WAEBRANIA 9:14 - Biblia Ilagho Jiboie Kwa Wandu Wose

¹⁴ ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

WAEBRANIA 9:14 ပူးပေါင်းရင်းမြစ်များ

2 SAMUELI 4:11

Welee, nikuchumba saki kwa wandu wawiwi wam'bwagha mundu wa hachi uko ulale wulinyi kwake, andenyi ya nyumba yake? Ndeinifwane na ini nilipie kisasi bagha yake na kumtotesha inyo kufuma ndoenyi?”

2 WAZURI 19:16

degha kudu kwako ee BWANA, kusikire malagho gha Senakeribu, agho ukusholiagha nagho oho Mlungu kuko moyo.

AYUBU 15:16

Mdamu uzamie na kunoneka, ubonyagha wuwiwi sa kunywa machi urumirikia wada?

ZABURI 51:2

Kunioghoshe kiwiwi chapo putu, kunieleshe kaung'a yapo.

KUFUMA 12:5

Kwadima kusaghua mwana wa ng'ondi angu wa mburi uboie wa mwaka ghumweri usewadie ikosa jingi.

ISAYA 42:1

BWANA waghamba, “Zighana mdumiki wapo uo nimmangishagha, msaghulwa wapo, uo uniboiagha loli-loli. Nameria kumchura Roho wapo, nao uchareda hachi kwa iro mbari ra wandu.

ISAYA 53:9

Oreboisiroghe kaburi chiaimweri na wawiwi, ukarikwanya chiaimweri na wazuri wa mali; hata ngera nderekudederieghe, na mikalo ingi kuwoneka momunyi kwake anduangi.”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

EZEKIELI 45:18

Bwana MLUNGU waghamba huwu, “Ituku ja imbiri ja mori ghwa imbiri, kuchawada mwana wa njau usewadie itiko jingi, kupate kuielesha Hekalu.

DANIELI 6:26

Ini nafunya momu andenyi ya wuzuri ghwapo, wandu wiobuo na kusughisika imbiri ya Mlungu wa Danieli. Uo ni Mlungu uko moyo, uduagha kwa kala na kala; wuzuri ghwake ndeghuchaanonwa jingi; na nguma rake nderiwadie kutua kungi.

WALAWI 22:20

Msefunye nyamandu iko na itiko jingi, kwa kukaia ndeichaarumirilwa ni BWANA anduangi.

MITALO 28:11

Kula ituku jezoya mori muchamfunyira BWANA kizongona chekora cha wana wa njau wawi, bauru imweri, na wana wa ng'ondi wa womi mfungade wa mwaka ghumweri wisewadie itiko jingi.

MITALO 28:3

Mafunyo mchaakaia mkimfunyira BWANA kwa wundu ghwa vizongona vekora tuli tuli kula ituku nigho agha: Wana wa ng'ondi wa womi wawi, wa mwaka ghumweri wisewadie itiko jingi.

MITALO 28:9

Ituku ja Sabato, mfunye wana wa ng'ondi wawi wa mwaka ghumweri wisewadie itiko jingi, chiaimweri na mufu ghudendere ghwa kilo iwi ghuranganyiro na mavuda gha zeituni, chiaimweri na ifunyo ja kunywa.

MATHAYO 12:28

Ela ikakaia nadariwinga pepo kwa ndighi ra Roho wa Mlungu, huwo mmanye angu wuzuri ghwa Mlungu ghwameria kumchea.

MATHAYO 16:16

Simoni Petro ukatumbulia, “Oho ko Kristo, Mwana wa Mlungu uko moyo.”

MATHAYO 20:28

Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”

MATHAYO 7:11

Ikakaia inyo muko wawiwi mwaichi kuwineka wana wenyu vilambo viboie, Ndeyo onyu uko mlungunyi ndechaachumba kuwineka mecha ghose awo wamlombagha anguwada?

LUKA 1:74

iji dakirwa kufuma mikonunyi kwa wamaiza wedu, dichamdumikia kuseko na wowa,

LUKA 12:24

Ririkanyenyi ngorusa nderilimagha, hata nderikuwidagha, hata kukwanya nganyenyi anduangi, na Mlungu wadarilisha. Na inyo ndemko wa zoghori kuchumba iro nyonyi anguwada?

LUKA 12:28

Idana ikakaia Mlungu warirusha huwu nyasi ra mlambenyi riko idime na kesho raoma, na kukorwa modo, uchachumbaki kumrusha inyo wandu wa irumirio itini.

LUKA 4:18

“Roho wa Bwana oko aighu kwapo, angu orenishingieghe mavuda niwichilie wakiwa Ilagho Jiboie. Wanidumie niwighorie wafungwa malagho gha kufungulwa kwawo, na vitungure kupata kuwona kwawo, kuwifungua awa wikorongwagha;

JOHANE 3:34

Uo udumilo ni Mlungu wadaghora malagho gha Mlungu, angu Mlungu wadamneka roho wake kuseko na kupima.

