WAEFESO 4:9 - Biblia Ilagho Jiboie Kwa Wandu Wose

⁹ Kutambua kwaro uko kughamba “Orejokieghe,” niki ngera usereserieghe wori hata andu kwa aisi kwa ndoenyi?

WAEFESO 4:9 ပူးပေါင်းရင်းမြစ်များ

KUZOYA 11:5

Niko BWANA ukasea upate kuwona ugho muzi na ugho mnara wadamu wereghuaghieghe.

ZABURI 139:15

Iji maindi ghapo ghereumbwagha, na kuwadanishwa chiaimweri kwa wuya kifunyi kwa mao; iji nerezoghuagha aho kivisonyi, koremanyireghe angu neko aho;

ZABURI 63:9

Ela wandu wawuyalola kunibwagha, wichasea kondonyi kwa wurumwengu ghwa wafu.

ZABURI 8:5

Ela sena kwam'bonyera mtini kuchumba Mlungu, kukamrusha kirumbu cha wubaa na ishima.

KUFUMA 19:20

BWANA ukasea aighu ya Mghondi ghwa Sinai, ahoeni koighu mghondinyi ukammbanga Musa, na Musa ukajoka koighu.

MAKATANISHO 30:4

Nani ujokie mlungunyi ukawuya ukasea? Nani ukuchirie mbeo na ngonde rake? Nani ufungie machi na nguwo? Nani umangishire ndoenyi kose? Irina jake nani na irina ja mdawana wake nani? Loli kwaichi?

ISAYA 44:23

Borenyi ee mlungunyi, kwa kukaia BWANA wameria kujibonya ilagho ijo; wusirenyi chwaka renyu inyo andu kumilie kwa ndoenyi; na inyo mighondi borenyi kwa kuboilwa, ee, na kula mudi ghwa msidunyi ndeghubore, kwa kukaia BWANA wameria kumkombua Jakobo nao uchakaswa andenyi ya Israeli.

EZEKIELI 31:14

Agho ghose gheebonyeka eri kughiria midi ingi mizima isezoghuo kuchumba kuvikia mawingunyi, hata ngera yanyoshere machi saki. Midi yose ewikilwa kufwa sa wadamu na kusea chiaimweri na awo wiseagha Andu kwa Wafu.”

MATHAYO 12:40

Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.

JOHANE 20:17

Jesu ukamzera, “Kusakeniwada, angu sijokie kande kwa Aba, ela ghenda kwa wanidu kuwighorie niajoka kwa Aba na Aba onyu; kwa Mlungu wapo na Mlungu onyu.”

JOHANE 3:13

Ndekuwadie mndungi ujokie mlungunyi, ela Mwana wa Mdamu uo userie kufuma mlungunyi.

JOHANE 6:33

Angu mkate ugho Mlungu umnekagha, ni uo uchee kufuma mlungunyi kughuneka wurumwengu irangi.”

JOHANE 6:38

Angu serechieghe kufuma mlungunyi kubonya lukundo lwapo anduangi; ela kubonya lukundo lwake Uo orenidumieghe.

JOHANE 6:41

Nao Wayahudi wikazoya kumzughunukia angu oreghorieghe, “Ini nuo mkate ghoreserieghe kufuma mlungunyi.”

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

JOHANE 6:58

Ughu nigho mkate ghoreserieghe kufuma mlungunyi, si sa ghuja weke wawa wenyu werejieghe wikafwa; ela uhu ujagha mkate ughu uchadua moyo kwa kala na kala.”

JOHANE 6:62

Yakaiagha wada ngera modemmbona Mwana wa Mdamu ukijoka andu aja orekoghe koimbiri?

JOHANE 8:14

Jesu ukawitumbulia, “Hata ngera nakushuhudia nimoni, sena wushuhuda ghwapo ni ghwa loli, angu nakumanya andu nifumie, na andu nighendagha. Inyo ndemwichi andu nifumie hata andu nighendagha anduangi.

WAEBRANIA 2:7

Oho korem'bonyereghe mtini kuchumba weke malaika kwa ngelo ndini, kukamrusha kirumbu cha wubaa na ishima;

WAEBRANIA 2:9

Ela dammbona Jesu, uo orebonyeroghe mtini kuchumba weke malaika kwa ngelo ndini, eri kwa mvono ghwa Mlungu, upate kufwa kwa wundu ghwa kula mundu; nesi dammbona warushwa kirumbu cha wubaa na ishima, angu orepatireghe matiriro gha kifwa.