WAEBRANIA 7:25 - Biblia Ilagho Jiboie Kwa Wandu Wose

²⁵ Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

WAEBRANIA 7:25 ပူးပေါင်းရင်းမြစ်များ

AYUBU 22:17

Ni wandu weremleghieghe Mlungu, wikarumiria kukaia ndedimagha kuwibonya ilagho jingi.

AYUBU 23:3

Na wei nadamanya andu uko, nadamghendia ahoeni uko.

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 45:24

“Wandu wichaghora kukaia, hachi na kudima radafuma kwapo ini BWANA, wose wilwagha nani wichacha wikifwa waya.

ISAYA 53:12

Kwa huwo nichammbaghia ifungu jake chiaimweri na wabaa, nao uchawaghanya vilambo uvidwae wunyika, chiaimweri na awo wiwadie ndighi; angu orefunyireghe irangi jake hata kifwa, na kutalwa andwamweri na wakosi; ela oredukieghe kaung'a ra wandu wengi, na kuwilombia wakosi.”

ISAYA 59:16

Orezighanireghe ukashinika kuwona angu ndekorekoghe na mndungi odima kukotia maza iri; niko ukaghorua mkonu ghwake ghoni kureda wusimi, na kuwikira wandu wake kwa hachi yake.

ISAYA 63:1

Nani uhu ufumagha Bosra muzi ghwa Edomu uko na nguwo ritinikie righokie ra wubaa, sena uwadiagha kwa wubaa ghwa ndighi rake? “Ni ini BWANA niereshagha hachi yapo, niko na ndighi rekira.”

JEREMIA 3:22

“Wuyenyi inyo wana mseko waloli, nani nichamkira kufuma kwa uko kusowa wuloli konyu.” Nenyo mwatumbulia, “Ola daawuyacha kwako, angu ni oho BWANA Mlungu odu.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 3:17

Ikakaia ni huwo, Mlungu odu, uo dimdumikiagha wadima kudikira na ijo iwiwi ja modo, nao uchadikira na mkonu ghwako ee mzuri.

DANIELI 3:29

Kwa huwo, ini nafunya momu kukaia, Wandu wangi wa mbari ingi, angu wa kiteto chingi wichaaghora ilagho jingi aighu ya Mlungu wa Shadraka, Meshaki, na Abednego, wichadumbulwa viluponge viluponge, na nyumba rawo richachikanywa na kuinjwa. Ndekuwadie mlungu ghungi mzima ghudimagha kukira kwa chia ihi anduangi.”

DANIELI 6:20

Hata iji orevikieghe kaavui andu Danieli orekumbiloghe, ukakema kwa lwaka lwa wasi, ukamzera Danieli, “Ee Danieli, mdumiki wa Mlungu uko moyo, welee, Mlungu wako kumdumikiagha tulituli wadimie kukukira kusejigho ni shimba?”

DANIELI 9:16

Ee BWANA, kwa wundu ghwa mabonyo ghako gha hachi kubonyere kwa wundu ghodu, nakulomba kusighe machu na kubia kwako. Kughuleke muzi ghwako Jerusalemu, ugho mghondi ghwako ghwa wueli. Kaung'a redu na makosa gha weke aba, ghashekerie Jerusalemu na wandu wako wimenyeke na kusholelwa ni wandu wose widimarie chia rose.

JOHANE 14:13

Icho chose mchaalomba kwa irina japo, nicham'bonyera; Aba upate kukaswa andenyi ya Mwana.

JOHANE 14:16

Nani nichamlomba Aba, nao uchamneka Mtesia mzima, uchaakaianya na inyo kwa kala na kala.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

WAROMA 5:10

Ikakaia iji derekoghe wamaiza derepatanishiroghe na Mlungu kwa kifwa cha Mwana wake, kuchumba nandighi idana nyuma ya kukundanishwa, dichakirwa kwa irangi jake.

WAROMA 5:2

Uo udiredie kwa irumirio hata dikavikia kughupata ughu mvono dawuyakaia andenyi yaro; nesi daboilwa kwa wundu ghwa ijo isuwirio diko najo jekaia na wungara andenyi ya wubaa ghwa Mlungu.

