WAFILIPI 1:27 - Biblia Ilagho Jiboie Kwa Wandu Wose

²⁷ Ilagho jikundikie konyu, ni ja inyo kughenda karakara na ijo Ilagho Jiboie ja Kristo, eri ngera nacha kummbona, angu ngera nakaia kula nenyo, nisikire wori mwawuyamanga andenyi ya roho imweri, muko na nia imweri, mkifunga ndighi chiaimweri kwa irumirio ja Ilagho Jiboie;

WAFILIPI 1:27 ပူးပေါင်းရင်းမြစ်များ

1 MALAGHO GHA NGELO 19:12

Nao ukaghamba, “Wasiria wikanichumba ndighi, kunitesie; na Waamoni wikakuchumba ndighi niakutesia.

ZABURI 122:3

Jerusalemu ni muzi ghuaghilo na kuwadanishwa nicha.

ZABURI 133:1

Yaboie saki wanidu kukaia chiaimweri kwa wumweri!

MAKATANISHO 22:23

BWANA uchawidederia, nao uchawiredia wasi awo wawuyawisoka.

JEREMIA 32:39

Nichawineka nia imweri na chia imweri, wipate kuniobua kwa kala na kala kwa mecha ghawo na gha wana wawo wichaanugha nyuma.

MATHAYO 12:25

Nao Jesu ukimanya maghesho ghawo ukawizera, “Wuzuri ugho ghose ghuwaghanyikagha mafungu mafungu, ndeghudimagha kumanga anduangi; hata ndekuwadie muzi angu nyumba iwaghanyikagha cheni idimagha kumanga anduangi.

MABONYO GHA WADUMI 2:46

Na ituku ituku werekoghe wikingia Hekalunyi, na kughuchikanya mkate nyumbenyi kwawo, wikija vindo kwa kuboilwa na ngolo rielie,

MABONYO GHA WADUMI 24:24

Nyuma ya matuku ghamu, Felike orechanyeghe na mkake Drusila nao ni Myahudi; ukamdumiria Paulo ukikunda umsikire ukighora malagho aighu ya irumirio jiko kwa Kristo Jesu.

MABONYO GHA WADUMI 4:32

Wandu wose wererumirieghe werekoghe na nia imweri na roho imweri, hata mndungi ndereghorieghe wei kindo chingi ni chake moni uekeri anduangi; ela werekoghe na wungara ghwa vilambo vose.

WAROMA 1:16

Angu ini sijiwoniagha waya Ilagho Jiboie, kwa kukaia ni ndighi ra Mlungu remkira mundu uo ose urumiriagha; kwa Myahudi kande, na kwa Mgriki wori.

WAROMA 1:5

Kwa chia yake uo, isi dapatire mvono na wudumi ghowibonya wandu wa mbari rose wipate kusikira kwa uko kurumiria kwa wundu ghwa irina jake;

WAROMA 1:9

Mlungu, uo nimdumikiagha kwa ngolo yapo yose ngijichila ijo Ilagho Jiboie ja Mwana wake, nuo mshahidi wapo kukaia, nadamkumbuka inyo matuku ghose kwa malombi ghapo;

WAROMA 10:8

Ela ighora wada? Iaghora, Ilagho jeko kaavui kwako, momunyi kwako na ngolonyi kwako; (ijo nijo ilagho ja irumirio dawuyajichila.)

WAROMA 15:16

nipate kukaia mdumiki wa Kristo Jesu kwa wandu wa mbari zima, kwa ugho wukohani ghwa Ilagho Jiboie ja Mlungu, eri wandu wa mbari zima wikaie kizongona chirumirikiagha kwa Mlungu, chieleshero ni Roho Mweli.

WAROMA 15:29

nani namanya angu ngakacha konyu, nichacha nichue marasimio gha Kristo.

1 WAKORINTHO 1:10

Namvoya wanidu kwa irina ja Bwana odu Jesu Kristo, msikirane; hata kusekaie kuwaghanyika kungi aghadi konyu, ela mmbwadane kwa nia imweri na njama imweri.

1 WAKORINTHO 15:58

Kwa huwu wanidu nimkunde, mangenyi msakenyavurika; mkimdumikia Bwana tulituli, mkimanya angu kazi yenyu andenyi ya Bwana si ya duu anduangi.

2 WAKORINTHO 13:11

Kutua wanidu, mkaie mana. Boisenyi chia renyu, munisikire, mmbwadane, mkaie na sere, na uo Mlungu wa lukundo na sere uchakaia andwamweri nenyo.

2 WAKORINTHO 4:4

Awo ndewidimagha kurumiria, angu mlungu wa wurumwengu ughu wawituwira akili rawo, na kuwighiria wisewone mwengere ghwa Ilagho Jiboie ja wubaa ghwa Kristo; uo uko fwana ya Mlungu.

