WAEBRANIA 5:9 - Biblia Ilagho Jiboie Kwa Wandu Wose

⁹ nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

WAEBRANIA 5:9 ပူးပေါင်းရင်းမြစ်များ

ZABURI 45:17

Nichabonya irina jako jikumbukoghe vivalwa vose; kwa huwo wandu wichakukasa kwa kala na kala.

ZABURI 51:6

Oho kwadakunda loli ya kondenyi; kunifundishe hikima ya ngolonyi.

ZABURI 51:8

Kunibonye niboilo na kuseka; andu korekuchikanyireghe, kuwurilo ni kuboilwa.

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 49:6

Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

ISAYA 55:3

“Deghenyi madu ghenyu munichee, sikirenyi, mpate kukaia moyo; nani nichabonya ilaghano ja kala na kala andwamweri nenyo, kwa wundu ghwa lukundo lwapo lwa loli lukatie kwa Daudi.

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

ZEKARIA 6:15

Wandu wa kula wichacha kutesia kuiagha Hekalu ya BWANA, nenyo mchamanya kukaia ni BWANA Uwadie-Ndighi-Rose unidumie konyu. Maza iri rose richabonyeka kasikira mwafunga ndighi kumsikira BWANA Mlungu onyu.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

LUKA 13:32

Nao ukawizera, “Ghendenyi mughuzere ghuja mzozo, ‘Ola idime na kesho niawinga pepo na kuboisa wakongo, na ituku ja kadadu, niameria kazi yapo.

JOHANE 19:30

Nao iji Jesu waitoa iyo siki, ukaghamba, “Yasia.” Ukaghoghomesha chongo chake ukaifunya roho yake.

MABONYO GHA WADUMI 3:15

Mkam'bwagha uja M'baa wa irangi, ela Mlungu oremrukishireghe kufuma kwa wafu, nesi deko washahidi wa maza iri.

MABONYO GHA WADUMI 4:12

Hata ndekuwadie kukia kwa mzima ungi anduangi, angu ndekuwadie irina jingi izima wurumwengunyi kose, jinekelo wadamu jidimagha kudikira.”

MABONYO GHA WADUMI 5:32

Isi deko washahidi wa maza iri, andwamweri na Roho Mweli wori uo Mlungu uwinekagha wose wimsikiragha.”

WAROMA 1:5

Kwa chia yake uo, isi dapatire mvono na wudumi ghowibonya wandu wa mbari rose wipate kusikira kwa uko kurumiria kwa wundu ghwa irina jake;

WAROMA 10:16

Ela si wose wijirumirie ijo Ilagho Jiboie; angu Isaya waghambie, “Bwana, nani oreghirumirieghe malagho ghedu?”

WAROMA 15:18

Angu sidimagha kudeda ilagho jingi izima, ela ijo jeni Kristo ujibonyere ukinitumia, ja kuwibonya wandu wa mbari zima wimsikire Mlungu. Nao orebonyereghe huwo kwa madedo na kwa mabonyo wori;

WAROMA 2:8

Ela wandu wa sheshe, wiseisikiragha ija loli, wikinugha mawiwi, wichachelwa ni machu na kubia kubaa kwa Mlungu.

WAROMA 6:17

Ela chawucha kwa Mlungu; angu hata ngera morekoghe wazumba wa kaung'a, mwamerie kuwuya wandu wa kusikiria kwa ngolo yose na kukatisha sa iji koni morefundishiroghe.

2 WAKORINTHO 10:5

Isi davuchua kula kindo chikujosagha cheni na kubonya nganyi aighu ya kumanya kwa Mlungu, na kujidwa wunyika kula ighesho, jipate kumsikira Kristo.

WAFILIPI 2:12

Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;

2 WATHESALONIKE 1:8

Nao uchalipia ngenga aighu ya wandu wose wisemwichi Mlungu, na aighu ya awo wose wawuyajilegha ijo Ilagho Jiboie ja Bwana odu Jesu.

2 WATHESALONIKE 2:16

Idana Bwana odu Jesu Kristo moni, na Mlungu Aba odu, uo oredikundieghe na kudineka wuhoreshi ghwa ngolo kwa kala na kala, na isuwirio icha, kwa chia ya mvono;

2 TIMOTHEO 2:10

Kwa huwu narumaghia maza rose kwa wundu ghwa wasaghulwa, eri nawo wipate kukia andenyi ya Kristo Jesu, na kupata ugho wubaa ghwaro ghwa kala na kala.

WAEBRANIA 1:14

Welee, weke malaika wose si roho ridumikagha, ridumilo ripate kudumika kwa wundu ghwa awo wipatagha kukia anguwada?

WAEBRANIA 11:40

Kwa kukaia Mlungu orezoeghe ukawona kilambo chimu chiboie kuchumba kwa wundu ghodu, kukaia kuseko na isi, awo wisekatisho anduangi.

WAEBRANIA 11:8

Kwa irumirio, Abrahamu uendawangwa ni Mlungu ughende andu kuchaakaia ifwa jake, oosikira; ukaafuma usemanyagha andu ughendagha.

WAEBRANIA 12:2

dikimzighana Jesu mzoishi na mkatishi wa irumirio jedu. Uo, kwa wundu ghwa kuja kuboilwa korewikiloghe imbiri kwake, oreghurumaghieghe msalaba, ukaghumenya waya; nao waserie kidombo chia ya mkonu ghwa kiwomi ghwa kifumbi cha nguma cha Mlungu.

WAEBRANIA 2:10

Angu erefwaneghe, Mlungu uo uumbie vilambo vose, sena kwa chia yake vikakaia, umkatishe Jesu kwa chia ya matiriro, eri upate kuwireda wana wengi wingie kwa wubaa ghwake. Angu Jesu nuo kilongozi cha kukia kwawo.

WAEBRANIA 2:3

isi-lee, dichafufunuka wada dikakumenya kukia kubaa kung'ane huwu? Na Bwana orezoeghe kukughora, na wandu weremsikireghe ukikughora, wikadiwonyera seji kuko kwa loli.

WAEBRANIA 9:12

orengirieghe andenyi ya Andu kwa Wueli indo jimweri tua ukidwa bagha; si ya mburi na ngache anduangi, ela bagha yake moni. Kwa chia iyo ukaghupata ghuja wukomboli ghwa kala na kala.

WAEBRANIA 9:15

Kwa huwo, Jesu nuo mpatanishi wa ijo ilaghano iwishi; eri awo wiwangilo, wipate kujiwusa ijo ifwa ja kala na kala jilaghirilo; kwa kukaia kifwa chapatikie, icho chiwikombuagha wandu kufuma makosenyi ghaja gherebonyeroghe ngelo ya ilaghano ja imbiri.

WAEBRANIA 9:28

huwo koni Kristo, umeria kufunywa indo jimweri uriduke kaung'a ra wengi, uchawoneka indo ja kawi; si kwa wundu ghwa kulwa na kaung'a, ela upate kuwikira awo wose wawuyammbesera kwa kufunga ndighi.

1 PETRO 1:22

Kwa kukaia mwamerie kujielesha irangi jenyu kwa kuisikira ija loli, na kupata lukundo lwa loli lowikunda wanidu, fungenyi ndighi kukundana mmbeni na mmbeni kwa ngolo.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.

JUDA 1:21

mkuwike mmbeni andenyi ya ulo lukundo lwa Mlungu; mmbeserie wughoma ghwa Bwana odu Jesu Kristo, upate kumneka irangi ja kala na kala.