WAFILIPI 1:8 - Biblia Ilagho Jiboie Kwa Wandu Wose

⁸ Angu Mlungu ni mshahidi wapo seji niko na bea mbaa kwa wundu ghonyu mmbose, kwa lukundo lwa Kristo Jesu.

WAFILIPI 1:8 ပူးပေါင်းရင်းမြစ်များ

AYUBU 16:19

Hata idana mshahidi wapo ooka mlungunyi, na uo unidederiagha oko aighu.

ISAYA 16:11

Kwa huwo niaililia Moabu na muzi ghwa Kir-heresi.

ISAYA 63:15

Kudizighane kufuma mlungunyi kwako ee BWANA, kufuma agho malalo ghako ghielie gha wubaa. Ugho wuing'oni na kudima kwako koko hao? Ghuao ugho wughoma na lukundo lwako kudikunde nalo?

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

LUKA 1:78

kwa chia ya wughoma mungi ghwa Mlungu odu, ngelo mwengere ghuchaadichea kufuma aighu,

WAROMA 1:9

Mlungu, uo nimdumikiagha kwa ngolo yapo yose ngijichila ijo Ilagho Jiboie ja Mwana wake, nuo mshahidi wapo kukaia, nadamkumbuka inyo matuku ghose kwa malombi ghapo;

WAROMA 9:1

Naawuyaghora loli andenyi ya Kristo siwueghora tee anduangi; nia yapo wori ikibonyerwa nguma ni Roho Mweli yawuyanishuhudia;

2 WAKORINTHO 13:9

Isi diaboilwa iji diko wanyonge, nenyo mkikaia na ndighi. Ijo dawuyajilomba, ni angu inyo mughende imbiri.

2 WAKORINTHO 6:12

Isi ndedine ilagho jingi nenyo, ela ilagho jeeka konyu mmbeni.

2 WAKORINTHO 7:15

Nao wachuria kumkunda inyo kwa ngolo yose, ingelo ukumbukagha uko kusikira konyu inyo mmbose, na seji moremkaribishireghe kwa kuobua na kusughusika.

WAGALATIA 1:20

Na agha malagho nimwandikiagha, niamghoria loli imbiri ya Mlungu, siwueghora tee anduangi.

WAGALATIA 3:26

angu inyo mmbose moko wana wa Mlungu andenyi ya Kristo Jesu kwa chia ya irumirio.

WAGALATIA 4:19

Wana wapo nimkunde, nakaia na luwawo sa lwa muka ukumbagha lufu kwa wundu ghonyu, hata Kristo uumbike andenyi konyu.

WAFILIPI 2:1

Kwa huwo, ikakaia koko kuhoreshwa ngolo kungi andenyi ya Kristo, ikakaia iko ngolo ingi ya lukundo, ikakaia ghoko wungara ghungi ghwa Roho, ikakaia koko kurirana kungi kwa lukundo na wughoma;

WAFILIPI 2:26

Angu orekoghe na bea emmbona inyo mmbose, ela orekoghe ukisumbuka kwa kukaia seji msikire, orekoghe mkongo.

WAFILIPI 4:1

Kwa huwu wanidu nimkunde, muniriragha, kuboilwa kwapo na kirumbu chapo, mangenyi huwo koni andenyi ya Bwana wakundwa.

WAKOLOSAI 2:1

Angu nakunde mmanye seji nawuyafunga ndighi kwa wundu ghonyu, na kwa wundu ghwa wandu wa Laodikea, na awo wose wiseniwonie jingi;

WAKOLOSAI 3:12

Idana inyo sa wandu wa Mlungu msaghulo, waeli mkundo, mkaie na ngolo ya wughoma, wucha, kukusera, wumboa, na kurumaghia;

1 WATHESALONIKE 2:5

Angu isi na jingi ndederetumieghe malagho ghesesea-sesea sa iji koni inyo mmanyagha, hata ghefinikira wusu ghungi anduangi; Mlungu nuo mshahidi.

1 WATHESALONIKE 2:8

Na kwa kukaia deremkundeghe inyo na ndighi, derekoghe tayari kuwaghana, si Ilagho Jiboie jeni jiekeri anduangi, ela hata kufunya marangi ghedu, kwa kukaia morekoghe wa zoghori mbaa kodu.

2 TIMOTHEO 1:4

ngikumbuka mbori rako, na kukunda nandighi kio na dime nikuwone, nipate kuboilwa kubaa.

FILEMONI 1:12

Naawuyammbunja kwako, nao moni ni ngolo yapo cheni.

FILEMONI 1:20

Nga mwanidu nechi nani moni nakunde fwaida imu kwako andenyi ya Bwana. Nihoreshe ngolo yapo andenyi ya Kristo.

1 JOHANE 3:17

Ela ngera mndungi wawadie vilambo va wurumwengu, na kummbona mruna usewadie, ukakaia na ngolo ikurie emuima, lukundo lwa Mlungu lwakaia wada andenyi kwake?