WAFILIPI 2:12 - Biblia Ilagho Jiboie Kwa Wandu Wose

¹² Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;

WAFILIPI 2:12 ပူးပေါင်းရင်းမြစ်များ

EZRA 10:3

Idana ndedibonye ilaghano na Mlungu odu kukaia dichawisigha awa waka chiaimweri na wana wawo kunughana na njama yako, bwana odu na ya awo wose wiko na ishima na malaghiro gha Mlungu odu na ilagho ijo jibonyo kunughana na Sharia.

ZABURI 119:120

Naawuyakuobua; niaobua matanyo ghako.

ZABURI 2:11

Mdumikienyi BWANA kwa kuobua na kukusera.

MAKATANISHO 10:16

Mafungu gha mundu wa hachi ghiamlongoza cha iranginyi; fwaida ra mmbiwi riamlongoza cha kaung'enyi.

MAKATANISHO 13:4

Mghadi wadakunda vilambo, ela ndepatagha, ela mundu uko ing'oni kazinyi, wadapata kula kilambo uchikundagha kwa wungi.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

ISAYA 66:5

Inyo msughusikiagha ilagho ja BWANA sikirenyi seji ughoragha, “Awo wanyinyu wizamilwagha ni inyo, na kummbinga kwa wundu gha irina japo waghambie, ‘Oke Mlungu ndewonyere wubaa ghwake dipate kummbona inyo mkiboilwa;’ ela sena niwo weni wichaafushwa waya.

MATHAYO 11:12

Kufuma matuku gha Johane M'baputizi hata idime, wuzuri ghwa Mlungu ghwaawuyatangalwa kwa ndighi, na awo wiko nandighi wiaghuwada kwa ndighi.

MATHAYO 11:29

Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.

MABONYO GHA WADUMI 16:29

Uja m'baa wa jela ukawanga uredelo taa, ukangia andenyi na iseghe, na kughwa imbiri ya Paulo na Sila ukisughusika.

MABONYO GHA WADUMI 9:6

ela wuka kungie mzinyi, na oho kuchaghorelwa agho kuchaabonya.”

WAROMA 2:7

Awo wawuyabonya mecha kwa kurumaghia, wikilola wubaa na ishima, na kudua kwa kala, uchawineka irangi ja kala na kala.

1 WAKORINTHO 15:58

Kwa huwu wanidu nimkunde, mangenyi msakenyavurika; mkimdumikia Bwana tulituli, mkimanya angu kazi yenyu andenyi ya Bwana si ya duu anduangi.

1 WAKORINTHO 2:3

Nani nerekanyeghe nenyo kwa wunyonge, ngiobua nandighi na kusughusika.

1 WAKORINTHO 4:14

Namuandikia agha, si angu neekunda kumfusha waya anduangi, ela naawuyamfunda sa wana wapo nimkunde.

2 WAKORINTHO 7:15

Nao wachuria kumkunda inyo kwa ngolo yose, ingelo ukumbukagha uko kusikira konyu inyo mmbose, na seji moremkaribishireghe kwa kuobua na kusughusika.

WAEFESO 6:5

Inyo wazumba, wisikirenyi awo wiko weke bwana wenyu wa kimmbi kwa kuobua na kusughusika; kwa ngolo ielie, seji mwaawuyamdumikia Kristo;

WAFILIPI 1:27

Ilagho jikundikie konyu, ni ja inyo kughenda karakara na ijo Ilagho Jiboie ja Kristo, eri ngera nacha kummbona, angu ngera nakaia kula nenyo, nisikire wori mwawuyamanga andenyi ya roho imweri, muko na nia imweri, mkifunga ndighi chiaimweri kwa irumirio ja Ilagho Jiboie;

WAFILIPI 1:29

Angu inyo mwanekelo, si uko kurumiria Kristo koni anduangi, ela hata na kutirirwa wori kwa wundu ghwake;

WAFILIPI 1:5

ngifunya chawucha kwa wundu ghwa wungara ghonyu aighu ya ijo Ilagho Jiboie, kufuma jija ituku ja imbiri hata idana.

WAFILIPI 1:6

Nani neko na loli kukaia, uo oreizoeghe kazi ndicha andenyi konyu, uchadua ukiikatisha hata ijo Ituku ja Jesu Kristo.

WAFILIPI 2:19

Nasuwiria kumduma Timotheo konyu kafwani Bwana Jesu ukakunda; nani nipate kuhoreshwa ngolo kwa malagho ghenyu.

WAFILIPI 4:1

Kwa huwu wanidu nimkunde, muniriragha, kuboilwa kwapo na kirumbu chapo, mangenyi huwo koni andenyi ya Bwana wakundwa.

WAFILIPI 4:15

Inyo mmbeni Wafilipi mwamanya ingelo Ilagho Jiboie jerezoyagha, iji nerefumieghe Makedonia, ndekorekoghe na ikanisa jingi jerekoghe na wungara nani aighu ya kufunya na kuwusa, ela inyo muekeri;

1 WATHESALONIKE 1:3

Nesi dawuyaikumbuka imbiri ya Mlungu Aba odu, iyo kazi yenyu ya irumirio, na kufunga ndighi konyu kwa lukundo, na kumanga kwa isuwirio andenyi ya Bwana odu Jesu Kristo.

2 TIMOTHEO 2:10

Kwa huwu narumaghia maza rose kwa wundu ghwa wasaghulwa, eri nawo wipate kukia andenyi ya Kristo Jesu, na kupata ugho wubaa ghwaro ghwa kala na kala.

WAEBRANIA 12:1

Kwa huwo na isi wori, kwa kukaia damarwa ni iwingu ibaa ja washahidi jing'ane huwu, ndediinje kula kighirio, na iyo kaung'a idikakadiagha na ndighi; dikimbie kwa kurumaghia, kwa kuja kuisana kuwikilo imbiri kodu

WAEBRANIA 4:1

Kwa huwo, angu hoku ilaghiro ja kungia kuhorenyi jiduagha, ndediobuo; isechekaia mndungi onyu kuwoneka walemwa ni kungia.

WAEBRANIA 4:11

Idana isi ndedifunge ndighi kukungia kuja kuhora, eri mndungi usecheghushwa ni kuja kulegha kusikira.

WAEBRANIA 5:9

nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

1 PETRO 2:11

Namvoya wakundwa, inyo sa waghenyi na wandu weida, mkutanye na bea ra mumbi, iro ribonyagha wuda na roho renyu.

2 PETRO 3:18

Ela mzoghuo andenyi ya mvono, na uko kummanya Bwana na Mkiri odu Jesu Kristo. Kwake uo, ndeghukaie ghuja wubaa, kufuma idana, hata kwa kala na kala. Amen.