WAEBRANIA 7:19 - Biblia Ilagho Jiboie Kwa Wandu Wose

¹⁹ (angu Sharia ndeeredimieghe kukatisha ilagho jingi); na kwa luwaru lumu isuwirio jiboie kuchumba jaredwa, ijo jididimishagha kumsoghodera Mlungu kaavui.

WAEBRANIA 7:19 ပူးပေါင်းရင်းမြစ်များ

ZABURI 73:28

Ela ini, ni nicha nikaie kaavui na Mlungu; nipate wulindiri ghwa Bwana MLUNGU, na kueresha malagho gha kazi rake rose.

KILILO CHA JEREMIA 3:57

Korenitumbulieghe kukanizera niseobuo.

JOHANE 1:17

Angu Mlungu orefunyireghe Sharia kwa chia ya Musa, ela mvono na loli verechieghe kwa chia ya Jesu Kristo.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

MABONYO GHA WADUMI 13:39

na kwa chia yake, uo ose urumiriagha, wafungulwa kufuma kaung'enyi rose iro mseredimieghe kutana naro kwa Sharia ya Musa.

WAROMA 5:2

Uo udiredie kwa irumirio hata dikavikia kughupata ughu mvono dawuyakaia andenyi yaro; nesi daboilwa kwa wundu ghwa ijo isuwirio diko najo jekaia na wungara andenyi ya wubaa ghwa Mlungu.

WAROMA 7:7

Da dighora wada? Wei Sharia ni kaung'a? Hata kutini! Angu wei si Sharia, seremanyagha kaung'a. Seremanyagha kubonya iriso niki, ngera Sharia isereghorieghe, “Kusakebonya iriso”.

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

WAGALATIA 2:16

ela sena daichi wori mdamu ndetalwagha kukaia na hachi kwa chia ya mabonyo gha Sharia anduangi, ela kwa chia ya irumirio jiko kwa Jesu Kristo. Hata nesi deerumiria kwa Kristo Jesu, eri ditalo kukaia na hachi kwa Kristo hata si kwa chia ya mabonyo gha Sharia anduangi; angu ndekuwadie mndungi uchaatalwa kukaia na hachi kwa chia ya mabonyo gha Sharia anduangi.

WAGALATIA 3:21

Welee, iyo Sharia yaawuyatangala malaghiro gha Mlungu sena? Hata kutini. Angu ngera edeeka Sharia ifunyiro edima kuwiwika wandu moyo, kumangu loli hachi yadapatika kwa Sharia.

WAGALATIA 3:24

Kwa huwo Sharia erekoghe mlindiri odu, hata ngelo ya kucha kwa Kristo; eri diwonetalwa kukaia na hachi kwa irumirio.

WAEFESO 3:12

nesi deko na wuwana ghongia kwa Mlungu kwa wuing'oni, kwa chia ya irumirio diko najo andenyi ya Kristo.

WAKOLOSAI 1:27

Mlungu oresaghueghe kuwimanyisha awo waeli, seji ugho wungi ghwa mali ra wubaa ghwa ngasu ihi ghuko, aghadi ya wandu wa mbari zima; nagho ni Kristo andenyi konyu, isuwirio ja wubaa.

1 TIMOTHEO 1:1

Ini Paulo, mdumi wa Jesu Kristo uwikilo kwa amri ya Mlungu Mkiri odu, na ya Kristo Jesu isuwirio jedu.

WAEBRANIA 10:1

Kwa kukaia iyo Sharia eeka na kirerendi cheni cha vilambo viboie vichagha, wulalo ghwa fwana ya loli ya ivo vilambo, na jingi ndeidimagha kuwikatisha awo wandu wisoghodagha kwa Mlungu, kwa kufunya vizongona vija veni tulituli mwaka hata mwaka.

WAEBRANIA 11:40

Kwa kukaia Mlungu orezoeghe ukawona kilambo chimu chiboie kuchumba kwa wundu ghodu, kukaia kuseko na isi, awo wisekatisho anduangi.

WAEBRANIA 11:6

Na kuseko na irumirio, ndeidimikagha kum'boia Mlungu anduangi. Angu mundu uo ose umsoghoderagha Mlungu, ni suti urumirie kukaia oko; nao wawikatishiragha awo wimlolagha uo.

WAEBRANIA 3:6

Ela Kristo, orekoghe mloli aighu ya nyumba ya Mlungu sa Mwana. Nesi de nyumba yake, ikakaia daghumazira wuwana ghodu, na kumanga andenyi ya isuwirio jedu.

WAEBRANIA 4:16

Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

WAEBRANIA 6:18

eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.

WAEBRANIA 7:11

Idana, ikakaia wukohani ghwa wen-Lawi ghorekateghe-lee, (angu wandu wedepata Sharia kwa chia ya ugho wukohani) ekoo hajaki sena kukaia na mkohani mzima, onughishira wukohani ghwa Melkizedeki, wulalo ghwa uja moni uwikwagha kwa kunughishira wukohani ghwa Haruni?

WAEBRANIA 7:20

Najo ndejerekoghe kuseko na ighemi anduangi.

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

WAEBRANIA 8:6

Ela sa iji iko, Kristo wapatire wudumiki ghuboie kuchumba ugho ghwa kala, seji koni ijo ilaghano wawuyajidumikia jiko jiboie kuchumba; kwa kukaia jibonyero kwa malaghiro mecha kuchumba.

WAEBRANIA 9:9

(nagho ni mfwano ghuwonyeragha seji iko matuku agha). Kunughana na maboiso agho, manosi na vizongona vafunywa ivo visedimagha kukatisha nia ya uja mundu utasagha,

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.