WAEBRANIA 6:7 - Biblia Ilagho Jiboie Kwa Wandu Wose

⁷ Ija ndoe inywagha machi gha vua inyagha aighu yaro shwa kwa shwa, na kuva mavalo ghiwifwanagha awo wandu wereilimieghe, yadarasimilwa ni Mlungu.

WAEBRANIA 6:7 ပူးပေါင်းရင်းမြစ်များ

KUZOYA 1:11

Niko Mlungu ukaghamba, “Ndoe ndeibuse midi, miwalwa ifunyagha mbeu, na midi ya matunda ghiko na mbeu, kula mudi ghwa mbari yaro.” Nao ikakaia wokoni.

KUZOYA 27:27

Ukasoghoda ukamsusugha; na ndee ukanukilwa ni irumba ja nguwo rake, ukamrasimia ukighamba: “Ola irumba ja mwanwapo, ni karakara na irumba ja mbuwa iyo BWANA oreirasimieghe!

ZABURI 126:6

Uo ufumagha na kuwa mbeu rake ukilila, uchawuya mzinyi udwae visuke vake ukibora kwa kuboilwa.

ZABURI 24:5

Mundu uo ucharasimilwa ni BWANA, nao uchanekwa hachi ni Mlungu Mkiri wake.

ISAYA 44:3

“Nichafunya machi kwa isanga jiomie, na meda ya machi kwa ndoe iomie. Nichadia Roho wapo aighu ya kivalwa chako, na wana wako nichawidiria marasimio ghapo.

EZEKIELI 34:26

“Nani nicharirasimia aighu ya mghondi ghwapo, na kurinyeshera vua kwa kimu charo; kuchakaia na mami gha marasimio.

HOSEA 10:12

Ngaghamba, ‘Limenyi mbuwa mbishi kwa wundu ghonyu mmbeni, muwe hachi, mkuwide lukundo lukatie kufuma kwapo. Ni ngelo ya kunighalukia ini, BWANA onyu, nani nichacha na kumdiria marasimio.’

WALAWI 25:21

BWANA ucharasimia isanga mwaka ghwa karandadu jipate kukaia na mavalo ghikate miaka iwi.

MALAKI 3:10

Redenyi ifungu ja ikumi jose Hekalunyi, vindo vipate kuchua aho. Nitimenyi kwa chia iyo, mmbone ngera simrughuyagha madirisha gha mlungunyi, na kumdiria marasimio gha vindo vingi.

MATHAYO 7:8

Angu uo ulombagha uchanekwa, uo ulolagha uchawona, na uo ukongodagha ucharughuilwa.

2 TIMOTHEO 2:6

Mlimi ubonyagha kazi kwa kufunga ndighi, nuo ufwane upate ifungu ja imbiri ja mavalo.

JAKOBO 5:7

Kwa huwu wanidu, rumaghienyi hata Bwana uche. Zighanenyi angu mlimi wadawesera mavalo gha ndoe gha zoghori mbaa, ukirumaghia, hata ghipate vua ya imbiri na ya nyuma.