WAEFESO 4:2 - Biblia Ilagho Jiboie Kwa Wandu Wose

² Mkaie wa kukusera, wa mboa, na kurumaghia kose, mkirumaghiana mmbeni na mmbeni kwa lukundo;

WAEFESO 4:2 ပူးပေါင်းရင်းမြစ်များ

ZABURI 138:6

Hata ngera koko ighu ee BWANA, kwadawitala wanyonge; Ela wandu wikukasire, ndewivisikagha kwako.

ZABURI 45:4

Joka na wubaa ghwako, kusime wamaiza wako; kudederie loli na hachi; kuwonyere wusimi m'baa kwa ndighi rako.

MAKATANISHO 16:19

Baa kukaia na roho ekusera chiaimweri na wakiwa, kuchumba kuwagha vilambo vidwalo wunyika chiaimweri na wandu wikukasagha.

MAKATANISHO 3:34

Wadawimenya awo wimmenyagha, na kuwineka mvono awo wikuseragha.

MCHILI 7:8

Kutua kwa maza kwaboie kuchumba kuzoya kwaro; irumaghio jaboie kuchumba kukujosa.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ZEFANIA 2:3

Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MITALO 12:3

Uo Musa orekoghe mundu wa mboa nandighi kuchumba wandu wose werekoghe ndoenyi.

MATHAYO 11:29

Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.

MARKO 9:19

Jesu ukawizera, “Inyo kivalwa chisewadie irumirio, nichakaianya nenyo hata lii? Nichamrumaghia hata lii? Mredenyi kwapo.”

MABONYO GHA WADUMI 20:19

Ngimdumikia Bwana kwa wumboa ghose na mbori, na kwa matimo gherenipatireghe kwa njama rizamie ra Wayahudi.

WAROMA 15:1

Isi dimange kwa irumirio, yadifwana kughuduka wunyonge ghwa awo wisewadie ndighi, hata disakekuboia diweni anduangi.

1 WAKORINTHO 13:7

Lukundo lwadarumaghia luma, lwadarumiria ghose, lwadasuwiria ghose, lwadarumaghia ghose.

WAGALATIA 6:2

Mtesiane mmbeni na mmbeni, mpate kuikatisha sharia ya Kristo.

WAEFESO 1:4

Nao oredisaghueghe isi andenyi ya Kristo kufuma aho imbiri wurumwengu ghuseumbilo; eri dikaie dielie, wandu wisewadie ikosa jingi imbiri kwake.

WAKOLOSAI 1:11

Mfungisho ndighi kwa kudima kose, karakara nandighi rake ra wubaa, eri mpate kurumaghia kose na wumboa mkiboilwa.

1 TIMOTHEO 6:11

Ela oho mundu wa Mlungu, kuriinjikie na mbai maza iro, kuinughe hachi, kuobua kwa Mlungu, irumirio, lukundo, irumaghio na wumboa.

2 TIMOTHEO 2:25

na kuwiwonyera kwa wumboa awo wimtangalagha. Kewada Mlungu uchawineka kuhea na kuvikia kuimanya ija loli;

JAKOBO 1:21

Kwa huwu injenyi na mbai wuchafu ghose na wuwiwi ghwa kula mbari, nenyo mjiwuse ilagho jiwalo andenyi konyu kwa wumboa, ijo jidimagha kukira roho renyu.

1 PETRO 3:15

ela mumneke ishima Kristo ngolonyi konyu ukaie Bwana. Mkaie tayari ngelo rose, kumtumbulia mundu uo ose uchaamkotia malagho gha isuwirio muko najo andenyi konyu; ela tumbulienyi kwa wumboa na ishima,

1 PETRO 3:8

Kutua, inyo mmbose mkaie na wumweri ghwa roho, wughoma, lukundo lwa wanidu, ngolo inyoshere, na nia ya kukusera.