WAEBRANIA 8:11 - Biblia Ilagho Jiboie Kwa Wandu Wose

¹¹ Hata ndewichaafundishana kula mundu na mmbao, angu kula mundu na mruna, wikighamba ‘Mmanye Bwana’ angu wose wichanimanya, kufuma mtini, hata m'baa wawo.

WAEBRANIA 8:11 ပူးပေါင်းရင်းမြစ်များ

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 30:22

Hezekia ukapata ngolo ukawikuma Walawi wose, awo werebonyereghe wudumiki ghwa BWANA nicha. Kwa huwo wandu wikaja vindo va ndima kwa matuku mfungade, na kumfunyira BWANA chawucha, uo Mlungu wa weke ndee.

EZRA 7:25

“Na oho Ezra, kunughana na hikima ya Mlungu wako iyo ukunekie, kuwike wabaa na watanyi widimagha kuwitanya wandu isangenyi jiko magharibi ya Moda ghwa Eufrate awo wiichi na kuinugha Sharia ya Mlungu wako. Kuwifundishe awo wiseichi iyo sharia.

ISAYA 2:3

Wandu wengi wichacha wikighamba, “Nndokonyi dighende mghondinyi ghwa BWANA, Hekalunyi kwa Mlungu wa Jakobo; upate kudifundisha seji ifwane dibonye, nesi dipate kubonya. Kwa kukaia sharia ichafuma Sioni, na ilagho ja BWANA jichafuma Jerusalemu.”

ISAYA 54:13

Nichawifundisha wana wako wose, nawo wichawona nicha na sere.

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 31:34

Ndewichaafundishana sena kula mundu na mmbao na kula mundu na mruna wikighamba, ‘Mmanye BWANA,’ angu wandu wose wichanimanya kufuma mtini wawo, hata m'baa wawo. Kwa kukaia nichawifuya wughoma mawiwi ghawo, na kaung'a yawo sichaaikumbuka sena anduangi, ini BWANA naghamba.”

JEREMIA 42:1

Niko wabaa wose wa majeshi, na Johanani mwana wa Karea, na Azaria mwana wa Hoshaia, na wandu wose kufuma mtini hata m'baa wikasoghoda kaavui

JEREMIA 42:8

Niko ngammbanga Johanani mwana wa Karea na wabaa wose wa majeshi werekwanyeghe, na wandu wose kufuma mtini wawo hata m'baa wawo,

JEREMIA 44:12

Awo wandu wa Juda wisigharikie, nao wikakufunya kucha cha Misri wipate kukaia aha, nichawibonya witotesho wose ahaeni isangenyi ja Misri. Wichafwa wudenyi, na kwa njala, kufuma mtini wawo hata m'baa wawo; nawo wichawoneka sa kilambo cha kisha, cheshinikilwa, chiwasirilo njowe, na chesholelwa.

JEREMIA 6:13

Weechulwa ni bea wose, kufuma mtini hata m'baa wawo; wakunda kupata fwaida risena hachi, kufuma mlodi hata mkohani, kula umu uabonya mikalo.

EZEKIELI 34:30

Nawo wichamanya kukaia ini BWANA Mlungu wawo neko chiaimweri nawo, na awo wandu wa Israeli kukaia wandu wapo, ini Bwana MLUNGU naghamba.

HABAKUKI 2:14

Kwa kukaia ndoenyi kuchachulwa ni kughumanya wubaa ghwa BWANA seji machi ghichuagha baharinyi.

JOHANE 6:45

Walodi wereandikieghe, ‘Kula mundu uchafundishwa ni Mlungu.’ Uo ose umsikiragha uja Aba, na kukufundisha kwake, uchacha kwapo.

MABONYO GHA WADUMI 8:10

Wandu wose werekoghe wikimsikiria watini na wabaa wikighamba, “Mundu uhu ni rija ndighi ra Mlungu riwangwagha Mbaa.”

1 JOHANE 2:27

Ela inyo mwaduagha mmbikilo wakfu kwa kunekwa Roho Mweli, hata ndemne haja efundishwa ni mndungi; angu uo Roho Mweli mnekelo, wawuyamfundisha maza rose; nao ni wa loli, hata ndeghoragha tee anduangi; nenyo kaienyi andenyi kwake Kristo, sa iji koni umfundishire.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.