenyo karamunyi konyu.

2 PETRO 2:3

Na kwa lwafuo lwawo wichamkalia, eri wikupatire weni fwaida. Kufuma kala Mtanyi wawo oko aeni, na Mtoteshi wawo ndelalagha anduangi.

JUDA 1:10

Ela awa wandu wadashola kwa ijo jose jisewitambukiagha, nawo kwa maza ireni wiriichi kwa tabia ya asili, sa nyamandu risewadie akili, wakunona weni.

JUDA 1:16

Wandu awa ni wezughunuka, ndewikatwagha, winughagha bea rawo reni, widedagha malagho mabaa gha kukukasa, na kusesea-sesea wandu, wikupatire weni fwaida.

JUDA 1:4

Angu weko wandu wamu wikungirie kwa kiviso, nawo ni wandu werewikiloghe kokala kwa wundu ghwa kutanywa uku; wandu wisene kuobua kwa Mlungu, awo wighughaluagha ugho mvono ghwa Mlungu odu kukaia wuwiwi, na kumkana uo uko Mzuri ueka, na Bwana odu Jesu Kristo.

WUFUNUO 18:7

Sa iji koni orekukasireghe moni ukibonya wumalaya, huwo koni mnekenyi icho kipimo cheni cha matiriro na wasi. Na kwa kukaia waawuyaghamba ngolonyi kwake, ‘Ini ne malkia niko kidombo, siko mka mkiwa ungi, hata sichaawona wasi jingi;’

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.

1 SAMUELI 2:29

Kwaki sena oho kubonyagha iriso aighu ya vizongona vapo vekora na mafunyo, ivo nerevilaghirieghe; nao kuwitaleghe wana wako kunichumba ini, kwa kukubandisha mmbeni na kukusaghuya ivo vizongona viboie nifunyirwaghwa ni wandu wapo Israeli?