WAEBRANIA 7:6 - Biblia Ilagho Jiboie Kwa Wandu Wose

⁶ Ela uo Melkizedeki useko wa mzawo, orewusireghe ifungu ja ikumi kufuma kwa Abrahamu, nao ukamrasimia uo mundu orekoghe wapata agho malaghiro gha Mlungu.

WAEBRANIA 7:6 ပူးပေါင်းရင်းမြစ်များ

KUZOYA 12:13

Idana kuwizere angu ne mwanyinyu, eri maza ripate kunighendia nicha, na irangi japo jikie kwa wundu ghwako.”

KUZOYA 12:2

Nichakubonya kukaie mbari mbaa, sena nichakurasimia na kujibonya irina jako jikaie ibaa; kupate kuwuya marasimio.

MABONYO GHA WADUMI 3:25

Inyo mo wana wa walodi, na wa ijo ilaghano Mlungu orewinekieghe weke ndeyo ukimzera Abrahamu, ‘Kwa kivalwa chako, wandu wose wurumwengunyi wicharasimilwa.’

WAROMA 4:13

Ilaghiro orenekeloghe Abrahamu na kivalwa chake, kukaia wichaghupata ifwa wurumwengu, nderelaghiriloghe uchaghupata ifwa wurumwengu kwa kuinugha Sharia, ela ni kwa chia etalilwa hachi ya irumirio.

WAROMA 9:4

Awo ni Waisraeli, na uko kubonywa kukaia wana wa Mlungu ni kwawo, na wubaa ni ghwawo, na ilaghano ni jawo, na uko kunekwa Sharia ni kwawo, na wutasi ni ghwawo, na malaghiro ni ghawo;

WAGALATIA 3:16

Idana malaghiro ghedebonywa kwa Abrahamu na kivalwa chake. Na maandiko ndeghiwueghora wei, “Na vivalwa,” seji ni kwa wengi; ela gheeghora kwa wundu ghwa umweri, “Na kwa kivalwa chako” nuo Kristo.

WAEBRANIA 11:13

Awo wose werefueghe andenyi ya irumirio wisepatire agho werelaghiriloghe, ela wereghiwonieghe kwa kula wikaboilwanya nagho; wikirumiria angu werekoghe waghenyi, na wandu wiidagha aha ndoenyi.

WAEBRANIA 11:17

Kwa irumirio, Abrahamu uendatimwa ni Mlungu, oremfunyireghe Isaaka ukaie kizongona; hata ngera orekoghe wapata agho malaghiro, ela ukakaia tayari kumfunya mwana wake wa ititi;

WAEBRANIA 7:1

Uo Melkizedeki, mzuri wa Salemu, mkohani wa Mlungu Uko Aighu Na Ndighi, orekwaneghe na Abrahamu, iji orekoghe ukiwuya kufuma wudenyi, andu orekoghe wawibwagha wazuri; Melkizedeki ukamrasimia;

WAEBRANIA 7:7

Mndungi ndedimagha kukana kukaia mundu mtini nuo urasimilwagha ni uhu m'baa.