WAEBRANIA 9:16 - Biblia Ilagho Jiboie Kwa Wandu Wose

¹⁶ Angu andu malaghiro gha ifwa ghiko, suti kifwa chake uo oreghilaghirieghe chimanyike.

WAEBRANIA 9:16 ပူးပေါင်းရင်းမြစ်များ

WAROMA 5:12

Kwa huwo, sa iji kaung'a erengirieghe wurumwengunyi kwa chia ya mundu umweri, na iyo kaung'a ikareda kifwa, huwo koni kifwa chaidie na kungia kwa wandu wose; angu wose wabonyere kaung'a.

WAROMA 6:23

Angu mafungu gha kaung'a ni kifwa, ela inosi ja Mlungu ni irangi ja kala na kala andenyi ya Kristo Jesu Bwana odu.

1 WAKORINTHO 15:22

na sa iji koni andenyi ya Adamu wandu wose wifwagha, huwo koni wandu wose wichakaishwa moyo andenyi ya Kristo;

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 13:20

Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,

WAEBRANIA 9:15

Kwa huwo, Jesu nuo mpatanishi wa ijo ilaghano iwishi; eri awo wiwangilo, wipate kujiwusa ijo ifwa ja kala na kala jilaghirilo; kwa kukaia kifwa chapatikie, icho chiwikombuagha wandu kufuma makosenyi ghaja gherebonyeroghe ngelo ya ilaghano ja imbiri.

WAEBRANIA 9:17

Na malaghiro gha ifwa ndeghiwadie ndighi ingelo mundu waro uko moyo, ela gheeka nandighi ngelo wafwa.

JAKOBO 2:10

Angu mundu uo ose uiwadiagha Sharia yose nao ulemo ni imu, uchakaia mkosi wa iyo Sharia yose.