WAEBRANIA 9:18 - Biblia Ilagho Jiboie Kwa Wandu Wose

¹⁸ Huwo koni hata ijo ilaghano ja imbiri ndejeredimieghe kumangishwa kuseko na bagha.

WAEBRANIA 9:18 ပူးပေါင်းရင်းမြစ်များ

KUFUMA 12:22

Mmbwade isawi ja hisopu, mujingire andenyi ya beseni iko na bagha, nao mshinge bagha aighu ya kizingiti cha ighu na vizingiti viwi va mnyango. Mndungi onyu usefume shighadi nakio hata ndoe yaela.

WALAWI 8:24

Na wana wa Haruni wikaredwa, na Musa ukawada bagha ukawishinga m'bonya ra madu ghawo gha kiwomi, na vala vawo va maghosi va mikonu ya kiwomi na mano ghawo gha maghosi gha maghu gha kiwomi. Musa ukadunga ija bagha isigharikie chia rose ra madhabahu.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

WAEBRANIA 9:17

Na malaghiro gha ifwa ndeghiwadie ndighi ingelo mundu waro uko moyo, ela gheeka nandighi ngelo wafwa.

WAEBRANIA 9:19

Angu iji Musa wawighoria wandu kula momu ghwa Sharia, orewadieghe bagha ya ngache na mburi, chiaimweri na machi na sufu itinikie na isawi ja hisopu, ukachimichira icho chuo cha Sharia chiaimweri na awo wandu ukighamba,

WAEBRANIA 9:22

Na loli kwa Sharia, kaavui kula kilambo chadaeleshwa kwa bagha; na kuseko na kudika bagha, ndekuwadie kufuilwa wughoma kungi kwa kaung'a anduangi.