WAEBRANIA 5:7 - Biblia Ilagho Jiboie Kwa Wandu Wose

⁷ Matuku gha Jesu ukikaia mumbinyi, oremlombieghe Mlungu uo udimagha kumkira na kifwa, kwa lwaka lubaa lwa kuvoya na kudikwa ni mbori, nao ukasikirwa angu orekoghe na kuja kuobua kwa Mlungu.

WAEBRANIA 5:7 ပူးပေါင်းရင်းမြစ်များ

ZABURI 22:24

Kwa kukaia ndemenyere angu kuzamilwa ni makorongo gha uo ukorongagha; ndereleghieghe kumzighana, ela iji oremlilieghe, ukamsikira.

ZABURI 69:1

Nikire ee Mlungu! Niamba nimilo ni machi.

ZABURI 88:1

Ee BWANA Mlungu wapo, nakulilia kio na dime ngilomba wutesia.

ISAYA 49:8

BWANA waghamba huwu kwa wandu wake, “Ngelo irumirikie nerekutumbulieghe, na kwa ituku ja kukia, nerekuteserieghe; nakuwikie na kukufunya kukaie ilaghano kwa wandu, kupate kuwuya na kujimangisha isanga, eri kuwineke ifwa ja isanga awo wisewadie.

ISAYA 53:11

nao uchawona matunda gha wasi ghwa roho yake na kukatwa; kwa wundu ghwa kumanya kwa hachi yake, mdumiki wapo uchawibonya wengi kutalwa kukaia na hachi, nao uchaduka mawiwi ghawo.

ISAYA 53:3

Oremenyeroghe na kuleghwa ni wandu, mundu wa wasi uichi kutirirwa, na sa mundu useko ozighanwa ni wandu, oremenyeroghe, hata wandu ndeweremtalieghe kukaia kindo chingi anduangi.

WALAWI 2:2

ima ughurede kwa wakohani, wana wa Haruni. Niko mkohani uchabegha ngonde ichue ya ugho mufu ghudendere na mavuda, chiaimweri na vilungo varo vose; nao uchaghukora sa ifungu jekumbuka kukaia mufu ghose ghwameria kukorwa aighu ya madhabahu, ghukaie kizongona chekora; irumba ja vindo ivo jamnukiagha BWANA nicha na ndighi.

MATHAYO 27:46

Iendavika saa ikenda, Jesu ukakema kwa lwaka lubaa, “Eli, Eli, lama sabakithani?” Kutambua kwaro, “Mlungu wapo, Mlungu wapo, kwaki kwanisigha?”

MATHAYO 27:50

Nao Jesu ukakema sena na lwaka lubaa ukaifunya roho yake.

MARKO 15:34

Nao saa ikenda, Jesu ukakema na lwaka lubaa, “Eloi, Eloi, lama sabakithani!” kutambua kwaro, “Mlungu wapo, Mlungu wapo, kwaki kwanisigha?”

MARKO 15:37

Aho Jesu ukakema na lwaka lubaa, ukameria moyo.

LUKA 23:46

Nao Jesu ukikema na lwaka lubaa ukaghamba, “Aba, naiwika roho yapo mikonunyi kwako.” Umeria kughora huwo ukameria moyo.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 11:35

Jesu ukadikwa ni mbori.

JOHANE 11:42

nani neremanyireghe angu oho kwadanisikira ngelo rose. Ela naghighora agha kwa wundu ghwa wandu wiko kimusi aha; wipate kurumiria angu ni oho korenidumieghe.”

JOHANE 17:1

Nao iji Jesu wameria kughora malagho agho, ukazighana aighu mlungunyi ukaghamba, “Aba, ngelo yameria kuvika; mkase Mwana wako, na Mwana wako wori ukukase oho.

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

WAGALATIA 4:4

Ela iji ngelo yakatia, Mlungu oremdumieghe Mwana wake ukavalwa ni muka, nao orevaloghe aisi ya Sharia,

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.

WAEBRANIA 10:10

na kwa ulo lukundo lwa Mlungu, damerie kueleshwa kwa chia ya kufunywa kwa mumbi ghwa Jesu Kristo ijo indo jimweri tua.

WAEBRANIA 10:5

Kwa wundu ghwa agho, Kristo uendacha wurumwengunyi, oreghambieghe huwu, “Oho ndekorekoghe na haja ya vizongona na mafunyo ghangi, ela koreniboisireghe mumbi.

WAEBRANIA 11:7

Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.

WAEBRANIA 12:28

Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

WAEBRANIA 13:20

Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,

WAEBRANIA 2:14

Idana kwa kukaia awo wana ni wandu wiko na nyama na bagha, huwo koni Jesu orewusireghe fwana tiki ya kidamu, eri kwa chia ya kifwa, upate kumtotesha uo uko nandighi ra kifwa, uo Ibilisi;

1 JOHANE 4:3

na kula roho isemrumiriagha Jesu si ya Mlungu anduangi. Iyo ni roho ya M'maiza wa Kristo, iyo moresikireghe angu iacha, na idana eko wurumwengunyi.

2 JOHANE 1:7

Angu wakalii wengi wamerie kufumirika wurumwengunyi, wandu wikanagha kukaia Jesu Kristo orechieghe ukawuya mdamu; mundu uo ni mkalii, na M'maiza wa Kristo.