WAFILIPI 1:23 - Biblia Ilagho Jiboie Kwa Wandu Wose

²³ Naawuyasumbulwa ni maghesho awi-awi; nakunde niende kukanya na Kristo, angu ijo jachumbie ghose;

WAFILIPI 1:23 ပူးပေါင်းရင်းမြစ်များ

2 SAMUELI 24:14

Nao Daudi ukamzera Gadi, “Nakaia na wasi m'baa; ni baa ningie mikonunyi kwa BWANA, angu uo uko na wughoma m'baa ela nisengie mikonunyi kwa mdamu.”

ZABURI 17:15

Ela ini nichakaia na hachi eghuzighana wushu ghwako; na iji nawuka, nichakatwa ni kukuwona oho.

ZABURI 49:15

Ela Mlungu uchanikombua kufuma kwa ndighi ra kifwa, angu uchanidwa cha kwake.

LUKA 12:50

Neko na wubaputizo nibaputizwagha nagho, nani naja wasi saki hata ghukatie!

LUKA 23:43

Jesu ukamzera, “Nakughoria loli, idime iji kuchakaianya andwamweri nani Andu Kucha Warumunyi.”

LUKA 8:38

Niko uja mundu orefumiloghe ni pepo ukamlomba wighendanye; ela ukamduma ukighamba,

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

JOHANE 13:1

Nao imbiri ya Ndima ya Pasaka, Jesu ukimanya angu ngelo yake yavika esigha ughu wurumwengu, uwuye kwa Aba, na seji orekoghe ukiwikunda wandu wake wiko wurumwengunyi, ukawikunda wandu hata kutua.

JOHANE 14:3

Nani ngaghenda na kum'boisira malalo, nichawuya sena nimdo cha kwapo, mpate kukaia andu nikaiagha.

JOHANE 17:24

“Aba, nakunda awo koreninekieghe wikaie andwamweri nani andu niko ini; wipate kughuwona ugho wubaa ghwapo koreninekieghe, angu korenikundieghe ini imbiri wurumwengu ghuseumbilo.

MABONYO GHA WADUMI 7:59

Nawo wikimlasa Stefano na magho, ukalomba ukighamba, “Bwana Jesu, iwuse roho yapo.”

2 WAKORINTHO 5:8

Nesi deko na ngolo mbaa, dikiwona angu kufuma mumbinyi na kughenda cha kedu kwa Bwana, ni nicha kuchumba.

2 WAKORINTHO 6:12

Isi ndedine ilagho jingi nenyo, ela ilagho jeeka konyu mmbeni.

WAFILIPI 1:24

ela kukaia moyo mumbinyi kwakundikie kwa wundu ghonyu.

1 WATHESALONIKE 2:1

Inyo mmbeni wanidu, mwamanya angu kumchea kodu ndekorekoghe kwa duu anduangi.

1 WATHESALONIKE 2:13

Wokoni dadamfunyira Mlungu chawucha kwa wundu ughu, kukaia, mwendajiwusa ilagho ja Mlungu, ijo morejisikireghe kufuma kodu, morejirumirieghe; si sa ilagho ja wadamu anduangi, ela morejirumirieghe sa iji koni jiko ilagho ja Mlungu, ijo jibonyagha kazi andenyi konyu inyo warumirii.

1 WATHESALONIKE 4:17

niko isi disigharikie diko moyo, dichakafulwa nokoighu cha mawingunyi chiaimweri nawo, dimmare Bwana mbeonyi, na huwo dichakanya andwamweri na Bwana matuku ghose.

2 TIMOTHEO 4:6

Angu ini nalighisa kufunywa kizongona, na ngelo yapo eghusigha ughu wurumwengu yavika.

WUFUNUO 14:13

Nani neresikireghe lwaka kufuma mlungunyi lukighamba, “Andika huwu: Warasimilwa wafu wifwagha wiko andenyi ya Bwana kufuma idana.” Roho nao waghamba, “Ee, warasimilwa nandighi, wipate kuhora nyuma ya kazi rawo; angu mabonyo ghawo ghawinugha.”