WAEFESO 2:2 - Biblia Ilagho Jiboie Kwa Wandu Wose

² iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

WAEFESO 2:2 ပူးပေါင်းရင်းမြစ်များ

AYUBU 1:16

Nao ukighora woruwu, mdumwa umu ukacha ukighamba, “Lukuwa lwasea lukakora ng'ondi na wadumiki, lukawimeria putu; nani naafufunuka ini moni niekeri nichekughoria.”

AYUBU 1:19

kiremba chikacha kufuma cha kireti chikaikaba nyumba, ikawighuya wikafwa, nani naafufunuka ini moni niekeri nichekughoria.”

AYUBU 1:7

BWANA ukamkotia Shetani, “Welee oho kwafuma hao?” Shetani ukamtumbulia BWANA, “Naafuma kumara-mara na kusela iichia na iichia ndoenyi.”

AYUBU 31:7

Ikakaia nilagharie chia, na kunugha agho nighiwonagha, angu kuilusha mikonu yapo na wuwiwi ghungi,

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

ISAYA 30:1

BWANA waghamba, “Ni bugha kwa awo wana winileghagha, awo wikatishagha mipango iseko yapo; wibonyagha mapatano ghisefumanyagha na kukunda kwapo, wikichuria kaung'a aighu ya kaung'a.

ISAYA 57:4

Nani mwawuyamsarighia? Nani mwawuyamuasamia na kumfunyira chumi? Welee, inyo si wana wa makosa, kivalwa cheghora tee?

JEREMIA 23:10

Isanga jeechulwa ni wandu wisowie wuloli na BWANA; kwa wundu ghwa iyo njowe, isanga jaawuyalila, na malisho gha kireti gheeoma. Mighendo yawo ni ya wuwiwi, na wudimi ghwawo si ghwa hachi anduangi.

HOSEA 10:9

BWANA waghamba, “Wandu wa Israeli ndewisighie kunibonyera kaung'a kufuma ngelo ija werebonyereghe kaung'a aja Gibea. Kwa huwo wuda ghuchawibukia aeni aho Gibea.

WALAWI 11:16

nyagha, kungumuzi, mashanda na vichuku vake;

MATHAYO 11:19

Mwana wa Mdamu orechieghe ukija ukinywa, nawo waghamba, ‘Mzighanenyi mundu wa lwafuo, mmbongeri na mghenyi wa wawadi wushuru na wakaung'a.’ Elaima sena ija hekima yanekwa hachi ni kazi raro.”

MATHAYO 13:22

Na ija mbeu ipotokie midinyi ya minjwa, ni sa mundu ujisikiragha ijo ilagho, ela masumbuko gha irangi iji na bea ra mali rajibwagha ijo ilagho, najo ndejivagha matunda ghangi anduangi.

MATHAYO 13:38

mbuwa ni wurumwengu. Mbeu ndicha ni wana wa ugho wuzuri. Isaka jifwanane na ngano ni wana wa uo Mmbiwi;

MARKO 4:19

ela masumbuko gha wurumwengu, kuboilwanya na bea ra vilambo vizima, kwangia na kujibwagha jija ilagho; najo jalemwa ni kuva matunda.

LUKA 16:8

Uja bwana ukamkasa mnyapara useko mloli, angu orejieghe akili; kwa kukaia wandu wa wurumwengu ughu wawadie akili rebonya malagho ghawo weni, kuchumba wandu wa mwengere.

LUKA 22:31

“Simoni, Simoni! Ola Shetani wawusa rusa emtima inyo, na kumuela-ela sa iji ngano ielwagha.

JOHANE 12:31

Idana ngelo ya wurumwengu ughu kutanywa yavika, idana m'baa wa wurumwengu ughu uchakumbwa noko.

JOHANE 13:2

Ngelo ya vindo va nakenyi, uja Mmbiwi orekoghe wameria kumngira Juda mwana wa Simoni Iskarioti ngolo emfunya Jesu.

