WAFILIPI 1:20 - Biblia Ilagho Jiboie Kwa Wandu Wose

²⁰ Angu niko nawuyawona na kusuwiria nandighi kukaia, sichaafushwa waya anduangi; ela kwa ngolo mbaa, idana sa matuku ghose, Kristo uchabonyerwa ishima mumbinyi kwapo; ngera ni kwa chia ya kukaia moyo, angu kwa chia ya kufwa.

WAFILIPI 1:20 ပူးပေါင်းရင်းမြစ်များ

ZABURI 119:116

Kunimazire kunughana na ilaghiro jako, nipate kukaia moyo; kusakenisigha nifusho waya andenyi ya ijo isuwirio japo.

ZABURI 119:80

Kunibonye niiwadie memu yako putu, nisechefushwa waya.

ZABURI 25:2

nakurumiria oho ee Mlungu wapo, nisakefushwa waya; kusakewisigha wamaiza wapo wizume aighu yapo.

ZABURI 62:5

Nadammbesera Mlungu kima, angu isuwirio japo jeeka kwake.

MAKATANISHO 10:28

Isuwirio ja mundu wa hachi jadamvikisha kuboilonyi, ela kuwesera kwa mundu mmbiwi ndekumnekagha kindo chingi.

MAKATANISHO 23:18

Loli kuchapata mecha ngelo ichagha, na isuwirio jako ndejichaalaghaya anduangi.

ISAYA 45:17

Ela Israeli wadakirwa ni BWANA kwa kukia kwa kala na kala; nawo ndewichaafushwa waya hata kukambirwa chongo anduangi.

ISAYA 50:7

Kwa kukaia Bwana MLUNGU wadanitesia, niko niserefueghe waya anduangi ngawuya turugha na kukaia sa igho jikurie nani namanya angu sichaafushwa waya anduangi;

ISAYA 54:4

“Kusakeobua, kwa kukaia ndekuchaafwa waya; kusekambo ni chongo, kwa kukaia ndekuchaafushwa waya; angu kuchaliwa waya ghwa wurika ghwako, na masholio gha wuka wukiwa ghwako ndekuchaaghikumbuka sena anduangi.

JOHANE 21:19

Kwa kughora huwu, Jesu orekoghe ukiwonyera seji Petro uchaafwa kwa kumredia Mlungu wubaa. Nao ukamzera, “Ninughe!”

MABONYO GHA WADUMI 20:24

Ela ini sitalie irangi japo kukaia kindo chingi kwapo anduangi, ikakaia tu nadima kuimeria kazi na wudumiki Bwana Jesu uninekie ghojishuhudia Ilagho Jiboie ja mvono ghwa Mlungu.

MABONYO GHA WADUMI 21:13

Niko Paulo ukatumbulia, “Kwaki munibwaghagha ngolo na uko kulila konyu? Ini neko tayari, si uko kufungwa koni, ela hata na kufwa aho Jerusalemu kwa wundu ghwa irina ja Bwana Jesu.”

MABONYO GHA WADUMI 4:31

Hata iji wameria kulomba, andu aja werekwanyikieghe kukasughusika; wikachulwa ni Roho Mweli wose, na kughora Ilagho ja Mlungu kwa wuwana.

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

WAROMA 5:5

Na isuwirio ndejidifushagha waya; angu lukundo lwa Mlungu lwadirilo ngolonyi kodu kwa chia ya Roho Mweli uo dinekelo.

WAROMA 6:13

Nenyo msevifunye via venyu kwa kubonya kaung'a, sa vombo vebonya mawiwi; ela mkufunye kwa Mlungu, sa wandu wifunyiro kifonyi na kungirwa iranginyi; na via venyu vikaie va Mlungu, sa vombo vebonya hachi.

WAROMA 6:19

Niaghora sa wandu wose, kwa wundu ghwa kusowa kutambukilwa konyu. Sa iji koni morefunyireghe via venyu kwa wuchafu, na kubonya wuwiwi ghuchumbie, huwo koni idana muvifunye putu via venyu kubonya hachi kwa wundu ghwa kueleshwa.

