WAEBRANIA 4:16 - Biblia Ilagho Jiboie Kwa Wandu Wose

¹⁶ Kwa huwo ndedisoghode kaavui na kifumbi cha wughoma kwa wuwana, eri dipate kufuilwa wughoma, na kupata mvono ghoditesia ngelo ghukundikagha.

WAEBRANIA 4:16 ပူးပေါင်းရင်းမြစ်များ

1 MALAGHO GHA NGELO 28:11

Niko Daudi ukamneka mwana wake Solomoni mchoro ghwa maaghi ghose gha Hekalu, na vumba varo; vumba vewika mali, vumba va ghorofa, vumba va ndenyi, na chumba cha kifumbi cha wughoma;

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

WALAWI 16:2

ukamzera, “Kumzere mwanyinyu Haruni usecheghe kula ngelo andenyi ya Andu kwa Wueli Kuchumbie nandenyi ya pazia; andu aho Kifumbi cha Wughoma chiko aighu ya Sanduku ya Ilaghano, uchefwa; kwa kukaia nichawoneka andenyi ya iwingu aighu ya Kifumbi cha Wughoma.

WAEFESO 2:18

Angu kwa uo, isi diwose dapata chia emvikia uja Aba, andenyi ya Roho umweri.

WAEFESO 3:12

nesi deko na wuwana ghongia kwa Mlungu kwa wuing'oni, kwa chia ya irumirio diko najo andenyi ya Kristo.

WAEBRANIA 13:6

Niko dadima kughamba kwa wuwana, “Bwana nuo mtesia wapo, sichaaobua anduangi; mdamu wadima kunibonya wada?”

WAEBRANIA 3:6

Ela Kristo, orekoghe mloli aighu ya nyumba ya Mlungu sa Mwana. Nesi de nyumba yake, ikakaia daghumazira wuwana ghodu, na kumanga andenyi ya isuwirio jedu.

WAEBRANIA 7:19

(angu Sharia ndeeredimieghe kukatisha ilagho jingi); na kwa luwaru lumu isuwirio jiboie kuchumba jaredwa, ijo jididimishagha kumsoghodera Mlungu kaavui.

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

WAEBRANIA 9:5

na aighu ya iyo Sanduku korekoghe na makerubi gha wubaa ghichifinikiragha kiju icho kifumbi cha wughoma. Maza iri idana disedimagha kurighora imu imu.

1 PETRO 2:10

Aho imbiri ndemorekoghe wandu wa Mlungu anduangi, ela idana mo wandu wake; aho imbiri morekoghe msefuilo wughoma, ela idana mwamerie kufuilwa wughoma.