WAEBRANIA 6:11 - Biblia Ilagho Jiboie Kwa Wandu Wose

¹¹ Na isi dakunde kula umu onyu uwonyere kufunga ndighi uko koni, kwa kukatisha ijo isuwirio hata kutua.

WAEBRANIA 6:11 ပူးပေါင်းရင်းမြစ်များ

ISAYA 32:17

Kazi ya hachi ichakaia kureda sere, nayo ichareda wumboa na kurumirikia kwa kala na kala.

MATHAYO 24:13

Ela uo urumaghiagha hata kutua nuo moni uchaakia.

LUKA 1:1

Kwa kukaia wengi wamerie kukufunya wiandike malagho gha maza ribonyekie aghadi kodu,

WAROMA 12:8

uo ukumbagha ngolo, ndekumbe ngolo; uo ufunyagha, ndefunye kwa wungi; uo utesiagha, ndetesie kwa ngolo, uo ubonyagha nguma, ndebonye kwa kufunga ndighi; na uo uko na wughoma, ndefuye wughoma kwa kuboilwa.

WAROMA 15:13

Idana uo Mlungu wa isuwirio, ndemchure inyo kuboilwa kose na sere kwa kurumiria, eri mpate kuchulwa ni ijo isuwirio kwa ndighi ra Roho Mweli.

1 WAKORINTHO 13:13

Kwa wundu ugho, iro riduagha ni iri idadu: Irumirio, isuwirio, na lukundo; ela m'baa wa rose, ni lukundo.

1 WAKORINTHO 15:58

Kwa huwu wanidu nimkunde, mangenyi msakenyavurika; mkimdumikia Bwana tulituli, mkimanya angu kazi yenyu andenyi ya Bwana si ya duu anduangi.

WAGALATIA 5:5

Angu isi dawesera ijo isuwirio ja hachi kwa chia ya Roho.

WAGALATIA 6:9

Nesi disesilo ni ndighi kubonya nicha, angu dichakuwida kwa ngelo yaro ikavika, iji dakaia disefue ngolo.

WAFILIPI 3:15

Na isi diwose dizoghue kiroho, ndediririkanye woruwo; na ikakaia kwa chia ingi muko na maririkanyo mazima, Mlungu uchamfunukuya ijo najo wori.

WAKOLOSAI 1:23

Elaima yamfwana mduo andenyi ya jija irumirio, mmangishiro, msenyavurikagha, hata kujisigha ijo isuwirio ja Ilagho Jiboie ijo morejisikireghe; najo jachililo kwa kula mundu wurumwengunyi kose, na kwa wundu ghwaro, ini Paulo nawurie mdumiki waro.

WAKOLOSAI 1:5

kwa wundu ghwa ijo isuwirio jiwikilo aighu mlungunyi kwa wundu ghonyu. Nenyo moresikireghe malagho gharo imbiri, andenyi ya ijo ilagho ja loli, ijo Ilagho Jiboie

WAKOLOSAI 2:2

eri wipate kuhoreshwa ngolo rawo kwa kuwadanishwa chiaimweri kwa lukundo, wipate iro mali rose ra kuelelwa kwa loli, na kuimanya ngasu ya Mlungu, nayo ni Kristo;

1 WATHESALONIKE 1:5

angu ijo Ilagho Jiboie deremchilieghe, ndejerekoghe kwa madedo gheni anduangi, ela wokoni kwa ndighi, na kwa Roho Mweli; jikitanya tiki. Inyo mwamanya derekoghe wandu wifwane wada aghadi konyu, kwa wundu ghonyu;

1 WATHESALONIKE 4:10

na loli inyo mwawikunde wanidu wose wa Makedonia kose. Ela damshashira wanidu, mchurie kubonya huwo kuchumba,

2 WATHESALONIKE 3:13

Msakesilwa ni ndighi kwa kubonya nicha wanidu.

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WAEBRANIA 3:14

Angu deko wangara wa Kristo, ikakaia damazira hata kutua kuja kurumiria kodu kwa imbiri, ingelo ighorwagha,

WAEBRANIA 3:6

Ela Kristo, orekoghe mloli aighu ya nyumba ya Mlungu sa Mwana. Nesi de nyumba yake, ikakaia daghumazira wuwana ghodu, na kumanga andenyi ya isuwirio jedu.

JOSHUA 7:3

Wikawuya kwa Joshua wikamzera, “Ndedina haja eghenja wandu wengi aho, ela wandu sa elfu iwi angu idadu wijoke wikabe ugho muzi ghwa Ai; mseghenje ijeshi jose aho, ni wandu watinieri.”

1 PETRO 1:21

Kwa chia yake uo, moko na irumirio kwa Mlungu, uo oremrukishireghe kufuma kwa wafu, na kumneka wubaa; eri irumirio jenyu, na isuwirio jenyu, jikaie kwa Mlungu.

2 PETRO 1:10

Kwa huwo wanidu, fungenyi ndighi kumanga kwa kuwangwa na kusaghulwa konyu, angu mkabonya huwu, na jingi ndemchaaghwa;

2 PETRO 3:14

Kwa huwo wakundwa, angu mwawuyawesera maza iri, fungenyi ndighi, mkulo ni Mlungu wandu msewadie iboli hata ikosa jingi; mko na sere.

1 JOHANE 3:14

Isi damanya angu damerie kufuma kifonyi na kungia iranginyi, kwa kukaia dawikunde awo wanidu. Uo ose usewadie lukundo, wadakaia kifonyi.

1 JOHANE 3:19

Kwa chia ihi, dichamanya angu deko wa iyo loli, na kukaia na wuwana imbiri ya Mlungu,

WUFUNUO 2:26

Uo usimagha na kuribonya kazi rapo hata kutua, nichamneka kubonya nguma aighu ya iro mbari,