WAFILIPI 3:18 - Biblia Ilagho Jiboie Kwa Wandu Wose

¹⁸ Angu namghorie kalazi koni, hata idana niamghoria kwa kudikwa ni mbori kukaia, wandu wengi wakaia wamaiza wa msalaba ghwa Kristo.

WAFILIPI 3:18 ပူးပေါင်းရင်းမြစ်များ

ZABURI 119:136

Niadikwa ni mbori sa machi, angu wandu wisewadiagha sharia yako.

ISAYA 8:11

BWANA waghorie kwa ndighi mbaa ukinikania nisenughe mighendo ya awa wandu ukighamba,

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

WALAWI 11:16

nyagha, kungumuzi, mashanda na vichuku vake;

WALAWI 13:8

na mkohani uchamzighana sena. Iji yawoneka kukaia chonda chachurikie, uchamghora kukaia mundu useelie, ugho ni wukongo ghwa sima.

LUKA 19:41

Nao iji wavika kaavui na ghuja muzi na kughuwona ukaghulilia,

MABONYO GHA WADUMI 20:19

Ngimdumikia Bwana kwa wumboa ghose na mbori, na kwa matimo gherenipatireghe kwa njama rizamie ra Wayahudi.

WAROMA 9:2

kukaia neko na wasi m'baa na ndighi, na kuwawa kusesiagha ngolonyi kwapo.

1 WAKORINTHO 1:18

Angu ilagho ja msalaba ni wukelu kwa awa witotagha, ela kodu isi dikirwagha, ni ndighi ra Mlungu.

1 WAKORINTHO 6:9

Huwu ndemmanyire angu wawiwi ndewichaapata ifwa ja wuzuri ghwa Mlungu? Msakekalilwa; walaki, watasi milimu, wandu wiselagha na waka wa wandu, womi wikubonyagha weni sa waka, na womi wikanyagha na womi sa waka,

2 WAKORINTHO 11:13

Wandu sa awo ni wadumi wa tee, waawuyabonya kazi kwa mikalo, wikikubonya weni kukaia wadumi wa Kristo.

2 WAKORINTHO 11:29

Nani uko mnyonge ima niseko mnyonge? Nani ushekerelo kungia kaung'enyi, ngakaia nisejie wasi?

2 WAKORINTHO 2:4

Angu neremuandikieghe niko na wasi m'baa, na kuwawa ni ngolo ngidikwa ni mbori; si angu wei nimvavire, ela nimmanyishe ulo lukundo lubaa nimkunde nalo.

WAGALATIA 1:7

Si angu wei jeko ilagho jiboie jingi izima, ela weko wandu wamu wawuyamjisha wasi na kukunda kujighalua Ilagho Jiboie ja Kristo.

WAGALATIA 2:14

Ela iji nerewonieghe angu ndewereghendieghe nicha karakara na loli ya Ilagho Jiboie, neremzerieghe Kefa imbiri ya wose, “Oho ko Myahudi, elaima korekoghe kukikaia sa mundu wa mbari zima, hata si sa Myahudi anduangi; kwadima wada kuwilazimisha wandu wa mbari zima wikaie sa Wayahudi?”

WAGALATIA 2:21

Sidimagha kughukana mvono ghwa Mlungu, angu ikakaia kutalwa kukaia na hachi kuapatika kwa chia ya Sharia, kufwa kwa Kristo ndekune fwaida ingi.

WAGALATIA 5:21

bea, kuwongia, lwafuo, na maza zima rifwane huwo. Namghoria, seji koni neremghorieghe imbiri wori, kukaia, awo wibonyagha maza sa iro, ndewichaapata ifwa ugho wuzuri ghwa Mlungu anduangi.

WAGALATIA 6:12

Awo wandu wikundagha kukuwonyera weni kwa maza ra mumbi, niwo wawuyamfungisha ndighi mshamisho; eri tu wisechetirirwa kwa wundu ghwa msalaba ghwa Kristo.

WAGALATIA 6:14

Ela ini, nisekukase na kindo chingi, isaakaia ni ugho msalaba ghwa Bwana odu Jesu Kristo; kwa ugho, wurumwengu ghwasulubishiro kwapo, na ini kwa wurumwengu.

WAEFESO 4:17

Idana namghoria na kumshuhudia kwa irina ja Bwana, kufuma idana mseghende seji awo wandu wa mbari zima wighendagha kwa wuduu ghwa akili rawo.

WAFILIPI 1:4

na kula ngelo nimlombiagha inyo, nadamlombia kwa kuboilwa;

1 WATHESALONIKE 4:6

mndungi usakemkita hata kumkosera mruna aighu ya maza iri, kwa kukaia Bwana wadalipia kisasi aighu ya maza iri rose; sa iji koni deremghorieghe imbiri na kumkania.

2 WATHESALONIKE 3:11

Angu dasikire wei wamu wenyu ni waghadi; nawo waawuyakungira andenyi ya maza ra wandu wazima, hata ndewiwuebonya kazi ingi.

2 PETRO 2:10

na kuchumba awo wawuyanugha bea ra wuchafu, na kumenya kubonyerwa nguma. Ni walimu wa tee wiko na wuwana, wikunde kuwisholia awo wabaa kuseko na wowa.

JUDA 1:13

Wafwanana na mivo-mivo ya bahari iwadie ndighi, na mabonyo ghawo gha waya ghawoneka sa ifuo jaro jidikagha; wakaia sa nyerinyeri rimaraa-mara, nawo wawikilo kira kibaa cha kala na kala.