WAFILIPI 2:3 - Biblia Ilagho Jiboie Kwa Wandu Wose

³ Msakebonya ilagho jingi kwa kukukunda mmbeni, angu kukunda wubaa ghwa duu; ela kwa kukusera, muwitale wambenyu kukaia wafwane kumchumba inyo.

WAFILIPI 2:3 ပူးပေါင်းရင်းမြစ်များ

MAKATANISHO 13:10

Kukujosa kwadareda marashano, ela awo wiwadagha mafundisho, weko na hikima.

LUKA 18:14

Nao Jesu ukaghamba, “Namghoria, mmbwadi wushuru oreserieghe nyumbenyi kwake wanekwa hachi kuchumba Mfarisayo. Angu uhu ukujosagha moni, uchaserwa, na uhu ukuseragha moni, uchajoswa.”

WAROMA 12:10

Kundanenyi mmbeni na mmbeni kwa lukundo lwa ngolonyi; kula mundu ndemtale mmbao kukaia wa imbiri kwa ishima.

WAROMA 13:13

Ndedighende nicha seji dighendagha na dime; si kwa lwafuo na kuwongia, si kwa kulaka na kushughunuka, si kwa kurashana na iriso,

WAROMA 2:8

Ela wandu wa sheshe, wiseisikiragha ija loli, wikinugha mawiwi, wichachelwa ni machu na kubia kubaa kwa Mlungu.

1 WAKORINTHO 15:9

Angu ne mtini wa wadumi wose, hata sifwane kuwangwa mdumi anduangi; kwa kukaia nerejikorongieghe ijo ikanisa ja Mlungu.

1 WAKORINTHO 3:3

Hata idana mwaduagha msevidimagha, angu mwaduagha mumbinyi. Ikakaia mduagha na iriso na kurashana, inyo si wa mumbi nndoki; e hoku mwaawuyabonya sa wandu wa wurumwengu!

2 WAKORINTHO 12:20

Angu naobua kewada yadimika ngacha konyu nimkuo seji nisekunde, na inyo muniwone seji msekunde; na kewada koko kurashana, iriso, machu, wusu, kusimana, kudedana, sheshe, kukukasa na nganyi.

WAGALATIA 5:15

Ela mkalumana na kujana mmbeni na mmbeni, manyenyi msetoteshane.

WAGALATIA 5:26

Disakekukasa diweni, angu kulolana zua diweni na diweni; hata disebonyerane iriso diweni na diweni anduangi.

WAEFESO 4:2

Mkaie wa kukusera, wa mboa, na kurumaghia kose, mkirumaghiana mmbeni na mmbeni kwa lukundo;

WAEFESO 5:21

Kula mundu ndekuwike aisi ya mmbao kwa kumwobua Kristo.

WAFILIPI 2:14

Bonyenyi maza rose kuseko na mazughunuko hata nganyi ringi,

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

WAKOLOSAI 3:8

Ela idana, riinjenyi na mbai iri rose; machu, lubio, lubando, kusholia, na madedo ghizamie kufuma memunyi konyu.

1 TIMOTHEO 6:4

ookujosa na kukukasa; nao ndeichi kindo chingi, wakaia mkongo wa bea nyingi, ukibonya nganyi na marashano kwa madedo ghiredagha iriso, mawaghanyiko, kuzighiria, na maririkanyo ghizamie;

1 PETRO 3:8

Kutua, inyo mmbose mkaie na wumweri ghwa roho, wughoma, lukundo lwa wanidu, ngolo inyoshere, na nia ya kukusera.

1 PETRO 5:5

Wokoni na inyo muko watini mkuwike aisi ya waghosi. Inyo mmbose mkaie na wumboa kula mundu na mmbao; angu, “Mlungu wawitangala wang'eti, ela wawineka mvono awo wiko na wumboa.”