WAEBRANIA 8:2 - Biblia Ilagho Jiboie Kwa Wandu Wose

² nao ni mdumiki wa Andu kwa Wueli, na wa iyo hema ya loli, isebonyero ni mdamu ela ni Bwana.

WAEBRANIA 8:2 ပူးပေါင်းရင်းမြစ်များ

KUFUMA 25:9

Kuibonye Hema na vilambo varo, kunughana na mfwano nichaakuwonyera.

KUFUMA 28:1

“Kumrede mwanyinyu Haruni na wana wake kaavui na oho. Haruni na wana wake; Nadabu, Abihu, Eleazari, na Ithamari; kuwitenge aghadi ya Waisraeli wipate kunidumikia kwa kazi ya Wukohani.

KUFUMA 28:35

Haruni uchakaia ukirwa ijo ijoho ngelo engia kwa wudumiki. Hata iji wakangia aja Andu kwa Wueli imbiri kwapo, na ngelo wakafuma, iro njugha richakaia rikisikirika, eri usechefwa.

KUFUMA 33:7

Ngelo rose wandu wa Israeli werebonyereghe kambi, Musa orekoghe ukidwa Hema ya Wueli na kuidunga shighadi kakula na kambi ukaiwanga, Hema Ekwania. Mndungi ukakaia na ilagho jemkotia BWANA, orekoghe ukighenda shighadi ya Hema Ekwania.

LUKA 24:44

Niko ukawizera, “Agha nigho malagho neremghorieghe iji nerekwanyeghe andwamweri nenyo, kukaia agho ghose ghereandikiloghe aighu yapo andenyi ya Sharia ra Musa, Maandiko gha walodi na Zaburi, suti ghikatisho.”

WAROMA 15:8

Angu namzera inyo, Kristo orewurieghe mdumiki wa awo wishamishiro, upate kuwonyera wuloli ghwa Mlungu, na kughimangisha agho malaghiro gherenekeloghe weke wawa;

2 WAKORINTHO 5:1

Angu isi damanya, mimbi edu ya ndoenyi iko sa hema, iyo dikaiagha andenyi yaro, iji yavuchulwa, deko na iaghi jifumagha kwa Mlungu; nyumba isebonyero kwa mikonu, ya kala na kala, iko mlungunyi.

WAKOLOSAI 2:11

Andenyi kwake wori, inyo mwashamishiro, kwa kushamishwa kusebonyero ni mikonu anduangi, ela ni kuja kubonywagha ni Kristo moni kwa chia ya kughurua ghuja wundu ghwa mumbi ghwa kaung'a.

WAEBRANIA 10:11

Na kula mkohani wadabonya wudumiki ghwake ituku ituku kalazi koni, ukifunya vizongona vija veni, ivo jingi visedimagha kuinja kaung'a.

WAEBRANIA 10:21

Na kwa kukaia deko na mkohani m'baa wa nyumba ya Mlungu,

WAEBRANIA 11:10

Angu Abrahamu orekoghe ukighuwesera muzi ghuko na misingi, ghuaghilo na kubonywa ni Mlungu.

WAEBRANIA 9:1

Idana hata ijo ilaghano ja imbiri jerekoghe na chia ra wutasi na andu kwa wueli kotasira kwa ndoenyi.

WUFUNUO 21:3

Ngasikira lwaka lubaa kufuma kwa icho kifumbi cha nguma lukighamba, “Ola wulalo ghwa Mlungu ni andwamweri na wadamu. Nao uchakaia andwamweri nawo, nawo wichakaia wandu wake; Mlungu moni uchakaianya nawo.