WAROMA 8:19

Angu vilambo vose viumbilo vawesera kwa bea mbaa kuja kufunukulwa kwa wana wa Mlungu.

WAROMA 9:33

seji iandikilo, “Ola niawika igho Sioni, ijo jichaawikuwara wandu; lwala ulo luchaawighusha, na uhu urumiriagha kwake, ndechaafushwa waya anduangi.”

1 WAKORINTHO 15:31

Naghora loli wanidu, ngikukasa andenyi ya Kristo Jesu Bwana odu kwa wundu ghonyu; nadaka kifonyi kula ituku!

1 WAKORINTHO 6:20

Moreghuloghe kwa ighuri, kwa huwu itumienyi mimbi yenyu kwa wundu ghwa wubaa ghwa Mlungu.

1 WAKORINTHO 7:34

nao wakaia mundu orudwa ii chia na ii chia. Na muka uselowolo angu mwai, wadasumbukia maza ra Bwana seji udimagha ukaie uelie mumbinyi hata rohonyi wori. Ela muka ulowolo, wadasumbukia maza ra wurumwengunyi, seji udimagha kum'boia mumi wake.

2 WAKORINTHO 10:8

Angu ngera nakukasa na kandighi aighu ya nguma edu, iyo Bwana oredinekieghe kwa wundu ghwa kumuagha, hata si kwa kumvuchua; sichaafwa waya anduangi.

2 WAKORINTHO 3:12

Idana kwa kukaia isi deko na isuwirio ijo, deko na wuwana m'baa;

2 WAKORINTHO 4:10

Matuku ghose daawuyaduka kifwa cha Jesu mimbinyi kodu, eri irangi ja Jesu, jipate kuwoneka worinyi mimbinyi kodu wori.

2 WAKORINTHO 5:15

Nao orefueghe kwa wundu ghwa wose, eri awo wiko moyo wisakekaia moyo sena kwa wundu ghwawo weni anduangi, ela wikaie moyo kwa wundu ghwa uo orefueghe, na kurukishwa kwa wundu ghwawo.

2 WAKORINTHO 7:14

Angu ikakaia nikukasire nenyo imbiri kwake, sichefwa waya anduangi; ela sa iji koni agho deremghorieghe gherekoghe gha loli, ni huwo koni kukukasa kodu imbiri ya Tito kuwonekie kukaia kwa loli.

2 WAKORINTHO 7:4

Ini namrumirie na ndighi, nakukasagha nenyo loli-loli, ngolo yapo yachulwa ni wuhoreshi. Chiaimweri na wasi ghodu ghose, nachulwa ni kuboilwa.

WAFILIPI 1:14

na kaavui ya wanidu wose, wacheemangishwa andenyi ya kumrumiria Bwana, kwa wundu ghwa kufungwa kwapo; nawo wachua wuwana ghojighora ilagho ja Mlungu kuseko na wowa.

WAFILIPI 2:17

Hata ngera niafunywa sa kizongona cha kunywa, na kudilwa aighu ya kizongona cha irumirio jenyu, nichaboilwa na kuzuma andwamweri nenyo mmbose.

WAKOLOSAI 1:24

Idana naboilwa andenyi ya matiriro ghapo kwa wundu ghonyu, nani naawuyakatisha kwa mumbi ghwapo agho matiriro gha Kristo ghisigharikie kwa wundu ghwa mumbi ghwake, najo ni ikanisa.

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

1 PETRO 4:16

Ela mundu ukatirirwa kwa kukaia Mkristo, usefo waya; ela umkase Mlungu kwa irina ijo.

1 JOHANE 2:28

Na idana wanake watini, kaienyi andenyi ya Kristo; eri iji wawoneka, dikaie na wuwana, hata disakewuya nanyuma kwa waya ngelo ya kucha kwake.