WAEFESO 6:3 - Biblia Ilagho Jiboie Kwa Wandu Wose

³ kupate kuwona nicha, na kukaia na matuku mengi ndoenyi.”

WAEFESO 6:3 ပူးပေါင်းရင်းမြစ်များ

ISAYA 3:10

Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

JEREMIA 35:7

Mseaghe nyumba hata kuwa mbeu, msewe, angu kukaia na mbuwa ra mizabibu; ela mchakaia hemenyi matuku ghenyu ghose, mpate kukaia matuku mengi isangenyi mjighendiagha.’

JEREMIA 42:6

Dichalusikira lwaka lwa BWANA, uo dakuduma kwake ikaiagha ni kwa mawiwi angu kwa mecha, dipate mecha iji damsikira BWANA Mlungu odu.”

WAEFESO 6:2

“Kuwibonyere ishima ndeyo na mayo, (ughu ni momu ghwa imbiri ghuko na ilaghiro)

WAEFESO 6:4

Weke aba, msakewinona ngolo wana wenyu, hata wivikie kukaia na machu; ela muwilele kwa mawonyero na mafundisho gha Bwana.

WUKUMBUSO 12:25

Iji kwabonya nicha imbiri ya BWANA kwa kulegha kuija, kuchawona nicha na kivalwa chako.

WUKUMBUSO 12:28

Lindia, kusikire malagho ghose agha nikulaghiragha; kukabonya nicha imbiri ya BWANA Mlungu wako, kuchakaia na kuboilwa oho, na kivalwa chako kwa kala na kala; angu kuchakaia kukibonya agho ghiko gha hachi, ghim'boiagha BWANA Mlungu wako.

WUKUMBUSO 22:7

Kusighe mae ughende, ela kwadima kudwa majana; eri kupate kukaia nicha, na kudua moyo matuku mengi.

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

WUKUMBUSO 5:16

“‘Kuwibonyere ishima ndeyo na mayo, sa iji koni BWANA Mlungu wako orekulaghirieghe, eri matuku ghako ghikaie mengi, kuwone nicha isangenyi nawuyakuneka ini BWANA Mlungu wako.

WUKUMBUSO 5:33

Mghende seji BWANA Mlungu onyu ulaghirie, mpate kukaia moyo na kuwona nicha; matuku ghenyu ghikaie mengi andenyi ya isanga mchaajiwusa.

WUKUMBUSO 6:18

Na oho kubonye ijo jiko ja hachi jiboie imbiri ya BWANA, kupate kuwona nicha na kujiwusa isanga jiboie ijo BWANA orewilaghirieghe weke ndeyo kukaia uchawineka,

WUKUMBUSO 6:3

Kwa huwo sikira ee Israeli, kulindie kughibonya, kupate kuwona nicha na kuchurikia nandighi isangenyi jinorie, sa iji koni BWANA Mlungu wa weke ndeyo ukulaghirie.

RUTHU 3:1

Konyuma Naomi ukamzera Ruthu, “Ni nicha nikulolie muzi nga mao eri kuwone kaia nicha.