WAEBRANIA 7:16 - Biblia Ilagho Jiboie Kwa Wandu Wose

¹⁶ Nao wawurie mkohani kuseko na mawiko gha kivalwa cha mumbi, ela kwa ndighi ra irangi jisewadie kunoneka.

WAEBRANIA 7:16 ပူးပေါင်းရင်းမြစ်များ

WAROMA 7:14

Isi daichi angu Sharia ni ya kiroho; ela ini ne wa mumbi, niuziro nikaie mzumba wa kaung'a.

WAGALATIA 4:3

Ni huwo koni na isi; iji derekoghe wana, derekoghe wazumba wa mafundisho gha asili gha pepo ra wurumwengu ughu.

WAGALATIA 4:9

ela idana, mwachemmanya Mlungu; angu nighambe, Mlungu wammanyire inyo. Mwadima wada kuwuya nyuma, na kuriwuria sena rija roho ra wurumwengu ughu ra wukiwa risewadie ndighi; na kukunda kuwuya wazumba wawo kawi?

WAKOLOSAI 2:14

na kuivuta ija karatasi ya mashitakio erekoghe ikidishitakia kwa sharia raro; nayo oreiwikieghe na mbai, ukiiwamba aighu ya msalaba.

WAKOLOSAI 2:20

Ikakaia morefueghe andwamweri na Kristo, mkarisigha maza ra asili ra pepo ribonyagha nguma wurumwengunyi, kwaki sena mwawuyakaia sa wandu wa wurumwengu? Kwaki mwawuyakuwika aisi ya malaghiro?

WAEBRANIA 10:1

Kwa kukaia iyo Sharia eeka na kirerendi cheni cha vilambo viboie vichagha, wulalo ghwa fwana ya loli ya ivo vilambo, na jingi ndeidimagha kuwikatisha awo wandu wisoghodagha kwa Mlungu, kwa kufunya vizongona vija veni tulituli mwaka hata mwaka.

WAEBRANIA 7:15

Maza iri reko worinyi kuchumba, kwa kuwona seji mkohani umu wawuka ufwanane na Melkizedeki.

WAEBRANIA 7:17

Angu washuhudilo huwu, “Oho ko mkohani kwa kala na kala kwa kunughishira wukohani ghwa Melkizedeki.”

WAEBRANIA 7:21

Awo wandu werewuyagha wakohani imbiri, wada-wada kazi rawo kuseko na ighemi. Ela Jesu orewurieghe mkohani kwa ighemi huwu, “Bwana waghemie, nao ndewuyaaghaluka; ‘Oho ko mkohani kwa kala na kala.’”

WAEBRANIA 7:28

Loli Sharia yawiwika wandu wiko na wunyonge wikaie wakohani wabaa, ela ilaghiro jibonyero kwa ighemi, najo jerechieghe nyuma ya Sharia, jammbika Mwana uo ukatishiro kwa kala na kala.

WAEBRANIA 7:3

Uo ndewadie ndee, angu mae, hata kichuku chingi; ndewadie kuzoya hata kutua kungi anduangi. Nao ukifwanana na Mwana wa Mlungu, wadua mkohani kwa kala na kala.

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

WUFUNUO 1:18

uo uko moyo. Nerefueghe, nani hoku neko moyo kwa kala na kala; nani nawadie mifunguo ya kifwa na Andu kwa Wafu.