WAEFESO 6:2 - Biblia Ilagho Jiboie Kwa Wandu Wose

² “Kuwibonyere ishima ndeyo na mayo, (ughu ni momu ghwa imbiri ghuko na ilaghiro)

WAEFESO 6:2 ပူးပေါင်းရင်းမြစ်များ

KUFUMA 20:12

“Kuwineke ishima ndeyo na mayo, matuku ghako ghikaie mengi isangenyi, kuchaanekwa ni BWANA Mlungu wako.

MAKATANISHO 20:20

Mundu ukamuewia ndee angu mae, irangi jake jichasia sa taa yarimishwa kirenyi.

JEREMIA 35:18

Ela kwa Warekabi Jeremia ukaghamba, “BWANA wa majeshi, Mlungu wa Israeli waghamba kukaia: Kwa kukaia mwamsikire ndeyo Jonadabu, na kunugha malaghiro ghake, mkabonya agho ghose umlaghirie,

JEREMIA 35:7

Mseaghe nyumba hata kuwa mbeu, msewe, angu kukaia na mbuwa ra mizabibu; ela mchakaia hemenyi matuku ghenyu ghose, mpate kukaia matuku mengi isangenyi mjighendiagha.’

EZEKIELI 22:7

Wavi ndewitalwagha andenyi kwako, waghenyi wadakorongwa aghadi kwako, mwadawikita awo wifuilo ni weke ndee na waka wakiwa.

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

WAROMA 13:7

Wilipenyi iro riko hachi yawo, kodi kwa uo ufwanagha kodi, wushuru kwa uo ufwanagha wushuru, ishima kwa uo ufwanagha ishima, na kuobua kwa uo ufwanagha kuobolwa.

WAEFESO 6:3

kupate kuwona nicha, na kukaia na matuku mengi ndoenyi.”

WUKUMBUSO 27:16

“‘Mundu ukalegha kumneka ishima ndee angu mae, uwado ni njowe.’ Na wandu wose widikie, ‘Amen.’

WUKUMBUSO 5:16

“‘Kuwibonyere ishima ndeyo na mayo, sa iji koni BWANA Mlungu wako orekulaghirieghe, eri matuku ghako ghikaie mengi, kuwone nicha isangenyi nawuyakuneka ini BWANA Mlungu wako.

1 TIMOTHEO 5:4

Ngera muka mkiwa oko na wana, angu weke wawae, ndewikufundishe kande kubonya ugho wudumiki ghwa Kimlungu kwa wandu wa nyumbenyi kwawo weni; wipate kuwitesia wavi wawo, angu ilagho ijo jarumirikie imbiri ya Mlungu.