WAEFESO 3:7 - Biblia Ilagho Jiboie Kwa Wandu Wose

⁷ Ini nerebonyeroghe nikaie mdumiki wa ijo Ilagho Jiboie, karakara na ijo inosi ja mvono ghwa Mlungu nerenekeloghe kwa chia ya kubonya kazi kwa kudima kwake.

WAEFESO 3:7 ပူးပေါင်းရင်းမြစ်များ

ISAYA 43:13

Ini ne Mlungu, nani neko Uo moni. Ndekuwadie mndungi udimagha kukira kufuma mkonunyi kwapo; nadabonya kazi mndungi usedimagha kuitangala.”

MABONYO GHA WADUMI 9:15

Ela Bwana ukamzera, “Ghenda, angu uo moni namsaghue ukaie chombo chapo chejidwa irina japo kwa mbari zima, na wazuri, na wandu wa Israeli;

WAROMA 1:5

Kwa chia yake uo, isi dapatire mvono na wudumi ghowibonya wandu wa mbari rose wipate kusikira kwa uko kurumiria kwa wundu ghwa irina jake;

WAROMA 12:3

Angu kwa ugho mvono ninekelo, namzera kula mundu uko aghadi konyu, usakekujosa uo moni kuchumba seji imfwanagha; ela ukutale karakara na seji Mlungu umnekie ijo irumirio.

WAROMA 15:16

nipate kukaia mdumiki wa Kristo Jesu kwa wandu wa mbari zima, kwa ugho wukohani ghwa Ilagho Jiboie ja Mlungu, eri wandu wa mbari zima wikaie kizongona chirumirikiagha kwa Mlungu, chieleshero ni Roho Mweli.

1 WAKORINTHO 15:10

Ela kwa mvono ghwa Mlungu, nakaia sa iji niko; na ugho mvono ghwake kwapo, ndeghorekoghe ghwa duu anduangi. Wulalo ghwaro, nabonyere kazi mbaa kuchumba wadumi wose; ima sena si ini ungi, ela ni mvono ghwa Mlungu ghuko andwamweri nani.

1 WAKORINTHO 3:5

Apolo nani? Na Paulo nani? Nechi isi de wadumiki, dimteserie mkarumiria, karakara na seji kula mundu unekelo ni Bwana.

2 WAKORINTHO 3:6

Uo udibonyere difwane kukaia wadumiki wejidumikia ijo Ilaghano Iwishi, si kwa sharia iandikilo anduangi, ela kwa Roho; angu sharia iandikilo yadabwagha, ela Roho wadakaisha moyo.

2 WAKORINTHO 4:1

Kwa huwo, angu diko na ughu wudumiki kwa wughoma ghwa Mlungu, ndedifwagha ngolo kungi.

WAGALATIA 2:8

(angu uo orebonyereghe kazi ukimtumia Petro kwa wundu ghwa wudumiki ghwa wandu wishamishiro, nuo moni ubonyere kazi ukinitumia kwa wundu ghwa wudumiki ghwa wandu wa mbari zima);

WAEFESO 1:19

Na seji iro ndighi rake risepimikagha ring'ane andenyi kodu isi dirumiriagha, karakara na uko kubonya kazi kwa ndighi rake mbaa;

WAEFESO 3:2

nasuwiria angu mwamerie kusikira malagho gha wudumiki ghwa mvono ghwa Mlungu ninekelo kwa wundu ghonyu;

WAEFESO 3:20

Idana kwa Mlungu uo udimagha kubonya maza mbaa andenyi kodu kuchumba iro dimlombagha angu kuririkanya,

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

WAEFESO 4:16

Kufuma kwake uo, mumbi ghose ghukitumalilwa chiaimweri na kula iwungo jilishwagha nicha, wabonya mumbi ghose ghuzoghuo nicha kwa lukundo.

WAKOLOSAI 1:29

Kwa wundu ughu, nabonya kazi ngifunga ndighi kwa uko kudima Kristo wawuyanidimisha andenyi kwapo.

1 WATHESALONIKE 2:13

Wokoni dadamfunyira Mlungu chawucha kwa wundu ughu, kukaia, mwendajiwusa ilagho ja Mlungu, ijo morejisikireghe kufuma kodu, morejirumirieghe; si sa ilagho ja wadamu anduangi, ela morejirumirieghe sa iji koni jiko ilagho ja Mlungu, ijo jibonyagha kazi andenyi konyu inyo warumirii.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.