JOHANE 13:27

Na Juda umeria kuchiwusa icho kibelele cha mkate, Shetani ukamngia. Jesu ukamzera, “Ijo kukunde kubonya jibonye shwa-shwa.”

JOHANE 14:30

Sidimagha kughora nenyo luma, angu m'bonyi nguma wa wurumwengu ughu waawuyacha; nao ndewadie nguma ringi aighu yapo anduangi.

JOHANE 15:19

Ngera modeeka wandu wa wurumwengu, kumangu wurumwengu ghwamkunda sa wandu wake; ela kwa kukaia neremsaghueghe kufuma wurumwengunyi, niko mseko wa wurumwengu; kwa wundu ughu, wurumwengu ghwazamilwa ni inyo.

JOHANE 16:11

kwa kutanywa, angu m'baa wa wurumwengu ughu wameria kutanywa.

JOHANE 7:7

Wurumwengu ndeghudimagha kuzamilwa ni inyo, ela ghwadazamilwa ni ini angu nighughoragha kazi rake kukaia razamie.

JOHANE 8:23

Jesu ukawitumbulia, “Inyo moko wandu wa ndoenyi, ela ini neko wa aighu; inyo moko wandu wa wurumwengu ughu, ela ini siko wa wurumwengu ughu anduangi.

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

MABONYO GHA WADUMI 19:35

Nao iji muandiki wa muzi wawinyamira wandu, ukaghamba, “Wele wandu wa Efeso, nani useichi kukaia muzi ghwa Efeso nugho mlindiri wa hekalu ya Aritemi m'baa na jija igho jetaswa jerepotokieghe kufuma mlungunyi?

MABONYO GHA WADUMI 5:3

Nao Petro ukamzera, “Anania, kwaki kwamneka Shetani wulalo ukachua ngolonyi kwako, hata kumkalie Roho Mweli na kuwikia mbai ifungu jimu ja pesa ra ndoe?

WAROMA 12:2

Msakekufwananisha mmbeni na wurumwengu ughu, ela mghalulo kwa chia ya akili renyu kubonywa mbishi; mpate kumanya lukundo lwa Mlungu; niki chiboie, chirumirikiagha, na chiko chikatie.

1 WAKORINTHO 5:10

Huwo si kughamba wei ni walaki wa wurumwengu ughu putu, angu wandu wa iriso, viting'a, na watasi milimu; ngera ni huwo, ni suti mfume wurumwengunyi.

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

2 WAKORINTHO 4:4

Awo ndewidimagha kurumiria, angu mlungu wa wurumwengu ughu wawituwira akili rawo, na kuwighiria wisewone mwengere ghwa Ilagho Jiboie ja wubaa ghwa Kristo; uo uko fwana ya Mlungu.

WAGALATIA 1:4

uo orekufunyireghe moni kwa wundu ghwa kaung'a redu, upate kudikira na ngelo rizamie ra matuku agha, karakara na lukundo lwa Mlungu Aba odu;

WAEFESO 1:21

ighu nandighi kuchumba kubonya nguma kose, na kudima, na ndighi, na wuzuri, na aighu ya kula irina jiwangilo; si kwa ngelo ihi cheni anduangi, ela hata na iyo ichagha wori.

WAEFESO 2:11

Kwa huwu, kumbukenyi inyo morekoghe wandu wa mbari zima kimumbi, mkiwangwa wandu wiseshamishiro ni awo wiwangwagha wandu wishamishiro; uko kushamishwa kwa mumbi kubonyero kwa mikonu,

WAEFESO 2:13

Ela idana, andenyi ya Kristo Jesu, inyo morekoghe kula, mwaredelo kaavui kwa bagha ya Kristo.

WAEFESO 2:3

Na isi diwose derekoghe na bea ra mumbi aghadi kwawo, dikinugha bea ra mumbi na ra maririkanyo; na kwa asili, derekoghe aisi ya machu gha Mlungu, karakara na wandu wose.

