WAEBRANIA 5:4 - Biblia Ilagho Jiboie Kwa Wandu Wose

⁴ Na mundu sa uo, ndejiwusagha ijo ishima ela wadawangwa ni Mlungu sa iji koni Haruni orewangiloghe.

WAEBRANIA 5:4 ပူးပေါင်းရင်းမြစ်များ

1 MALAGHO GHA NGELO 23:13

Wana wa Amramu werekoghe: Haruni, na Musa. Haruni oresaghuloghe uviwike wakfu vilambo va wueli kuchumba na kufukira marumba imbiri ya BWANA, na kumdumikia na kufunya irasimio matuku ghose.

2 MALAGHO GHA NGELO 26:18

Wikamghiria mzuri Uzia wikamzera, “Si hachi ingi kwako Uzia kumfukiria BWANA marumba. Iyo ni kazi ya wakohani, awo wana wa Haruni wiwikilo wakfu wifukireghe marumba. Fuma Andu kwa Wueli, kwamkosera BWANA Mlungu. Ndekupatagha irasimio jingi kufuma kwa BWANA.”

EZRA 7:5

Abishua, Finehasi, Eleazari na Mkohani M'baa Haruni.

KUFUMA 28:1

“Kumrede mwanyinyu Haruni na wana wake kaavui na oho. Haruni na wana wake; Nadabu, Abihu, Eleazari, na Ithamari; kuwitenge aghadi ya Waisraeli wipate kunidumikia kwa kazi ya Wukohani.

WALAWI 8:2

“Wada Haruni na wana wake, kudo marwao na mavuda ghewika wakfu, na njau efunya kizongona kwa wundu ghwa kaung'a, bauru iwi, na kikapu cha mikate isewadie chachu;

MITALO 16:10

Mlungu wamredie kaavui nao chiaimweri na wanyinyu Walawi wose mumdumikieghe; da sena mualola na wukohani wori?

MITALO 16:35

Na modo ghukafuma kwa BWANA, ghukawikora awo wandu maghana awi na mirongo misanu werekoghe wikifukira marumba.

MITALO 16:40

na kukaia lukumbuso kwa wandu wa Israeli eri mndungi useko mkohani wa kivalwa cha Haruni usechesoghoda kufukira marumba imbiri ya BWANA ucheka sa Kora na wandu wake seji BWANA oremghorieghe Eleazari kwa kumtumia Musa.

MITALO 16:5

ukamzera Kora na wandu wake, “Kesho BWANA uchawonyera u mundu uko wake, nao nani uelie; na uo mundu umsaghuagha ucham'bonya usoghode kaavui nao.

MITALO 16:7

wikumbe modo andenyi, na kuwikiria marumba aighu yaro imbiri ya BWANA; na uo mundu BWANA uchaamsaghua nuo moni mweli. Inyo ninyo mwazidi wana wa Lawi!”

MITALO 18:7

Ela oho na wana wako, mchabonya kazi ra wukohani madhabahunyi, na iro ra Andu kwa wueli kuchumbie. Wukohani ni inosi jenyu nimnekie na mndungi ukaghusoghodera, uchabwaghwa.”

MITALO 3:3

awo wereshingiloghe mavuda na kuwikwa wakfu wikaie wakohani.

JOHANE 3:27

Johane ukawizera, “Mndungi ndedimagha kukaia na kilambo chingi ngera usenekelo ni Mlungu.