WAFILIPI 2:6 - Biblia Ilagho Jiboie Kwa Wandu Wose

⁶ Uo hata ngera orekoghe na fwana ya Mlungu, nderetalieghe kuja kukaia karakara na Mlungu wei ni kilambo chekakadia anduangi.

WAFILIPI 2:6 ပူးပေါင်းရင်းမြစ်များ

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

ISAYA 8:8

Nawo wichangia na kuwiinja wandu wa Juda, seji machi ghichuagha na kudika-dika ii chia na ii chia, ghikidwa vilambo vose.” Mlungu oko andwamweri nesi.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

JOHANE 1:18

Jingi mndungi nderemmbonieghe Mlungu anduangi, ela Mwana wa ititi, uhu uko laghenyi kwa Aba, nuo ummanyishire.

JOHANE 10:30

Ini na Aba ni umweri.”

JOHANE 10:33

Wayahudi wikamtumbulia, “Ndedikulasagha na magho kwa wundu ghwa kazi ndicha, ela ni kwa wundu ghwa masholio ghako oho mdamu kukubonya sa Mlungu.”

JOHANE 10:38

ela ikakaia naribonya, hata ngera mwalegha kunirumiria, kumangu mwarirumiria iro kazi reni, mpate kumanya angu Aba oko andenyi kwapo, na ini andenyi kwake.”

JOHANE 14:28

Mwameria kusikira ngimzera, ‘Niaghenda sena nimmburie.’ Ngera modenikunda, kumangu mwaboilwa; kwa kukaia naawuyaghenda kwa Aba, angu Aba ni m'baa kunichumba ini.

JOHANE 14:9

Jesu ukamzera, “Uluma lose dakanya ndekuniichi Filipo? Uo uniwonie ini, wamerie kummbona uja Aba. Kughora wada sena, ‘Kudiwonyere Aba?’

JOHANE 17:5

Idana Aba, nikase ini imbiri kwako, kwa ugho wubaa nerekoghe nagho imbiri ya kuumbwa wurumwengu.

JOHANE 20:28

Nao Tomasi ukamtumbulia, “Bwana wapo, na Mlungu wapo!”

JOHANE 5:18

Kwa wundu ghwa madedo agho, Wayahudi wikachuria kulola chia em'bwagha, kwa kukaia Jesu ndereinonieghe Sabato cheni, ela hata Mlungu wadammbanga wei ni ndee, ukikubonya uo moni karakara na Mlungu.

JOHANE 5:23

wose wipate kum'bonyera ishima Mwana, sa iji koni wim'bonyeragha ishima uja Aba wori. Uhu usem'bonyeragha uja Mwana ishima, ndem'bonyeragha ishima uja Aba oremdumieghe wori.

WAROMA 9:5

na awo weke wawa ni wawo, na kufuma kwawo orevaloghe Kristo kwa chia ya mumbi. Mlungu uo uko aighu ya vose ndekaso kwa kala na kala. Amen.

2 WAKORINTHO 4:4

Awo ndewidimagha kurumiria, angu mlungu wa wurumwengu ughu wawituwira akili rawo, na kuwighiria wisewone mwengere ghwa Ilagho Jiboie ja wubaa ghwa Kristo; uo uko fwana ya Mlungu.

2 WAKORINTHO 8:9

Inyo mwaichi mvono ghwa Bwana odu Jesu Kristo, seji hata ngera orekoghe na mali, ela orewurieghe mkiwa kwa wundu ghonyu, eri kwa ugho wukiwa ghwake, mpate kukaia na mali.

1 TIMOTHEO 1:17

Idana kwa uo Mzuri wa ngelo rose, useidagha, usewonekagha, Mlungu uekeri, ndejikaie ishima na wubaa kwa kala na kala. Amen.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

TITO 2:13

dikijiwesera kwa isuwirio ijo Ituku jirasimilwagha, ja uko kuwoneka kwa wubaa ghwa Mlungu odu m'baa, na Mkiri Jesu Kristo.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 1:6

Na sena iji wamreda wurumwengunyi uo mvalwa wa imbiri waghamba, “Malaika wose wa Mlungu ndewimtase.”

WAEBRANIA 1:8

Ela kwa Mwana waghamba huwu, “Kifumbi chako cha nguma ee Mlungu chadua kwa kala na kala, mzata ghwa nguma ghwa hachi, ni mzata ghwa nguma ghwa wuzuri ghwako.

WAEBRANIA 13:8

Jesu Kristo nuo moni ighuo, na idime, na hata kwa kala na kala.

WUFUNUO 21:6

Nao ukanizera, “Ghabonyeka! Ini ne Alfa na Omega, uko kuzoya na uko kutua. U mundu uomagha, nichamneka machi gha ndoria ya machi gha irangi duu.