WAEBRANIA 8:9 - Biblia Ilagho Jiboie Kwa Wandu Wose

⁹ Ndejiko sa jija ilaghano nerejibonyereghe na weke ndee; iji nerewiwadieghe mkonu na kuwighenja, ngiwifunya isanga ja Misri; angu ndeweredueghe kwa ilaghano japo, na kwa wundu ugho, secheewuyawitala anduangi waghamba Bwana.

WAEBRANIA 8:9 ပူးပေါင်းရင်းမြစ်များ

KUZOYA 19:16

Ela orekoghe ukikuwada-wada. Waja wandu wikammbwada Loti, mkake na wai wake wawi, na kummbika shighadi ya muzi angu BWANA oremfuyeghe wughoma.

AYUBU 8:20

“Mlungu ndemleghagha mundu usewadie ikosa, hata ndemtesiagha mundu mmbiwi.

ZABURI 105:43

Kwa huwo ukawilongoza wandu wake kwa kuboilwa; ukawighenja wasaghulwa wake wikibora.

ZABURI 77:20

Oho korewighenjereghe wandu wako sa ng'ondi kukiwitumia Musa na Haruni.

ZABURI 78:57

Ela wereghalukieghe noko, wikabonya mikalo sa weke ndee; wikasowa wuloli sa ndana ikomekie.

KUFUMA 32:8

Wameria kuisigha ija chia nerewilaghirieghe kuinugha, nawo wakubonyera weni ngache ya dhahabu, wikaitasa na kuifunyira vizongona wikighamba wei uo nuo mlungu wawo uwifunyire Misri.

KUFUMA 34:10

BWANA ukamzera Musa, “Idana nichabonya ilaghano na wandu wa Israeli. Nichabonya malagho mabaa aghadi kwawo, jingi ghisebonywa ni mndungi ndoenyi kose, hata kwa mbari ingi. Wandu wose wichawona maza mbaa ini BWANA nichaaribonya; nichabonya maza reobosha kwa wundu ghonyu.

LUMBO 8:5

Nani uja uchagha kufuma kireti, wawadiana na mkundwa wake? Nedekuwusira kuko aisi ya mudi ghwa matunda, andu mayo orekuamieghe, ukakumba lufu na kukuva.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 41:13

Kwa kukaia Ini Bwana Mlungu wako, nichakumaziria kwa mkonu ghwapo ghwa kiwomi; ni Ini nighoragha, ‘Kusakeobua, Ini nichakutesia.’”

ISAYA 51:18

Aghadi ya wana wako wose kuwivae, ndekuwadie ungi wa kukulongoza, ndekuwadie hata mwana ungi wa awo kuwilelie uchaakuwadia mkonu.

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

JEREMIA 31:32

Ilaghano ijo ndejichaakaia sa iji nerejibonyereghe na weke ndee iji nerewifunyireghe isanga ja Misri ngiwidwa na mkonu; ilaghano japo ijo werejichikanyireghe, hata ngera nerekoghe kwawo sa mumi wawo.

KILILO CHA JEREMIA 4:16

BWANA ndecheewuyawitala sena; ukawisaghisa moni. Ndecheewitala wakohani na vilongozi vedu.

EZEKIELI 16:59

Bwana MLUNGU waghamba huwu, “Nichakubonyera maza sa iji koni korebonyereghe, angu kwajimenyere ighemi na kujichikanya ilaghano;

EZEKIELI 16:8

“Iji nereidieghe kaavui na oho sena, ngakuzighana na kuwona angu kwameria kuzoghua na kuvika ngelo ekundwa; ngaghorua kidambi cha nguwo yapo, ngakufinikira wuduu ghwako; ee, ngakubonyera ilaghano, na oho kukawuya wapo. Ini Bwana MLUNGU naghamba.

AMOSI 5:22

Hata ngera mwanifunyira vizongona venyu vekora na vizongona va viro, sichaavirumiria anduangi; sichaavirumiria vizongona venyu va nyamandu ribandie anduangi.

MALAKI 2:13

Mwawuyabonya ilagho jimu sena. Mwawuyachura madhabahu ya BWANA mbori renyu. Mwaawuyalila mkidikwa ni mbori angu walegha kughirumiria mafunyo mwareda.

MARKO 8:23

Jesu ukammbwadia mkonu uja mundu ufue meso, ukamreda shighadi ya muzi. Ukamchuya mada mesonyi kwake, ukammbikiria mikonu, ukamkotia, “Welee, kwawuyawona kindo chingi?”

MABONYO GHA WADUMI 13:11

Ola idana mkonu ghwa Bwana ghuchakukaba, na oho kuchakaia kitungure kusewonagha iruwa kwa ngelo.” Shwa wori ukaserelwa ni ikungughu na kira cha meso, ukaghenda ii chia na ii chia ukilola wandu wemmbwadia mkonu na kumghenja.

MABONYO GHA WADUMI 7:36

Ukawifunya na kuwighenja, nyuma ya kubonya mashiniko na weke mwakilimbiti Misri, na Bahari ya Shamu, na kireti kwa miaka mirongo ina.

MABONYO GHA WADUMI 9:8

Sauli ukawuka, hata iji walavua meso, nderedimieghe kuwona kindo chingi; wikammbwadia mkonu na kumdwa hata Dameshki.

WAGALATIA 4:24

Idana ughu ni mfwano; waka awo, ni malaghano awi. Ilaghano jimu jeefuma Mghondi ghwa Sinai, nagho ni sa Hagari uvagha wana wuzumbenyi.

WUKUMBUSO 29:1

Agha ni malagho gha Ilaghano ja BWANA ijo oremlaghirieghe Musa ubonye na wandu wa Israeli andenyi ya isanga ja Moabu, kula na jija ilaghano orebonyereghe nawo aja Mghondi ghwa Sinai.

WUKUMBUSO 29:12

Moko aha idime mpate kubonya ilaghano ja ighemi na BWANA Mlungu onyu, ijo ifwane mujinughe,

WUKUMBUSO 29:25

Na wandu wichatumbulia, ‘Ni angu wandu waro werejisighieghe ilaghano ja BWANA, Mlungu wa weke ndee, ijo orebonyereghe nawo iji orewiredieghe kufuma isanga ja Misri.