2 WAKORINTHO 9:13

Kwa chia ya kutimwa kwaro wudumiki ughu, wichamkasa Mlungu wikiwona seji mwawuyasikira, kwa kujirumiria ijo Ilagho Jiboie ja Kristo; na kwa wundu ghwa iyo ngolo enyu ndicha efunya, kwa wundu ghwawo na kwa wazima wose;

WAGALATIA 1:7

Si angu wei jeko ilagho jiboie jingi izima, ela weko wandu wamu wawuyamjisha wasi na kukunda kujighalua Ilagho Jiboie ja Kristo.

WAEFESO 1:13

Andenyi ya Kristo, inyo wori moresikireghe ilagho ja loli, ijo Ilagho Jiboie ja kukia konyu; nenyo mwendamrumiria, morekabiloghe muhuri kwa Roho Mweli wa ilaghiro;

WAEFESO 1:15

Kwa wundu ughu, angu nisikire malagho gha irumirio jenyu andenyi ya Bwana Jesu, na lukundo lonyu kwa waeli wose,

WAEFESO 4:1

Kwa huwu, ini niko mfungwa kwa wundu ghwa Bwana, namlomba mkaie na kughenda kufwananagha na kuwangwa konyu uko morewangiloghe.

WAFILIPI 1:5

ngifunya chawucha kwa wundu ghwa wungara ghonyu aighu ya ijo Ilagho Jiboie, kufuma jija ituku ja imbiri hata idana.

WAFILIPI 2:12

Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;

WAFILIPI 2:24

nani wokoni narumiria Bwana ukakunda nichacha wori.

WAFILIPI 3:18

Angu namghorie kalazi koni, hata idana niamghoria kwa kudikwa ni mbori kukaia, wandu wengi wakaia wamaiza wa msalaba ghwa Kristo.

WAFILIPI 3:20

Ela isi kedu ni mlungunyi, nesi daawuyammbesera Mkiri ufumagha aho, Bwana Jesu Kristo;

WAFILIPI 4:1

Kwa huwu wanidu nimkunde, muniriragha, kuboilwa kwapo na kirumbu chapo, mangenyi huwo koni andenyi ya Bwana wakundwa.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

WAKOLOSAI 1:4

angu dasikire malagho gha irumirio jenyu muko najo kwa Kristo Jesu, na lukundo muko nalo kwa waeli wose;

1 WATHESALONIKE 3:6

Ela idana angu Timotheo uwurie kufuma konyu, na kudiredia malagho mecha gha irumirio jenyu na lukundo, wadighorie seji mwawuyadikumbuka tulituli, mkikaia na bea mbaa ediwona, seji koni isi diko na bea mbaa emmbona.

1 WATHESALONIKE 4:1

Kutua wanidu, damvoya na kumshashira inyo andenyi ya Bwana Jesu, kukaia, sa iji koni morekufundishireghe kodu seji imfwane kughenda, na kum'boia Mlungu seji koni mwawuyabonya, mchurie kubonya woruwo koni.

1 TIMOTHEO 1:11

karakara na ijo Ilagho Jiboie ja wubaa, ja Mlungu ukaswaghwa; ijo nerenekeloghe nijidumikie.

1 TIMOTHEO 1:19

kukijimazira ijo irumirio na nia iboie. Wandu wamu waleghie kuisikira iyo nia, wikadima wakunonia irumirio jawo;

2 TIMOTHEO 4:7

Namerie kulwa ghuja wuda ghuboie, namerie mwendo ghwapo, na irumirio najilindirie.

TITO 2:10

hata kuiwa-iwa, ela wiwonyere seji wiko waloli putu, eri wipate kwa maza rose kughirudia ishima mafundisho gha Mlungu Mkiri odu.

FILEMONI 1:5

kwa kukaia nawuyasikira malagho gha irumirio kuko najo kwa Bwana Jesu, na lukundo kuko nalo kwa waeli.

JAKOBO 3:18

Na mavalo gha hachi, ni mbeu iwalwagha andenyi ya sere ni awo wibonyagha sere.

2 PETRO 3:11

Kwa kukaia vilambo ivi vose vichasagha huwu, yamfwana inyo mkaie wandu wifwane wada? Yamfwana mkaie na irangi jielie, na kuobua kwa Mlungu;

2 PETRO 3:14

Kwa huwo wakundwa, angu mwawuyawesera maza iri, fungenyi ndighi, mkulo ni Mlungu wandu msewadie iboli hata ikosa jingi; mko na sere.

JUDA 1:3

Wakundwa, ngikaia na bea mbaa emuandikia malagho aighu ya kukia kodu isi diwose, nerewonieghe ni suti niandike, ngimlomba angu mujidederie ijo irumirio werenekeloghe awo waeli indo jimweri tua.