WAEBRANIA 7:18 - Biblia Ilagho Jiboie Kwa Wandu Wose

¹⁸ Kwa luwaru lumu, Sharia ya imbiri yawikwa na mbai kwa wundu ghwa wunyonge iko nagho, na kuleghafwana kwaro;

WAEBRANIA 7:18 ပူးပေါင်းရင်းမြစ်များ

MABONYO GHA WADUMI 13:39

na kwa chia yake, uo ose urumiriagha, wafungulwa kufuma kaung'enyi rose iro mseredimieghe kutana naro kwa Sharia ya Musa.

WAROMA 3:31

Da huwo keni diainja Sharia kwa wundu ghwa iji irumirio? Hata kutini. Wulalo ghwaro daimazira nicha.

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

WAGALATIA 3:15

Nimneke mfwano ghwa maza ribonyekagha wandunyi wanidu; ndekuwadie mndungi udimagha kuinja angu kuchuria ilaghiro ja ifwa ja mundu jikameria kumangishwa.

WAGALATIA 3:17

Huwo ni kughamba, iyo Sharia erechieghe nyuma ya miaka maghana ana na mirongo idadu, ndeidimagha kuinja ilaghano jibonyero ni Mlungu ko imbiri, na kujibonya ijo ilaghano kukaia ja duu anduangi.

WAGALATIA 3:21

Welee, iyo Sharia yaawuyatangala malaghiro gha Mlungu sena? Hata kutini. Angu ngera edeeka Sharia ifunyiro edima kuwiwika wandu moyo, kumangu loli hachi yadapatika kwa Sharia.

WAGALATIA 4:21

Nighorienyi inyo mkunde kukaia aisi ya Sharia; wele sena mwawuyasikira seji Sharia ighoragha?

WAGALATIA 4:9

ela idana, mwachemmanya Mlungu; angu nighambe, Mlungu wammanyire inyo. Mwadima wada kuwuya nyuma, na kuriwuria sena rija roho ra wurumwengu ughu ra wukiwa risewadie ndighi; na kukunda kuwuya wazumba wawo kawi?

1 TIMOTHEO 4:8

kwa kukaia, kukuzaisira kwa mumbi kwafwana kutini, ela kuobua kwa Mlungu kwafwana kwa kula chia; angu koko na ilaghiro kwa wundu ghwa irangi iji; na kwa jija jichagha wori.

WAEBRANIA 13:9

Msakelaghashwa ni mafundisho mazima mazima gha kighenyi; angu ni nicha iyo ngolo imangisho kwa mvono ghwa Mlungu, hata si kwa vindo anduangi; ivo visemnekagha fwaida ingi uo mundu unughanagha navo.

WAEBRANIA 7:19

(angu Sharia ndeeredimieghe kukatisha ilagho jingi); na kwa luwaru lumu isuwirio jiboie kuchumba jaredwa, ijo jididimishagha kumsoghodera Mlungu kaavui.