WAEBRANIA 7:21 - Biblia Ilagho Jiboie Kwa Wandu Wose

²¹ Awo wandu werewuyagha wakohani imbiri, wada-wada kazi rawo kuseko na ighemi. Ela Jesu orewurieghe mkohani kwa ighemi huwu, “Bwana waghemie, nao ndewuyaaghaluka; ‘Oho ko mkohani kwa kala na kala.’”

WAEBRANIA 7:21 ပူးပေါင်းရင်းမြစ်များ

ZABURI 110:4

BWANA waghemie, nao ndechaaghaluka: “Oho ko mkohani kwa kala na kala kwa kunughishira wukohani ghwa Melkizedeki.”

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

WAROMA 11:29

Angu agho manosi na uko kuwanga kwa Mlungu ndekughaluswagha anduangi.

WAEBRANIA 5:6

Sa iji koni wawuyaghora andu kumu wori, “Oho ko Mkohani wa kala na kala, kwa kunughishira wukohani ghwa Melkizedeki.”

WAEBRANIA 7:17

Angu washuhudilo huwu, “Oho ko mkohani kwa kala na kala kwa kunughishira wukohani ghwa Melkizedeki.”

WAEBRANIA 7:20

Najo ndejerekoghe kuseko na ighemi anduangi.

WAEBRANIA 7:23

Awo wakohani wa imbiri werekoghe wengi, kwa wundu ghwa kughirilwa kudua kazinyi ni kifwa;

WAEBRANIA 7:28

Loli Sharia yawiwika wandu wiko na wunyonge wikaie wakohani wabaa, ela ilaghiro jibonyero kwa ighemi, najo jerechieghe nyuma ya Sharia, jammbika Mwana uo ukatishiro kwa kala na kala.

1 SAMUELI 15:29

Sena Mlungu, uo uko Wubaa ghwa Israeli ndeghoragha tee hata ndeghalukagha sa mdamu anduangi.”