WAEBRANIA 8:10 - Biblia Ilagho Jiboie Kwa Wandu Wose

¹⁰ Iji nijo ilaghano nichaajibonya na nyumba ya Israeli nyuma ya matuku agho, waghamba Bwana; Nichangira sharia rapo akilinyi kwawo, na kuriandika ngolonyi kwawo, nani nichakaia Mlungu wawo, nawo wichakaia wandu wapo.

WAEBRANIA 8:10 ပူးပေါင်းရင်းမြစ်များ

KUFUMA 24:4

Musa ukaandika malaghiro ghose gha BWANA. Nakesho yaro kokio, ukaagha madhabahu kirimbenyi cha mghondi; ukadunga magho ikumi na awi kunughana na mbari ikumi na iwi ra Israeli.

KUFUMA 24:7

Ukawusa chuo cha malaghano, andu malaghiro gha BWANA ghereandikiloghe; ukaghishomia wandu kwa lwaka. Nawo wikaghamba, “Dichamsikira BWANA, na kubonya agho ghose oreghilaghirieghe.”

KUFUMA 34:1

BWANA ukamzera Musa, “Dumbua vishawalata viwi va magho, sa vija va imbiri; nani nichaandika malagho agho gherekoghe aighu ya vija vishawalata va imbiri korevibarieghe.

KUFUMA 34:27

BWANA ukamzera Musa, “Andika agha malagho, kwa kukaia nigho gheni naghitumia kwa kubonya ilaghano na oho, na Israeli wori.”

LUMBO 2:16

Mkundwa ni wapo, na ini ne wake; wadalisha iranu jake aghadi ya mboi.

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 31:1

BWANA waghamba, “Ngelo ija nichakaia Mlungu wa vichuku va Israeli, nawo wichakaia wandu wapo.

JEREMIA 31:33

Ela ilaghano nichaajibonya na wandu wa Israeli nyuma ya matuku ghaja nijo iji: Nichawika sharia yapo andenyi kwawo, nani nichaiandika aighu ya ngolo rawo; nichakaia Mlungu wawo nawo wichakaia wandu wapo.

JEREMIA 32:38

Nawo wichawuya wandu wapo, nani nichakaia Mlungu wawo.

JEREMIA 32:40

Nani nichabonya ilaghano ja kala na kala nawo, kukaia sichaaleka kuwibonyera mecha. Nichawibonya winiobuo wisechewuya nyuma na kunisigha.

EZEKIELI 37:27

Nichakaia aghadi kwawo, nani nichakaia Mlungu wawo, nawo wichakaia wandu wapo.

EZEKIELI 39:22

Wandu wa Israeli wichamanya kukaia ini ne BWANA Mlungu wawo kufuma ituku ijo na noko imbiri.

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

HOSEA 2:23

Nichawimangisha wandu wapo isangenyi, na kuwibonya wiwone mecha. Nichawiwonyera lukundo kwa awo werewangiloghe ‘Wisekundo;’ kwa awo werewangiloghe, ‘Si wandu wapo wangi.’ Nichaghamba, ‘Mo wandu wapo’ nawo wichatumbulia ‘Ko Mlungu odu.’”

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

ZEKARIA 8:8

na kuwireda kufuma mashariki na magharibi wipate kukaia Jerusalemu. Wichakaia wandu wapo na ini nichakaia Mlungu wawo uwibonyeragha nguma kwa wuloli na kwa hachi.

MATHAYO 22:32

‘Ini ne Mlungu wa Abrahamu, Mlungu wa Isaaka, na Mlungu wa Jakobo.’ Uo ndekaiagha Mlungu wa wafu anduangi, ela wa awa wiko moyo.”

WAROMA 11:27

na iji nijo jichaakaia ilaghano japo nawo, iji nachawiinjira kaung'a rawo.”

1 WAKORINTHO 6:16

Angu huwo ndemmanyire uo ukuwadanishagha na ilaya wawuya mumbi ghumweri nao? Nechi ni sa iji iandikilo, “Waja wawi wichawuya mumbi ghumweri.”

2 WAKORINTHO 3:3

Nenyo mwawonyera moko barua diiredie ifumie kwa Kristo, nayo ni barua iseandikilo kwa wino, ela eandikwa kwa Roho wa Mlungu uko moyo; hata ndeiandikilo aighu ya vishawalata va magho anduangi, ela eandikwa andenyi ya ngolo ra wandu.

WUKUMBUSO 30:6

Sena BWANA Mlungu onyu uchaboisa ngolo renyu na ra wana wenyu, mpate kumkunda BWANA Mlungu onyu kwa ngolo renyu rose, na kwa roho renyu rose, eri mpate kukaia moyo.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

WAEBRANIA 11:16

Ela seji iko, weekunda isanga jiboie kuchumba, najo ni ja mlungunyi. Kwa huwo, Mlungu ndewonagha waya ghungi iji wakammbanga Mlungu wawo, angu wawiboisire muzi.

JAKOBO 1:18

Kwa kukunda kwake moni, oredivaeghe kwa ilagho ja loli, dipate kukaia mavalo gha imbiri gha maumbo ghake.

JAKOBO 1:21

Kwa huwu injenyi na mbai wuchafu ghose na wuwiwi ghwa kula mbari, nenyo mjiwuse ilagho jiwalo andenyi konyu kwa wumboa, ijo jidimagha kukira roho renyu.

1 PETRO 1:23

Mwamerie kuvalwa wuwishi, kwa chia ya ilagho ja Mlungu jiko moyo; si kwa mbeu iwoagha, ela kwa iyo isewoagha anduangi.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.