WAEFESO 4:17

Idana namghoria na kumshuhudia kwa irina ja Bwana, kufuma idana mseghende seji awo wandu wa mbari zima wighendagha kwa wuduu ghwa akili rawo.

WAEFESO 4:22

Ruonyi ghuja wuasili ghonyu ghwa tabia ya kala, ya irangi ja kunoneka kwa bea ra mikalo;

WAEFESO 5:6

Msakekalilwa ni mndungi kwa madedo maduu, angu kwa wundu ghwa maza iri, machu gha Mlungu ghawichea awo wisesikiragha.

WAEFESO 5:8

angu aho imbiri morekoghe kirenyi, ela idana moko mwengerenyi andenyi ya Bwana; ghendenyi sa wana wa mwengere;

WAEFESO 6:12

Angu ndediwuelwa na wadamu, ela daawuyalwa na mawubaa, na awo wiwadie ndighi, na wabonyi nguma wa wurumwengu ughu ghwa kira chiko idime, na majeshi gha roho rizamie, ghiko cha mlungunyi.

WAKOLOSAI 1:21

Na inyo ngelo rimu morekoghe kula na Mlungu, mkikaia wamaiza wake, kwa wundu ghwa mabonyo na maririkanyo ghenyu ghizamie.

2 TIMOTHEO 4:10

Angu Dema wanisighie kwa kukunda maza ra wurumwengu ughu ghwa idana na kughenda Thesalonike, Kreske nao waghendie Galatia, na Tito ukaghenda Dalmatia.

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.

JAKOBO 1:7

Mundu uo usegheshe wei upata kindo chingi kufuma kwa Bwana;

JAKOBO 4:4

Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.

1 PETRO 1:14

Sa wana wisikiragha, msakekufwananisha na bea ra imbiri ra kusowa kumanya konyu.

1 PETRO 4:3

Iyo ngelo iidie yakata ebonya seji awo wandu wa mbari zima wikundagha kubonya, wikighenda na irangi ja kulaka, bea rizamie, kuwongia, kubonya maseko, lwafuo, na kutasa milimu kuzamie na ndighi.

2 PETRO 2:14

Weko na meso ghichue wulaki, nawo ndewikunde kutana na kaung'a. Wakalia wandu wanyonge; ngolo rawo rakufundishire kukaia na lwafuo; ni wandu wiwadilo ni njowe putu.

1 JOHANE 3:10

Kwa ilagho iji, wana wa Mlungu wawoneka worinyi, na wana wa Ibilisi wori. Uo ose usebonyagha hachi, si wa Mlungu anduangi; hata uo usemkunde mruna.

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.

1 JOHANE 4:4

Wanake watini, inyo mo wa Mlungu, nenyo mwawisimie awo walodi wa tee, angu uo Roho uko andenyi konyu, ni m'baa kuchumba uo roho uko wurumwengunyi.

1 JOHANE 5:19

Isi damanya angu de wa Mlungu, na wurumwengu ghose ghwadakaia aisi ya Uja Mmbiwi.

1 JOHANE 5:4

Kwa kukaia uo uvalo ni Mlungu, wadaghusima wurumwengu; nesi daghusima wurumwengu kwa chia ya irumirio jedu.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

WUFUNUO 13:14

Nayo yawikalia wandu wose wikaiagha ndoenyi kwa awo weke mwakilimbiti ererumiriloghe kuwibonya imbiri ya iyo nyamandu; ikiwilaghira angu wibonye fwana etaswa, kwa ishima ja iyo nyamandu ya imbiri ereshoghonologhe kwa lufu, na kukaia moyo sena.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

WUFUNUO 16:17

Nao malaika wa mfungade ukawada bakuli yake, na kudia mbeonyi, na lwaka lubaa lukafuma hekalunyi, kwa icho kifumbi cha nguma lukighamba, “Yabonyeka!”

WUFUNUO 20:2

Nao ukaiwada ija choka, iyo choka ya kala, nao ni uo Ibilisi na Shetani, ukamfunga miaka elfu,