MABONYO GHA WADUMI 1:2

hata ituku oredwaloghe aighu mlungunyi nyuma ya kuwilaghira kwa Roho Mweli wadumi wake orewisaghueghe.

MABONYO GHA WADUMI 10:38

Seji Mlungu oremshingieghe Jesu wa Nazareti mavuda kwa Roho Mweli, na kwa ndighi; nao ukamara-mara ukibonya nicha, na kuwiboisa wose werekorongeloghe ni uja Mmbiwi, angu Mlungu orekoghe andwamweri nao.

MABONYO GHA WADUMI 14:15

“Wele nga wandu, kwaki m'bonyagha huwu? Nechi isi de wadamu karakara na inyo; nesi daamredia Ilagho Jiboie, mpate kufuma na kurisigha iri maza ra duu, mumghalukie Mlungu uko moyo, uo oreumbieghe mlungunyi na ndoenyi, na bahari, na vose viko andenyi yaro.

MABONYO GHA WADUMI 15:9

Hata nderewonyereghe wuchumbano ghungi aghadi ya awo na isi, ela orerieleshereghe ngolo rawo kwa irumirio.

WAROMA 1:20

Kufuma Mlungu waumba wurumwengu, ndighi rake ra kala na kala na wulungu ghwake ghusewonekagha, vamerie kuwoneka worinyi kwa chia ya ivo vilambo vibonyero. Kwa huwu, awo wandu ndewiwadie jekudederia anduangi;

WAROMA 1:4

na kwa chia ya wueli ghwake ghwa wulungu, orewonyeroghe kukaia Mwana wa Mlungu kwa ndighi mbaa, kwa uko kurukishwa kwake kufuma kwa wafu, uo Jesu Kristo Bwana odu.

WAROMA 11:12

Idana ikakaia ikosa jawo jiareda mecha wurumwengunyi kwa wungi, na kulemwa kwawo kuareda mecha kwa wandu wa mbari zima kwa wungi, kukata kwawo-lee kuchachumba saki kureda marasimio?

WAROMA 11:24

Angu ngera oho mundu wa mbari zima kwa asili kuko sa mzeituni ghwa isakenyi, kwadumbulo na kukakadishirwa kwa mzeituni ghwa mbuwenyi kwa asili ghuseko ghwako, kuchumba nandighi mbashu ra mizeituni ya mbuwenyi richakakadishirwa kwa mudi ghwawo ghoni.

WAROMA 6:13

Nenyo msevifunye via venyu kwa kubonya kaung'a, sa vombo vebonya mawiwi; ela mkufunye kwa Mlungu, sa wandu wifunyiro kifonyi na kungirwa iranginyi; na via venyu vikaie va Mlungu, sa vombo vebonya hachi.

WAROMA 6:22

Ela idana mmeria kufunywa kaung'enyi, na kuwuya wazumba wa Mlungu, fwaida mpatagha ni kueleshwa, na kutua kwaro irangi ja kala na kala.

1 WAKORINTHO 15:45

Niko huwo ikaandikwa, “Mundu wa imbiri, Adamu, oreumbiloghe ukakaia mundu uko moyo.” Adamu wa kutua ni roho unekagha irangi.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

WAGALATIA 2:19

angu ini cha sharienyi nafue, na iyo Sharia niyo cheni inibwaghie; eri nipate kukaia moyo kwa wundu ghwa Mlungu.

WAEFESO 2:5

hata iji derekoghe difue rohonyi kwa chia ya makosa ghedu, oredikaishireghe moyo chiaimweri na Kristo, (mookirwa kwa mvono)

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WUKUMBUSO 15:21

Ela awo wavalwa wa imbiri, ungi ukakaia na itiko jingi, ngera ookelemia angu kufwa meso, angu itiko jingi ijo jose jizamie, kusemfunye kizongona kwa BWANA Mlungu wako.

WUKUMBUSO 17:1

“Msemfunyire BWANA Mlungu onyu vizongona va ng'ombe angu ng'ondi viko na itiko jingi ijo jose; ilagho ijo jadamzamia BWANA Mlungu onyu.

WUKUMBUSO 31:27

Angu naichi seji mghilikie; wandu msesikiragha. Kamanya mwawuyamlegha BWANA niko moyo dikwanye, ni kuchumba saki iji nafwa!

WUKUMBUSO 33:27

Mlungu wakaie mlindiri wako ngelo rose; mikonu yake ya kala na kala niyo yawuyakumaziria Orewisimieghe wamaiza wenyu imbiri yenyu; ukamzera muwitoteshe wose.

WUKUMBUSO 5:26

Ni mdamu uao usikire Mlungu uko moyo ukighora aghadi ya modo seji dasikira nao ukakaia moyo?

