WAFILIPI 1:7 - Biblia Ilagho Jiboie Kwa Wandu Wose

⁷ Ni hachi ini kumririkanyira huwo inyo mmbose, kwa kukaia moko ngolonyi kwapo. Angu inyo mmbose moko wangara wa mvono andwamweri nani kwa kufungwa kwapo, na kwa kujidederia na kujimangisha ijo Ilagho Jiboie.

WAFILIPI 1:7 ပူးပေါင်းရင်းမြစ်များ

MABONYO GHA WADUMI 20:23

ela Roho Mweli waawuyanishuhudia kula muzi kukaia vifungo na wasi vaawuyaniwesera.

MABONYO GHA WADUMI 21:33

M'baa wa majeshi ukacha ukammbwada, ukafunya momu ufungo na minyororo iwi. Ukakunda kumanya ni mnduki nao wabonya wada.

1 WAKORINTHO 13:7

Lukundo lwadarumaghia luma, lwadarumiria ghose, lwadasuwiria ghose, lwadarumaghia ghose.

1 WAKORINTHO 9:23

Maza iri naawuyaribonya kwa wundu ghwa Ilagho Jiboie, eri nipate iwaghio ja marasimio gharo.

2 WAKORINTHO 3:2

Inyo mmbeni moko barua edu ekumwa, iandikilo ngolonyi konyu, imanyikagha na kushomwa ni wandu wose.

2 WAKORINTHO 7:3

Ini siwueghora ilagho iji kwa kumtanya anduangi, angu nereghorieghe imbiri, inyo moko ngolonyi kodu; difwanye, angu dikaie moyo chia imweri.

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

WAEFESO 3:1

Kwa wundu ughu, ini Paulo mfungwa wa Kristo Jesu, kwa wundu ghonyu inyo wandu wa mbari zima,

WAEFESO 4:1

Kwa huwu, ini niko mfungwa kwa wundu ghwa Bwana, namlomba mkaie na kughenda kufwananagha na kuwangwa konyu uko morewangiloghe.

WAEFESO 6:20

kwa io, ini neko mdumwa waro, nifungilo na mnyororo; nipate kujighora kwa wuwana seji inifwanagha.

WAFILIPI 1:12

Nakunde mmanye wanidu, kukaia maza rerenipatireghe, rateserie nandighi kueresha ijo Ilagho Jiboie.

WAFILIPI 1:13

Walindiri wose wa ngomenyi, chiaimweri na wandu wazima wose, wacheemanya wori kufungwa kwapo ni kwa wundu ghwa Kristo;

WAFILIPI 1:14

na kaavui ya wanidu wose, wacheemangishwa andenyi ya kumrumiria Bwana, kwa wundu ghwa kufungwa kwapo; nawo wachua wuwana ghojighora ilagho ja Mlungu kuseko na wowa.

WAFILIPI 1:5

ngifunya chawucha kwa wundu ghwa wungara ghonyu aighu ya ijo Ilagho Jiboie, kufuma jija ituku ja imbiri hata idana.

WAFILIPI 2:22

Ela inyo mwamwichi Timotheo kukaia wafwane, nenyo mwamanya seji derejidumikieghe ijo Ilagho Jiboie sa mwana na ndee.

WAFILIPI 4:14

Ela sena mwabonyere nicha nandighi kunitesia wasi ghwapo.

WAFILIPI 4:15

Inyo mmbeni Wafilipi mwamanya ingelo Ilagho Jiboie jerezoyagha, iji nerefumieghe Makedonia, ndekorekoghe na ikanisa jingi jerekoghe na wungara nani aighu ya kufunya na kuwusa, ela inyo muekeri;

WAFILIPI 4:3

Nani nakulomba oho wori mngara wa kazi wa loli, kuwitesie awo waka; angu wabonyere kazi mbaa andwamweri nani edumikia ijo Ilagho Jiboie, dikwanye na Klementi na wangara wapo wa kazi wazima; awo marina ghawo ghiko andenyi ya chuo cha irangi.

WAKOLOSAI 4:18

Ini Paulo naandika voro iri kwa mkonu ghwapo nimoni. Kumbukenyi seji nifungilo. Mvono ndeghukaie konyu.

WAKOLOSAI 4:3

Mdilombie na isi wori, eri Mlungu udirughuye mnyango ghojighora ijo ilagho, dipate kuieresha iyo ngasu ya Kristo, iyo nayo kwa wundu ghwaro, neko kifungonyi;

1 WATHESALONIKE 5:5

Angu inyo mmbose mo wandu wa mwengere, na wandu wa dime; isi ndediko wandu wa kio, hata wandu wa kira anduangi.

2 TIMOTHEO 1:8

Idana kusakewona waya kumshuhudia Bwana odu, hata kusakeniwonia waya ini mfungwa wake, ela kurumaghie wasi kwa ndighi ra Mlungu, kwa wundu ghwa ijo Ilagho Jiboie.

2 TIMOTHEO 2:9

Kwa wundu ghwa ijo Ilagho Jiboie, nawuyatirirwa ningirilo pingu sa m'bonyi mawiwi. Ela Ilagho ja Mlungu ndejifungwagha.

FILEMONI 1:13

Naboilwagha ngera nadakanya nao, upate kunidumikia wulalo ghwako ingelo niko kifungonyi kwa wundu ghwa Ilagho Jiboie.

WAEBRANIA 3:1

Kwa huwu wanidu waeli, wangara wa uko kuwangwa kwa mlungunyi, mririkanyenyi Jesu, uo mdumi na Mkohani M'baa wa kurumiria kodu.

1 PETRO 4:13

Ela boilonyi kwa kukaia mwakaia wangara wa matiriro gha Kristo; eri mpate kuboilwa na kuzuma ngelo ya kufunukulwa kwa wubaa ghwake.

1 PETRO 5:1

Kwa wundu ugho, nawivoya waghosi wiko aghadi konyu, ini moni niko mghosi sa awo weni, na mshahidi wa matiriro gha Kristo, na mngara wa ghuja wubaa ghuchaafunukulwa.

2 PETRO 1:13

Nawona ni nicha kumnyavurisha kwa kumkumbusa ingelo niko andenyi ya ughu mumbi;

1 JOHANE 3:14

Isi damanya angu damerie kufuma kifonyi na kungia iranginyi, kwa kukaia dawikunde awo wanidu. Uo ose usewadie lukundo, wadakaia kifonyi.