WAFILIPI 3:14 - Biblia Ilagho Jiboie Kwa Wandu Wose

¹⁴ Nafunga ndighi kughenda imbiri, nipate kuvikia andu aho jiko ijo inosi nijiwangilo ni Mlungu, kwa chia ya Kristo Jesu.

WAFILIPI 3:14 ပူးပေါင်းရင်းမြစ်များ

LUKA 16:16

“Sharia na maandiko gha walodi verekoghe hata ngelo ya Johane M'baputizi; kufuma aho, malagho mecha gha Wuzuri ghwa Mlungu ghaawuyachilwa, na kula umu wadaghungia kwa kufunga ndighi.

WAROMA 11:29

Angu agho manosi na uko kuwanga kwa Mlungu ndekughaluswagha anduangi.

1 WAKORINTHO 9:24

Wele ndemmanyire angu awo wose wikimbiagha msarighonyi wadaisana, ela uo upatagha zawadi ni umweri? Nenyo kimbienyi wokoni, eri mpate zawadi.

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

WAKOLOSAI 2:18

Mndungi usakemtanya kwa kuzitiria malagho ghake gha wundu ghwa kukusera, na kutasa weke malaika, ukikusaghika aighu ya kuwona mawono, na kukujosa duu kwa maririkanyo ghake gha kimmbi;

1 WATHESALONIKE 2:12

angu mkaie na irangi jim'boiagha Mlungu, uo ummbangagha inyo andenyi ya Wuzuri na wubaa ghwake moni.

2 TIMOTHEO 1:9

Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

WAEBRANIA 6:1

Kwa huwo, ndedighende imbiri, divikie kukaia wandu wikatie; dikisigha agho mafundisho gha imbiri gha Kristo. Diseaghe msingi sena ghorihea kazi rifue, na ghwa irumirio kwa Mlungu,

1 PETRO 1:13

Kwa huwu mkaie na nia riko tayari kubonya malagho. Mkaie na akili nicha, mkighusuwiria ghuja mvono ghuchaamchea ngelo ya kufunukulwa kwa Jesu Kristo.

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.

2 PETRO 1:3

Mlungu, kwa ndighi rake ra wulungu, wadinekie vilambo vose vifwanagha irangi na kuobua kwa Mlungu; kwa chia ya kummanya uo orediwangieghe dingie andenyi ya wubaa ghwake na wucha ghwake moni.

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.