WAFILIPI 1:10 - Biblia Ilagho Jiboie Kwa Wandu Wose

¹⁰ eri mpate kusaghua iro riboie kuchumba, na kukaia muelie msewadie ikosa jingi ijo Ituku ja Kristo,

WAFILIPI 1:10 ပူးပေါင်းရင်းမြစ်များ

KUZOYA 20:5

Nechi odeghora moni wei ni mruna, na uo muka wori ukaghamba wokoni wei ni mruna; niko nani ngaghibonya agha kwa ngolo ielie putu, ini sine ikosa jingi.”

AYUBU 12:11

Welee, kudu ndakwadasikiria malagho seji lumi lutoagha vindo?

AYUBU 34:3

Kudu kwasikiragha malagho kughitambuo, sa iji koni lumi lutoagha vindo.

MIKA 3:2

Ela inyo mwadazamilwa ni ijo jiko icha, na kuchikunda icho chiko kiwiwi. Mwawisicha wandu wapo wiko wimoo sa mchinji na kukonua nyama maindinyi kwawo.

MATHAYO 16:23

Ela Jesu ukaghaluka ukamzera Petro, “Injika noko, Shetani! Kwaawuyanikuwisha. Maghesho ghako si gha Kimlungu anduangi, ela ni gha kidamu.”

MATHAYO 26:33

Petro ukamzera Jesu, “Hata ngera wose wichakusigha, ela ini sichaakusigha anduangi.”

JOHANE 1:47

Nao iji Jesu wammbona Nathanaeli ukimchea, ukamghora ukighamba, “Wonenyi Muisraeli wa loli, usene wukalo ghungi andenyi kwake anduangi.”

JOHANE 3:20

Angu kula umu ubonyagha maza rizamie, wadazamilwa ni mwengere, nao ndechagha mwengerenyi anduangi, mabonyo ghake ghizamie ghichewoneka.

MABONYO GHA WADUMI 24:16

Kwa huwo naawuyafunga ndighi matuku ghose nisekaie na ikosa jingi imbiri ya Mlungu, na imbiri ya wandu wori.

WAROMA 12:2

Msakekufwananisha mmbeni na wurumwengu ughu, ela mghalulo kwa chia ya akili renyu kubonywa mbishi; mpate kumanya lukundo lwa Mlungu; niki chiboie, chirumirikiagha, na chiko chikatie.

WAROMA 12:9

Lukundo lusekaie loja kuwi; mzamilo ni kiwiwi, mmaziriane na icho chiko chiboie.

WAROMA 16:17

Namvoya wanidu, mukumanye na awo wiredagha mawaghanyiko na wasi, kwa kulwa na mafundisho agho morefundishiroghe; mkutanye nawo.

WAROMA 2:18

na kumanya lukundo lwake, na kurumiriana na ijo jiko jiboie kuchumba, angu kufundishiro Sharia;

WAROMA 7:16

Idana angu naawuyabonya ijo nisejikunde, iawonyera naawuyarumiria wori Sharia yaboie.

WAROMA 7:22

Angu naawuyaboilwa ni Sharia ya Mlungu kondenyi kwapo;

WAROMA 8:7

Kwa kukaia mundu uririkanyagha ra mumbi ni m'maiza wa Mlungu; angu ndeusikiragha Sharia ya Mlungu, nao loli ndeudimagha kuisikira anduangi;

1 WAKORINTHO 1:8

Uo uchamlindia inyo hata kutua, mpate kukaia msewadie ikosa jingi Ituku ja Bwana odu Jesu Kristo.

1 WAKORINTHO 10:32

Msakereda makuwisho ghangi kwa Wayahudi, angu kwa Wagriki, angu kwa ikanisa ja Mlungu.

1 WAKORINTHO 8:13

Kwa huwo, ikakaia vindo viamshekeria mwanidu ubonye kaung'a, na jingi sichaaja nyama, nichemshekeria mwanidu kungia kaung'enyi.

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

2 WAKORINTHO 2:17

Angu isi, ndediko sa wandu wamu wengi witumiagha ilagho ja Mlungu kwa fwaida rawo weni anduangi, ela deko sa wandu wa loli widumilo ni Mlungu; dadeda imbiri ya Mlungu andenyi ya Kristo.

2 WAKORINTHO 6:3

Isi ndediwikagha ikuwaro jingi andenyi ya chia ya mndungi anduangi, eri wudumiki ghodu ghusecheghorwa kiwiwi;

2 WAKORINTHO 8:8

Siwueghora agha sa kumfunyira momu, ela kwa kuwonyera seji wazima wiko na ngolo etesia; naawuyalola kuwona ngera lukundo lonyu ni lwa loli.

WAGALATIA 5:11

Ela wanidu, ikakaia nadadua ngichila uko kushamishwa, kwaki sena niduagha ngitirirwa? Aho msalaba ghwa Kristo ndaghwakaiagha ikuwisho anduangi.

WAEFESO 4:15

Wulalo ghwaro, dikighora loli kwa lukundo, dizoghuo kwa kula chia dimvikie Kristo uo uko chongo.

WAEFESO 5:10

mkitima kukufundisha icho chim'boiagha Bwana.

WAEFESO 5:27

eri ukupatire moni ikanisa jighokie na ndighi, jisewadie iboli angu itiko jingi, hata ilagho jingi jifwane sa ijo anduangi; jielie, jiseko na kilema chingi.

WAEFESO 6:24

Mvono ndeghukaie andwamweri na awo wose wimkundagha Bwana odu Jesu Kristo kwa lukundo lusewadie kutua.

WAFILIPI 1:16

Awo wazima wabonya huwo kwa lukundo, wikimanya angu neewikwa aha nipate kujilindia ijo Ilagho Jiboie.

WAFILIPI 1:6

Nani neko na loli kukaia, uo oreizoeghe kazi ndicha andenyi konyu, uchadua ukiikatisha hata ijo Ituku ja Jesu Kristo.

WAFILIPI 2:16

Mkijiwadia nandighi ilagho ja irangi, eri nidime kukukasa ijo Ituku ja Kristo, kukaia serekimbirieghe, angu kubonya kazi duu anduangi.

1 WATHESALONIKE 3:13

Kwa chia ihi, uchamneka ndighi; nenyo mchakaia mkatie na muelie imbiri ya Mlungu Aba odu, iji Bwana odu Jesu uchaacha andwamweri na waeli wake wose.

1 WATHESALONIKE 5:21

ela mritime maza rose, na kurimazira iro riko riboie;

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

JOSHUA 24:14

Joshua ukachuria kughora, “Idana mumneke ishima na kumdumikia BWANA kwa ngolo na kwa wuloli, muinje nambai milungu ya weke ndeyo wereidumikieghe aho Mesopotamia na Misri, mpate kumdumikia BWANA.

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.

WUFUNUO 2:2

Narimanya kazi rako, na kufunga ndighi kwako, na kurumaghia luma kwako, na seji kusedimagha kurumaghianya na wandu wawiwi; ela kwawitimie awo wandu wikuwangagha weni wadumi, nawo wiseko huwo, kukawiwona kukaia watee.