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

1 TIMOTHEO 1:17

Idana kwa uo Mzuri wa ngelo rose, useidagha, usewonekagha, Mlungu uekeri, ndejikaie ishima na wubaa kwa kala na kala. Amen.

1 TIMOTHEO 3:15

iji nacheleshwa, kukaie kumanyire seji imfwanagha mundu kukaia andenyi ya nyumba ya Mlungu, najo ni ijo ikanisa ja Mlungu uko moyo, iyo nguro na msingi ghwa iyo loli.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

WAEBRANIA 10:10

na kwa ulo lukundo lwa Mlungu, damerie kueleshwa kwa chia ya kufunywa kwa mumbi ghwa Jesu Kristo ijo indo jimweri tua.

WAEBRANIA 10:12

Ela Kristo uendafunya kizongona chimweri cha ngelo rose kwa wundu ghwa kaung'a, oreserieghe kidombo chia ya mkonu ghwa kiwomi ghwa Mlungu.

WAEBRANIA 10:2

Ngera viadima-lee, kumangu sena ndevisighilo kufunywa? Kumangu waja watasi wereeleshwagha, ndewerewuyaasikira ngolo rawo rikiwitanya sena kwa wundu ghwa kaung'a.

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WAEBRANIA 11:21

Kwa irumirio, ngelo Jakobo walighisa kufwa, orewirasimieghe kula umu wa wana wa Josefu ukaghoghoma aighu ya mzata ghwake na kutasa.

WAEBRANIA 13:12

Huwo koni Jesu oretiriroghe mbengenyi cha shighadi, upate kuwielesha wandu kwa chia ya bagha yake moni.

WAEBRANIA 3:12

Mkulindie wanidu, mndungi onyu usechekaia na ngolo mbiwi iserumiriagha, imshekeriagha kumlegha Mlungu uko moyo.

WAEBRANIA 6:1

Kwa huwo, ndedighende imbiri, divikie kukaia wandu wikatie; dikisigha agho mafundisho gha imbiri gha Kristo. Diseaghe msingi sena ghorihea kazi rifue, na ghwa irumirio kwa Mlungu,

WAEBRANIA 7:16

Nao wawurie mkohani kuseko na mawiko gha kivalwa cha mumbi, ela kwa ndighi ra irangi jisewadie kunoneka.

WAEBRANIA 7:27

Uo ndena haja efunya vizongona matuku ghose, sa waja wakohani wabaa; wei ufunye kizongona kwa wundu ghwa kaung'a rake moni imbiri, ima uwonefunya kwa wundu ghwa wandu. Jesu odebonya huwo indo jimweri tua, iji orekufunyireghe moni kizongona.

WAEBRANIA 9:12

orengirieghe andenyi ya Andu kwa Wueli indo jimweri tua ukidwa bagha; si ya mburi na ngache anduangi, ela bagha yake moni. Kwa chia iyo ukaghupata ghuja wukomboli ghwa kala na kala.

WAEBRANIA 9:26

angu aho yadakaia utiriro kalazi kufuma wurumwengu ghwazoya. Ela seji iko, wamerie kuwoneka indo jimweri tua ngelo ra kutua, upate kuriinja kaung'a kwa kukufunya kizongona moni.

WAEBRANIA 9:7

na iyo hema ya kawi, yadangilwa ni Mkohani M'baa uekeri mwaka indo jimweri, nao ndeoredimagha kungia usedwae bagha; uifunye kwa wundu ghwake moni, na kwa wundu ghwa makosa gha wandu.

WAEBRANIA 9:9

(nagho ni mfwano ghuwonyeragha seji iko matuku agha). Kunughana na maboiso agho, manosi na vizongona vafunywa ivo visedimagha kukatisha nia ya uja mundu utasagha,

1 PETRO 1:19

ela kwa bagha ya zoghori mbaa ya Kristo, sa ya mwana wa ng'ondi usewadie ikosa hata iboli jingi.

1 PETRO 2:22

Uo nderebonyerege kaung'a ingi, hata wukalo ghungi ndeghorewonekieghe andenyi ya madedo ghake anduangi.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

1 PETRO 4:2

eri kwa irangi jisigharikie, mseduo moyo kwa kunugha bea ra kidamu, ela mnughe lukundo lwa Mlungu.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

1 JOHANE 3:5

Nenyo mwamanya angu Kristo orewonekieghe worinyi upate kuriinja kaung'a, na andenyi kwake ndekuwadie kaung'a ingi anduangi.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

1 SAMUELI 17:26

Daudi ukawizera awo wandu werekwanyeghe, “Mundu ukam'bwagha u Mfilisti na kuinjira Israeli ughu waya ubonyerwa kii? U Mfilisti useshamishiro ni kilamboki hata udime kazaruma majeshi gha Mlungu uko moyo?”