WAFILIPI 3:10 - Biblia Ilagho Jiboie Kwa Wandu Wose

¹⁰ niwonemmanya uo, nandighi ya kuruka kwake, nikaie mngara wa matiriro ghake, na kufwanana nao kwa kufwa kwake;

WAFILIPI 3:10 ပူးပေါင်းရင်းမြစ်များ

JEREMIA 9:23

BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.

MATHAYO 20:23

Nao ukawizera, “Loli mchanywa kikombe chapo, ela kusea kidombo kwa mkonu ghwapo ghwa kiwomi na kwa mkonu ghwapo ghwa kiwaka, si ini kungi nifunyagha, ela ni kwa waja weni wiwikilo ni Aba.”

JOHANE 10:18

Ndekuwadie mndungi unisokagha irangi japo, ela niajifunya kwa kukunda kwapo ini moni. Neko nandighi rejifunya, sena neko nandighi rejiwusa. Huwo niko nerelaghiriloghe ni Aba.”

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

WAROMA 8:17

na ikakaia diko wana, de wandu wa ifwa, wandu wa ifwa wa Mlungu, na wangara wa ifwa andwamweri na Kristo; ikakaia datirirwa andwamweri nao, eri diwonekaswa andwamweri nao wori.

WAROMA 8:29

Awo orewimanyireghe kufuma imbiri, orewisaghueghe wipate kufwanana na Mwana wake moni, eri Mwana upate kukaia wa imbiri kuvalwa aghadi ya wanidu wengi.

WAROMA 8:36

Sa iji iandikilo, “Ngelo rose deeka ndengonyi ebwaghwa kwa wundu ghwako; Dawoneka sa ng'ondi riendaachinjwa.”

2 WAKORINTHO 1:10

nao wadikirie na ndengwa ya kifwa, sena uchadikira; na isi daawuyamsuwiria, uo uchaachuria kudikira.

2 WAKORINTHO 1:5

Angu sa iji koni dawuyatirirwa nandighi kwa wundu ghwa Kristo, huwo koni dawuyahoreshwa nandighi andenyi ya Kristo.

2 WAKORINTHO 13:4

Angu oresulubishiroghe kwa wunyonge, ela waawuyakaia moyo kwa ndighi ra Mlungu. Isi wori deko wanyonge andenyi kwake, ela iji dakabonya kazi konyu dichakaia moyo andwamweri nao kwa ndighi ra Mlungu.

WAGALATIA 2:20

Ini namerie kusulubishwa andwamweri na Kristo, na si ini ungi nawuyakaia moyo, ela Kristo nuo uko moyo andenyi kwapo; na uko kukaia moyo niko nako mumbinyi, naawuyakaia moyo kwa irumirio, ngimrumiria Mwana wa Mlungu, uo orenikundieghe na kukufunya uo moni kwa wundu ghwapo.

WAGALATIA 6:17

Kufuma idana mndungi usakenijisha wasi, angu naawuyadwa vilema va Jesu mumbinyi kwapo.

WAEFESO 4:13

Hata isi diwose dighuvikie wumweri ghwa irumirio, na kummanya Mwana wa Mlungu. Dizoghuo na kuwuya wandu wabaa, hata divikie kipimo cha kukata kwa Kristo;

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

WAKOLOSAI 1:24

Idana naboilwa andenyi ya matiriro ghapo kwa wundu ghonyu, nani naawuyakatisha kwa mumbi ghwapo agho matiriro gha Kristo ghisigharikie kwa wundu ghwa mumbi ghwake, najo ni ikanisa.

WAKOLOSAI 2:13

Na inyo, wandu morekoghe mfue kiroho kwa wundu ghwa makosa, na kwa kusowa kushamishwa kwa mimbi yenyu, Mlungu oremkaishireghe moyo andwamweri na Kristo, umeria kudifuya wughoma makosa ghedu ghose,

WAKOLOSAI 3:1

Idana ikakaia mrukishiro na Kristo, lolenyi maza iro riko aighu, andu Kristo uko, wasea kidombo chia ya mkonu ghwa kiwomi ghwa Mlungu.

1 PETRO 1:3

Mlungu ndekaso, uo Ndee Bwana odu Jesu Kristo. Kwa wughoma ghwake m'baa, isi derevaloghe wuwishi, dipate kukaia na isuwirio jiko moyo kwa chia ya uko kuruka kwa Jesu Kristo kufuma kwa wafu;

2 PETRO 1:13

Nawona ni nicha kumnyavurisha kwa kumkumbusa ingelo niko andenyi ya ughu mumbi;

1 JOHANE 2:3

Huwu niko didimagha kukaia na wuloli kukaia damwichi Mlungu, iji daiwadia memu yake.

1 JOHANE 2:5

Ela uo ose ujiwadiagha ilagho jake, lukundo lwa Mlungu lwamerie kukatia andenyi kwake loli. Kwa chia ihi, dadima kukaia na wuloli angu deko andenyi kwake.

WUFUNUO 1:18

uo uko moyo. Nerefueghe, nani hoku neko moyo kwa kala na kala; nani nawadie mifunguo ya kifwa na Andu kwa Wafu.