WAROMA 8:34

nani uwitanyagha? Ni Kristo Jesu umoni orefueghe? Ee, umoni orerukishiroghe kufuma kwa wafu, sena uko kidombo chia ya mkonu ghwa kiwomi ghwa Mlungu ukidilombia na ndighi?

1 WAKORINTHO 1:21

Angu Mlungu, kwa hikima yake, wurumwengu ghorelemeloghe ni kummanya kwa hikima yake cheni. Niko erem'boieghe Mlungu, kwa chia ya wukelu ghwa agha dawuyaghichila, kuwikira awo wirumiriagha.

WAEFESO 2:18

Angu kwa uo, isi diwose dapata chia emvikia uja Aba, andenyi ya Roho umweri.

WAEFESO 3:12

nesi deko na wuwana ghongia kwa Mlungu kwa wuing'oni, kwa chia ya irumirio diko najo andenyi ya Kristo.

WAEFESO 3:20

Idana kwa Mlungu uo udimagha kubonya maza mbaa andenyi kodu kuchumba iro dimlombagha angu kuririkanya,

WAFILIPI 3:21

uo uchaaighalusa mimbi edu ya wunyonge ifwanane na mumbi ghwake ghwa wubaa, kwa iro ndighi rimdimishagha kuvibonya vilambo vose vikaie aisi kwake.

1 TIMOTHEO 2:5

Angu Mlungu ni umweri, na mpatanishi aghadi ya Mlungu na wandu ni umweri, uo mundu, Kristo Jesu;

2 TIMOTHEO 1:12

na kwa wundu ugho, niko nawuyapatwa ni ughu wasi. Ela sifwagha waya, angu namwichi uo nimrumirie, nani neko na wuloli kukaia wadima kuchilindia icho nichiwikie kwake hata Ituku jija.

WAEBRANIA 11:6

Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

WAEBRANIA 13:15

Idana ndedimfunyire Mlungu kizongona cha makaso tulituli kwa chia ya Jesu, nacho ni madedo gha memu ujishuhudiagha irina jake.

WAEBRANIA 2:18

Na kwa kukaia uo moni watiririlo na kutimwa, wadima kuwitesia awo witimwagha.

WAEBRANIA 2:9

Ela dammbona Jesu, uo orebonyeroghe mtini kuchumba weke malaika kwa ngelo ndini, eri kwa mvono ghwa Mlungu, upate kufwa kwa wundu ghwa kula mundu; nesi dammbona warushwa kirumbu cha wubaa na ishima, angu orepatireghe matiriro gha kifwa.

WAEBRANIA 5:7

Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

WAEBRANIA 7:16

Nao wawurie mkohani kuseko na mawiko gha kivalwa cha mumbi, ela kwa ndighi ra irangi jisewadie kunoneka.

WAEBRANIA 7:19

(angu Sharia ndeeredimieghe kukatisha ilagho jingi); na kwa luwaru lumu isuwirio jiboie kuchumba jaredwa, ijo jididimishagha kumsoghodera Mlungu kaavui.

WAEBRANIA 7:24

ela Jesu wadua na wukohani ghwake toe, angu uduagha kwa kala na kala.

WAEBRANIA 7:8

Awo wakohani wiwusagha ifungu ja ikumi, ni wandu wifwagha; ela aho dawona angu ijo ifungu jerewusiroghe ni Melkizedeki, mundu wawuyashuhudilwa kukaia oko moyo.

WAEBRANIA 9:24

Angu Kristo nderengirieghe Andu kwa Wueli kubonyero ni mikonu, kuko fwana ya uko kwa loli anduangi, ela orengirieghe mlungunyi koni; upate kuwoneka imbiri ya Mlungu kwa wundu ghodu.

JUDA 1:24

Idana kwa uo udimagha kumlindia inyo msegho, na kumreda inyo imbiri ya ugho wubaa ghwake, msewadie ikosa jingi kwa kuboilwa;