WAFILIPI 2:8 - Biblia Ilagho Jiboie Kwa Wandu Wose

⁸ Nao ukiwoneka na fwana ya mdamu, orekuserieghe moni, ukakaia msikiri hata kufwa; hata icho kifwa cha msalaba.

WAFILIPI 2:8 ပူးပေါင်းရင်းမြစ်များ

ZABURI 22:16

Bonjo ya wandu wawiwi yanimaria chia rose, yanikwanyikia na kunisoghodera sa koshi; wadunga mikonu yapo na maghu ghapo.

MAKATANISHO 15:33

Kuobua kwa BWANA kwadafundisha mundu hikima, suti mundu ukusere imbiri usenekelo.

MATHAYO 17:2

Nawo wikimzighana, ukaghaluka fwana yake; wushu ghwake ghukang'ala-ng'ala sa iruwa, na marwao ghake ghikawuya gha chokwa sa mwengere.

MATHAYO 26:39

Nao ukaghenda imbiri katini, ukaghwa kiwushu-wushu ukalomba, “Aba ngera kudimika kikombe ichi cha wasi ndechiniide; ela isekaie seji nikundagha ini, ela ikaie seji kukundagha oho.”

MATHAYO 26:42

Nao ukaghenda sena indo ja kawi ukalomba, “Aba ikakaia ndeidimikagha ichi kikombe chiniide, lukundo lwako lubonyeke.”

LUKA 9:29

Hata iji orekoghe ukilomba, fwana yake ikaghaluka, na marwao ghake ghikawuya gha chokwa choo gha kung'ala-ng'ala.

JOHANE 10:18

Ndekuwadie mndungi unisokagha irangi japo, ela niajifunya kwa kukunda kwapo ini moni. Neko nandighi rejifunya, sena neko nandighi rejiwusa. Huwo niko nerelaghiriloghe ni Aba.”

JOHANE 14:31

Ela yafwane wurumwengu ghumanye angu namkunde Aba, niko nawuyabonya sa iji koni orenilaghirieghe. Wukenyi difume aha.

JOHANE 15:10

Iji mwaiwadia memu yapo mchakaia andenyi ya lukundo lwapo; wokoni seji ini niiwadie memu ya Aba na kukaia andenyi ya lukundo lwake.

JOHANE 4:34

Jesu ukawizera, “Vindo vapo ni kubonya lukundo lwa uo orenidumieghe na kuimeria kazi yake.

MABONYO GHA WADUMI 8:33

Oremenyeroghe na kuimwa hachi, nani uchaaja malagho gha kivalwa chake? Angu irangi jake jafunywa ndoenyi.”

WAROMA 5:19

Angu sa iji koni kulegha kusikira kwa mundu umweri kuwibonyere wandu wengi kukaia wakaung'a, huwo koni kusikira kwa mundu umweri, wengi wichatalwa kukaia na hachi.

2 WAKORINTHO 8:9

Inyo mwaichi mvono ghwa Bwana odu Jesu Kristo, seji hata ngera orekoghe na mali, ela orewurieghe mkiwa kwa wundu ghonyu, eri kwa ugho wukiwa ghwake, mpate kukaia na mali.

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,

WUKUMBUSO 21:23

msemsighe mumbi ghwake ghukilala mdinyi ela mumrike ijo ituku jeni. Kwa kukaia mundu uwanikwagha mdinyi, oowasirwa njowe ni Mlungu. Msejilushe isanga jenyu ijo BWANA Mlungu onyu umnekagha jikaie ifwa jenyu.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

WAEBRANIA 12:4

Inyo ndemcheelwa mkisimana na kaung'a hata kuvikia kudia bagha anduangi.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.