WAFILIPI 3:12 - Biblia Ilagho Jiboie Kwa Wandu Wose

¹² Si angu wei neemeria kupata, angu wei neekata, ela naawuyafunga ndighi kughenda imbiri eri nipate inosi; ijo kwa wundu ghwaro Kristo Jesu oreniwusireghe.

WAFILIPI 3:12 ပူးပေါင်းရင်းမြစ်များ

AYUBU 17:9

Elaima mhachi uchaimaziria chia yake, na uo usewadie ikosa, uchachuria kukaia na ndighi.

ZABURI 119:5

Yakaiagha nicha saki ngera nadawadia malaghiro ghako;

ZABURI 138:8

BWANA, kuchakatisha malaghiro ghako kwapo; lukundo lwako lukatie ee BWANA lwadua kwa kala. Kusakesigha kazi kuibonyere.

ZABURI 42:1

Seji sarigha isodaa-soda ikikaia na bea ya machi gha moda, niko koni niko na bea na oho ee Mlungu.

ZABURI 63:8

Nawadana na oho kukanimaziria.

ZABURI 84:2

Nakunde na ndighi kukaia aho! Neko na bea ekaia andu kukaiagha BWANA. Nicham'boria Mlungu uko moyo kwa kuboilwa kubaa.

ZABURI 94:15

Hachi ichafunukulwa ni Watanyi, na wandu wa ngolo ndicha wichainugha.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

ISAYA 51:1

BWANA waghamba, “Nisikirenyi inyo mlolagha kukia, ee, inyo mmbose mumlolagha BWANA; zighanenyi ijo igho, andu morekoteroghe mkafunywa, na icho kina cha magho andu morefunyiroghe.

HOSEA 6:3

Ndedilole kummanya BWANA. Kwa loli uchadichea sa kuela kwa ndoe, na seji vua ya kimu inyagha ndoenyi.”

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

MABONYO GHA WADUMI 9:15

Ela Bwana ukamzera, “Ghenda, angu uo moni namsaghue ukaie chombo chapo chejidwa irina japo kwa mbari zima, na wazuri, na wandu wa Israeli;

WAROMA 8:39

hata ndighi ringi zima ra mlungunyi, hata wurumwengu ghwa aighu, hata wurumwengu ghwa aisi, hata kilambo chiumbilo chingi, ndechichaadima kuditanya na lukundo lwa Mlungu, ulo luko andenyi ya Kristo Jesu Bwana odu anduangi.

1 WAKORINTHO 13:10

ela kasikira icho chikatie chacha, icho chisekate chichaida.

1 WAKORINTHO 13:12

Angu idana daawuyawona a kilolenyi miramira; ela ngelo iyo, dichawona wushu kwa wushu. Ngelo ihi, naawuyamanya kutinieri; ela ngelo iyo, nichatambukilwa putu sa iji koni ini nimanyiro ni Mlungu.

1 WAKORINTHO 9:24

Wele ndemmanyire angu awo wose wikimbiagha msarighonyi wadaisana, ela uo upatagha zawadi ni umweri? Nenyo kimbienyi wokoni, eri mpate zawadi.

2 WAKORINTHO 13:9

Isi diaboilwa iji diko wanyonge, nenyo mkikaia na ndighi. Ijo dawuyajilomba, ni angu inyo mughende imbiri.

2 WAKORINTHO 7:1

Idana kwa kukaia deko na malaghiro agha wakundwa, yadifwana dikueleshe isi diweni wuchafu ghose ghwa mumbi na roho, na kughukatisha wueli kwa uko kuobua kwa Mlungu.

WAGALATIA 5:17

Angu bea ra mumbi radaleghana na Roho, na bea ra Roho radaleghana na mumbi; kwa kukaia radasimana reni na reni, hata ndemdimagha kubonya seji mkunde anduangi.

WAEFESO 1:4

Nao oredisaghueghe isi andenyi ya Kristo kufuma aho imbiri wurumwengu ghuseumbilo; eri dikaie dielie, wandu wisewadie ikosa jingi imbiri kwake.

WAEFESO 4:12

kwa wundu ghwa kuwiwika nicha waeli kwa kazi ya wudumiki, kwa kuagha mumbi ghwa Kristo.

WAFILIPI 1:1

Ini Paulo na Timotheo, wadumiki wa Kristo Jesu, namuandikia inyo waeli wose wiko andenyi ya Kristo Jesu aho Filipi, chiaimweri na wazighaniri, na watesia wa ikanisa.

WAFILIPI 3:16

Ilagho ibaa ni isi dimazire kughenda kodu sa iji koni divikie.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

1 WATHESALONIKE 5:15

Manyenyi angu mndungi onyu usakelipia kiwiwi kwa kiwiwi, ela matuku ghose mlole kubonyerana mecha mmbeni na mmbeni kwa wandu wose.

2 WATHESALONIKE 2:13

Ela isi, deko na suti emfunyira Mlungu chawucha matuku ghose, kwa wundu ghonyu wanidu mkundo ni Bwana; kwa kukaia Mlungu oremsaghueghe inyo kufuma kuzoya, mpate kukia kwa chia ya kueleshwa ni uja Roho, na kuirumiria ija loli.

1 TIMOTHEO 5:10

Ukaie ushuhudilo kwa mabonyo ghake mecha ghelela wana, kukaribisha waghenyi, kuoghosha waeli maghu, kuwitesia awo wiko na wasi, na kukufunya moni kubonya nicha kwa kula chia.

1 TIMOTHEO 6:19

Kwa chia ihi wichakubonyera weni msingi ghuboie ghwa ngelo richagha, eri wikupatire irangi ijo jiko irangi loli.

WAEBRANIA 12:14

Fungenyi ndighi kulola sere na wandu wose, na ugho wueli; mndungi useko nagho, ndechaammbona Bwana anduangi.

WAEBRANIA 12:23

na ikwanyiko ja wavalwa wa imbiri wa Mlungu, awo wiandikilo mlungunyi. Mwavika kwa Mlungu uo mtanyi wa wose, na kwa roho ra wandu wa hachi wikatishiro,

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

JAKOBO 3:2

Isi diwose dabonyagha makosa mengi; na ikakaia oko mndungi usedimagha kubonya makosa kwa agho ughoragha, uo ni mundu ukatie; udimagha kughumazira mumbi ghose wori.

1 PETRO 5:10

Nenyo, nyuma ya kutirirwa kwa ngelo ndini, uo Mlungu wa mvono ghose, ummbangie kwa wubaa ghwake ghwa kala na kala andenyi ya Kristo, uchamkatisha moni, na kummangisha, na kumneka ndighi.

2 PETRO 3:18

Ela mzoghuo andenyi ya mvono, na uko kummanya Bwana na Mkiri odu Jesu Kristo. Kwake uo, ndeghukaie ghuja wubaa, kufuma idana, hata kwa kala na kala. Amen.