WAEBRANIA 4:13 - Biblia Ilagho Jiboie Kwa Wandu Wose

¹³ Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

WAEBRANIA 4:13 ပူးပေါင်းရင်းမြစ်များ

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

2 MALAGHO GHA NGELO 6:30

kusikire kufuma mlungunyi andu kukaiagha, kufuye wughoma, na kumneka kula umu seji kumwichi ngolo yake kunughana na mabonyo ghake, (angu ni oho, oho kuekeri kuichi ngolo ra wadamu);

AYUBU 26:6

Mlungu waichi maza rose ra Andu kwa Wafu; ndekuwadie kilambo chingi chivisikie kwake anduangi.

AYUBU 34:21

“Mlungu wadazighana mighendo ya mdamu, na kuwona milambo yake yose.

AYUBU 38:17

Jingi kwawonyero mbenge ra wurumwengu ghwa wafu ghuko kira?

ZABURI 139:4

Hata imbiri nisededie ee BWANA, oho kwameria kumanya seji nichaadeda.

ZABURI 44:21

ndekoremanyagha e kuichi ngasu rose ra ngolo ee Mlungu?

ZABURI 7:9

Ee Mlungu wa hachi, kuzighanagha nia na ngolo ra wandu; meria kiwiwi cha wandu wizamie, na kuwimangisha wahachi.

ZABURI 90:8

Kwaghifunukua mawiwi ghedu imbiri kwako, iro kaung'a redu ra kiviso reko worinyi imbiri yako.

MAKATANISHO 15:11

BWANA waichi kula ilagho jiko hata Andu kwa Wafu, ni kuchumba saki Mlungu kumanya ngolo ra wandu!

MAKATANISHO 15:3

BWANA wadawona kula andu; wadamzighana mmbiwi na mucha.

MAKATANISHO 5:21

BWANA waichi maza rose mundu uribonyagha, nao wadaizighana mighendo yake yose.

MCHILI 12:14

Angu Mlungu uchatanya kula ilagho dibonyagha jikaiagha jiboie angu jizamie; hata agho ghibonyero kivisonyi.

JEREMIA 16:17

Angu nawuyawiwona kwa chia rawo rose, ndewivisikagha kwapo, hata na mawiwi ghawo ndeghivisikie mesonyi kwapo anduangi.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 23:24

Mundu wadima kukuvisa andu kwake kwa kiviso nisemmbone? Waghamba BWANA. Welee, si ini nichurie mlungunyi na ndoenyi?

JEREMIA 29:23

kwa kukaia wabonyere wukelu andenyi ya Israeli, wikalaka na waka wa wambao, sena ii chia wiaghora tee wikiloda kwa irina japo nisewidumie. Ni ini niichi malagho agho sena neko mshahidi, Ini BWANA naghamba.’”

DANIELI 2:22

Wadafunukua maza riko ndenyi ra ngasu, na agho ghivisikie kirenyi waghimanya; uo wadakaia mwengerenyi.

MATHAYO 6:4

Mafunyo ghako ghibonyeke kivisonyi, niko na ndeyo uwonagha kivisonyi uchaakulipa.

JOHANE 2:24

ela Jesu nderewirumirieghe awo, angu orewimanyireghe wose.

JOHANE 21:17

Jesu ukamkotia sena indo ja kadadu, “Wele Simoni mwana wa Johane, kwanikunde?” Petro ukangilwa ni wasi angu oremkotereghe indo ja kadadu, kwanikunde? Ukamzera, “Bwana oho kwavimanya vilambo vose, kwaichi angu nakukunde.” Jesu ukamzera, “Kuzighaneghee ng'ondi rapo.

JOHANE 4:16

Jesu ukamzera, “Ghenda kummbange mmigho mchanye aha.”

MABONYO GHA WADUMI 17:31

Angu wawikie ituku jechaghutanya wurumwengu kwa hachi, kwa mundu uo oremmbikieghe; nao wawiwonyera wandu wose wuloli ghwa ilagho ijo kwa kumrukisha mundu uo kufuma kwa wafu.”

WAROMA 2:16

Huwo niko ichaakaia iji Mlungu uchaatanya maghesho gha wandu ghivisiro jija ituku, kwa chia ya Kristo Jesu; karakara na Ilagho Jiboie ijo nawuyajichila.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”